الموهبه

[ناصر آل جمان]

ضاعت مواهبنا مع الإجحاف=في ربعنا منكر و حسادي
وعاشت مواهبنا مع الميقاف=اليا وقفنا ننطح القادي
والشكر يوصل لاهل الإنصاف=فالمرجله والمجد روادي
ماني براسمها على الاوصاف=ورا الشفا عاذل ونقادي
ما نأخذ المعرفه باسلاف=ميراثنا وقدحة ازنادي
نمشي قدم ما نعود خلاف=وسيل الجبال يحول الوادي
لجئت في دارهم بأصطاف=تشايزو جمع وافرادي
اليوم لعبٍ على الأطراف=غير انتبه كبتن النادي
دور علاج من السقاف=فالثانيه جبس وضمادي
الله يأمربنون وكاف=لاتصدق علوم الارصادي
حد المهند يشق غلاف=اليا انثنى حد ردادي
لو كان كل القلوب نظاف=مابه خلافٍ ولا اعنادي
لاتسري الليل بالكشاف=وتسير فالدرب متحادي
ما ندرج الضالعه وضعاف=في دارس القول وجدادي
ما ودنا نحمي المرضاف=و اقعد لهم كل مرصادي
دور على محمد الصحاف=في ذمته قهر بغدادي
طهر ثياب السعي واطاف=وسط الحرم عاكف وبادي
خير الخلف تملكه الأسلاف=ميراثنا وقدحة ازنادي


الخميس 3/3 /1433

[@ابوريان@]

صح لسانك والف شكر

[الدوكري]

صح لسانك ومشكور

[صالح حسن الكيرعاني]

صح الله لسااااااانك يابوحسين واعتلى شانك


شاعر كبير وجزل كعادتك واللي زيّن القصيده طرقها الخفيف


وننتظر جديدك ياكحيلان

[نايف راكان]

صح لسانك ابو زياد

[وهج الجروح]

صح لساااااااااااااااانك يا اخوي كلمااااااات في غااااية الروعه