مصطلحات لا يعرفها التجار والهوامير

[ابن دغيّم]

الأخوة الأعزاء
أدناه مصطلحات لا يعرفها الهوامير إنما يعرفها الطفارا ههههههههههههههههههههههه



1-اخر الشهر
2-نبي نسوي جمعيه
3-الحد الائتماني
4-متى الراتب
5-ذبحتنا العنايا
6-طار الرز
7-نفربخاري
8-سندويش فلافل
9-متى ينتهي قرضي
10- تسلفني لاخر الشهر
11- حولي
12- عندك حساب بالراجحي
13- متى ينزل تداول اعمار اوجبل عمر
14- معك ولاعه
15- التلفون يخرفش
16- كم قطه الاستراحه
17- والله ماتدفع
18- اذا نزل سعر n95 نشتري
19- ابي دوره
20- ابي انتداب
21- ذبحونا الشريطيه
22- كم رقمك بالصندوق العقاري
23- كم كيلو ماشيه سيارتك
24- اقطع لي من العلك
25- مضغوطين هالشهر
26- ماتخبر واسطه
27- معك اشتراك ( السياره طفت بي)
28- يقول لمحطه البنزين (عبي عشر ريال)



واللي عنده مصطلح آخر يقوله لا يبخل علينا :1107953627:

[آل معمر]

الله يرزقنا من فضله

ولكن تلقى الطلاقة والرجلة عند الناس البسيطة

وتلقى البخل والدناءة عند كثير من الهوامير

[فارس قحطان]

ارحب ياب دغيم


وش هالمصطلحات ما أعرفها ؟؟

:-)وش

[آل معمر]

اقتباس:
المشاركة الأصلية كتبت بواسطة فارس قحطان http://www.qahtaan.com/vb/images/buttons/viewpost.gif (http://www.qahtaan.com/vb/showthread.php?p=767972#post767972)
ارحب ياب دغيم


وش هالمصطلحات ما أعرفها ؟؟

:-)وش






تكفأ يا أبو مسفر :021:

شوف إذا تبغى دورة لتتعلم هذه المصطلحات

بنخلي بن دغيم يقدم الدورة ولكن تراها برسوم وليست مجانية

ادفع واحضر الدورة وراح تستفيد بإذن الله

[ابن دغيّم]

الله يرزقنا من فضله

ولكن تلقى الطلاقة والرجلة عند الناس البسيطة

وتلقى البخل والدناءة عند كثير من الهوامير


أرحب يابو عبدالله

عز الله انك صدقت وأحنا مجربين مثل ما قلت

لكن ما نقول الا الله يرزقنا القناعه والصحه والعافيه

لاهنت يالذيب عالمرور

[ابن دغيّم]

ارحب ياب دغيم


وش هالمصطلحات ما أعرفها ؟؟

:-)وش


أرحب ياخوي فارس

ههههههههههههههههههههههههههههههههههههه

أجل انت من ذولا الربع ؟

طيب ولا يهمك نعطيك دوره بس مثل ما قال ابو عبدالله برسوم

وبندبلها عليك لأنك من قوم الهوامير

تسلم يالذيب عالمرور

[فارس قحطان]

مانقول الا الله يرزقنا وأياكم الجنه


والا الفلوس وصخ دنيا :-)

[ماجد الخليفي]

كل ال ٢٨ مصطلح مرت علي , وزيادة .....

[أبو محمد ابن الشايب]

كل ال ٢٨ مصطلح مرت علي , وزيادة .....





يعطيك العافية يابن دغيم .


كم باقي على الراتب ماهو متى الراتب .


صدقت أخوي ماجد وإذا ما نسيت فأعتقد باقي إحدى عشر بنر أو مصطلح .


إبن دغيم يعطينا فرصة جزاه الله خير .


لكم تحيتي وسلامي .

[ابن دغيّم]

كل ال ٢٨ مصطلح مرت علي , وزيادة .....


أرحب يابو عصام

تقول كلها مرت عليك يعني هالحين ما عادك بمحتاجها

صار الورق اللي فيها صورة الملك عبدالعزيز رزم عندك هاا ؟

وانا أقول وش بلا الرجال متغير علينا له كم يوم شايف نفسه

ههههههههههههههههههههههههههههههههه

تسلم والله عالمرور يالذيب

[ابن دغيّم]

يعطيك العافية يابن دغيم .


كم باقي على الراتب ماهو متى الراتب .


صدقت أخوي ماجد وإذا ما نسيت فأعتقد باقي إحدى عشر بنر أو مصطلح .


إبن دغيم يعطينا فرصة جزاه الله خير .


لكم تحيتي وسلامي .






