المساعد الشخصي الرقمي

مشاهدة النسخة كاملة : ليتك ترفق على المحزون وتروفه


سعيد الهباش
20-02-2012, 03:00 AM
اول مشاركة وابيات غزلية متواضعة اتمنى ان تنال الاعجاب


ياللي عليك الحشا والروح ملهوفه=يَـتَّـمت قلبي وصار الحزن ميراثه

كثرت رجاويه فيك وقلّت حسوفه=منكوب ماتنقذه حملات الاغاثه

ماينقذه غير وصلك يابعد شوفه=تنعش عروق بذكرى الوصل نفّاثه

مواصلك ينعشه ويلبي شفوفه=ومفارقك يخلفه ويغير احداثه

يميزه من يشيل السيف بكفوفه=والهندي اللى على فجله وكراثه

ليتك ترفّق على المحزون وتروفه=وتجابره في عزاه وترفع انكاثه

ماله جدى الا يصوغ القاف وحروفه=يطري له اللي مضى ويجدد ابحاثه

لاشك يصبر لو ان ايديه مكتوفه=ماينحني للمصاعب طبع ووراثه

الله يعينه على همّ برى جوفه=يَـتَّـمت قلبه وصار الحزن ميراثه

مبارك بن حاضر
20-02-2012, 04:24 PM
الله الله الله

يا سلام يا سلام

.


ارررررررررحب يا سعيد

قصيدة رائعة جدا ً

صح الله لسانك مليون ولا يكفون

و يا مرحبا بك بين اخوانك و بني عمك

و في انتظار المزيد من روائعك


أخوك
مبارك بن حاضر

خالد العاصمي
20-02-2012, 04:32 PM
صح لسانك يابن هباش وتسلم يمينك

قصيدة رائعة ونادره في المجلس

شكرا لك أخي العزيز سعيد ولاهنت

ناصر آل جمان
20-02-2012, 08:14 PM
ارحب يابو محمد
من طول الغيبات جاب الغنائم
صح لسانك تريليون
وانا اقول وينك؟؟؟؟
اثر المحبه شينه!!!

شاعر ومبدع

وشهادتي فيك مجروحه

والله يرعاك