المساعد الشخصي الرقمي

مشاهدة النسخة كاملة : بشار اللعين


أبو حمد العبيدي
01-02-2012, 03:29 AM
أتوجد وأثني الوجد وعيوني تجود=من علوم تجرح الخاطر وتندي الجبين

يا بلاد الشام سيري رغم خشم الحقود=وأكملي ثورة غضب ضد بشار اللعين

من هو اللي ضد شعبه حشد كل الجنود=والعدا في وسط داره مقيمه من سنين

مثل أبوك اللي عطى نصف ملكه لليهود=وأنت تتبع منهجه واضحه هذا يقين

شف مبارك عقب ظلمه مقيد بالقيود=واليماني هارب(ن)مثل زين العابدين

شف معمر كيف ولى وقد هو في اللحود= قطَع الله ملكه وخسرها دنيا ودين

ماأبعد التشبيه بينك وبين ابن سعود=المليك اللي حكم شعبه بحلم ولين

دام ظلك ياملكنا وحن معك حشود=للعدا ضد وللمملكه حصن حصين

وعاش نايف نايب(ن) لك وهو رمز الصمود=حامي امن المملكه ضد غدر الخاينين

يا بلاد الشام سيري رغم خشم الحسود=وأكملي ثورة غضب ضد بشار اللعين

مبارك بن حاضر
01-02-2012, 11:17 AM
ارحب يابو حمد

صح الله لسانك

و الله ينصر الشعب السوري على الظالم بشار الاسد

صح لسانك و على الثانيه عانك


أخوك
مبارك بن حاضر

waleed alrfedi
01-02-2012, 01:27 PM
صح لسانك روعة ما شاء الله
كساك ع القوة
وفلك السعد يابو حمد

المنشد الشامخ
01-02-2012, 01:37 PM
صح الله السانك يا العبيدي