أرحب يابو محمد

انا قلت المجال لكم مفتوح اكتب اي مصطلح اللي تبيه

بس لا تعلم ابو عصام عنه لأنه صار من الطبقه الراقيه وما هو بحولنا

هههههههههههههههههههههههه

تسلم يابو محمد عالمرور لا عدمناك يالذيب

[ابن دغيّم]

مانقول الا الله يرزقنا وأياكم الجنه


والا الفلوس وصخ دنيا :-)


اي والله انك صادق يا خوي فارس

والله يرزقنا بالدنيا الصحه والعافيه ويرزقنا الجنه في الآخره

[ماجد الخليفي]

أرحب يابو عصام

تقول كلها مرت عليك يعني هالحين ما عادك بمحتاجها

صار الورق اللي فيها صورة الملك عبدالعزيز رزم عندك هاا ؟

وانا أقول وش بلا الرجال متغير علينا له كم يوم شايف نفسه

ههههههههههههههههههههههههههههههههه

تسلم والله عالمرور يالذيب


خلها على الله

ذاك الورق صار ما عاد يسوى شيء .... نزلت قيمته ٥٠ بالمية خلال سنة .... يعني نزل راتبي الى النص

اقول عندك سلف ....

[فهد بن راجح]

هم يسوون حركات مانسويها


اذا خلص الشامبو يصبون فيه مويه ويخضونه ..


الجرايد بعد التصفح يحطونها في درج المطبخ يقال انها زينه


الجبن اذا خلص يخلون كاسه للمويه والشاهي


اذا خلصت مناسبه عندهم اخذوا موية الفناجيل قعدوا يشربون منها الله يحوم تسبدوهم ..



والمزيد المزيد


ياحلو حياتنا وكل شي فيها وسيله وليس غايه

[ماجد الخليفي]

هم يسوون حركات مانسويها

اذا خلصت مناسبه عندهم اخذوا موية الفناجيل قعدوا يشربون منها الله يحوم تسبدوهم ..




هذي ماسويناها يا بن راجح

بس اللي كنا نسويه نجمع بقايا البيبسي في بطل واحد او بطلين ...

[ابن دغيّم]

خلها على الله

ذاك الورق صار ما عاد يسوى شيء .... نزلت قيمته ٥٠ بالمية خلال سنة .... يعني نزل راتبي الى النص

اقول عندك سلف ....


ماعندي الا بطاقة شحن سواء بعشره ريال تبيها هههههههههههههههههه

الا على طاري بطاقات الشحن ماعمري شفت بطاقه منطوله قيمتها 50 ريال

وربي كلها عشره ريال

حتى مره في واحد عطاني 100 ريال قال جب لي معك بطاقة شحن 100 ريال

قلت لا يا اخوي اسمح لي تبي توديني في داهيه بيشوفوني بيخطفوني وخصوصاً

انحن في آخر الشهر

[ابن دغيّم]

هم يسوون حركات مانسويها


اذا خلص الشامبو يصبون فيه مويه ويخضونه ..


الجرايد بعد التصفح يحطونها في درج المطبخ يقال انها زينه


الجبن اذا خلص يخلون كاسه للمويه والشاهي


اذا خلصت مناسبه عندهم اخذوا موية الفناجيل قعدوا يشربون منها الله يحوم تسبدوهم ..



والمزيد المزيد


ياحلو حياتنا وكل شي فيها وسيله وليس غايه


أرحب يابو راجح

يا سلام عليك وعلى الاضافات تسلم ايدك يالغالي

ولاهنت عالمشاركه والمرور العطر لا عدمناك

[شائع مريع ناصر القحطاني]

الحمد الله على كل حال

شكرا يابن دعجم مجهود جيد
تقريبا جمعت كل المصتلحات بس نسيت
1/ ويش الغلاء ذا كل يوم زيادة
2/ ليش غالي ياصديق
3/ فيه تخفيطات عند...
4/ نهايه الشهر
(هذا قسط السياره، وهذاحساب البقاله ، وهذا حساب المغسله ، وهذا.........

تقبل تحياتي وجميع الاخوه

[شائع مريع ناصر القحطاني]

أسف على الغلط (أبن دغيم)

[ابن دغيّم]

الحمد الله على كل حال

شكرا يابن دعجم مجهود جيد
تقريبا جمعت كل المصتلحات بس نسيت
1/ ويش الغلاء ذا كل يوم زيادة
2/ ليش غالي ياصديق
3/ فيه تخفيطات عند...
4/ نهايه الشهر
(هذا قسط السياره، وهذاحساب البقاله ، وهذا حساب المغسله ، وهذا.........

تقبل تحياتي وجميع الاخوه


أرحب يابو مريع

والف شكر على المشاركة لا عدمناك

والغلط مسموح يابو مريع وسع صدرك تسلم يالذيب