هداج تيما
01-01-2012, 11:55 AM
السلام عليكم ورحمة الله وبركاته
.
.
هذه قصيده قالها الشاعر سعد بن عبدالله العليمي العايذي القحطاني في اللواء حسن بن علي العرجاني ..
سر ياقلم واكتب جديدات الامثال = يوم استوى طرق البيوت الجزيله
اكتب على صدر الورق ماحوى البال = من فيضِ مخزون الهجوس الاصيله
لا دك هاجوسٍ مضامينه جزال = يروي ظما العطشان صافي هميله
غيثٍ يساقي كل راحل ونزال = من هاجسٍ جزل المعاني حصيله
مانيب أغني به على كل موال = أنا عن اللي مايناسب كفيله
إما صخرته في مواجيب الابطال = والا مدحت أهل الفعول الجليله
اللي لهم عند المواقيف مدخال = اليا اشتكى راع الجهد قل حيله
شروى الذي يحمد على طيب الافعال = يذكر ويعرف بالفعول المهيله
له وقفةٍ يدري بها كل رجال = وله فزعةٍ تشفي الكبود العليله
ذراه يذري عن هبوب اشهب اللال = ومتونه تشيل الحمول الثقيله
في لازم الاقراب يرخص له الحال = وفي لازم الاجناب كفه طويله
صيته تعلا فوق فالنايف العال = وفعوله اثبات الكلام ودليله
ماهوب يخفى عن بخيصين الاحوال = الجدي بالاعيان كلن يخيله
هذا حسن ياللي تبي صدق الاقوال = هذا حسن زبن الحمول الثقيله
من لا انجبت مثله فلا تنجب عيال = هذا الذي لاقيل يسوى قبيله
صحيح من قال البشر عدة اشكال = رغم التشابه بالدماء والفصيله
أحدٍ خلقه الله على قد الاحوال = يادوب يلقى في حياته حصيله
و احدٍ خلقه الله مع الناس تمثال = ماغير صورة حال من غير حيله
و احدٍ خلقه الله جمل كل الاحمال = واحد ويغني عن مناعير جيله
وابوعلي نادر على كثر الاجيال = قليل يلقى فالخلايق مثيله
فعله غدا بين العرب مضرب امثال = للي يبي روس الجبال الطويله
وافي ويوفي بالوجب كل مكيال = ومهما نقول من المدايح قليله
لاصار عرجاني ووقفاته جزال = وشلون مايكسب سنام الفضيله
ياطيب فعل معرّب الجد والخال = أنشهد انه عز من ينتمي له
على خطى ممشى كريمين الاسبال = يمشي وما تنقل متونه يشيله
واليا بنى في قمة المجد منزال = ماهي على شروى حسن مستحيله
أبوه قبله قد بنى مجد الافعال = يوم الليالي بين عدله وميله
بيبان بيته ماتقفّل بالاقفال = مفتوح باب البيت للي يجيله
ديوان بيته للرجاجيل مدهال = دايم وهذا حال يومه وليله
يبذل ويرخص غالي الحال والمال = كله على شان العلوم الجميله
وذكره بقى بين النشاما ولا زال = على مدى عمر السنين الطويله
ولا مات من خلّف على الطيب رجّال = وابو علي ساس الكرم ينتمي له
قلته وانا لاهل المواجيب ميّال = امدح فعول اهل الفعول النبيله
وختامها ماحل من حول وحال = صلوا على محمد رسول الفضيله.
وسلامتكم ..
والقصيده هنا بصوت علي بن عبدالله بن جاهمه العرجاني
http://www.youtube.com/watch?v=dUi3jlmunv8
.
.
هذه قصيده قالها الشاعر سعد بن عبدالله العليمي العايذي القحطاني في اللواء حسن بن علي العرجاني ..
سر ياقلم واكتب جديدات الامثال = يوم استوى طرق البيوت الجزيله
اكتب على صدر الورق ماحوى البال = من فيضِ مخزون الهجوس الاصيله
لا دك هاجوسٍ مضامينه جزال = يروي ظما العطشان صافي هميله
غيثٍ يساقي كل راحل ونزال = من هاجسٍ جزل المعاني حصيله
مانيب أغني به على كل موال = أنا عن اللي مايناسب كفيله
إما صخرته في مواجيب الابطال = والا مدحت أهل الفعول الجليله
اللي لهم عند المواقيف مدخال = اليا اشتكى راع الجهد قل حيله
شروى الذي يحمد على طيب الافعال = يذكر ويعرف بالفعول المهيله
له وقفةٍ يدري بها كل رجال = وله فزعةٍ تشفي الكبود العليله
ذراه يذري عن هبوب اشهب اللال = ومتونه تشيل الحمول الثقيله
في لازم الاقراب يرخص له الحال = وفي لازم الاجناب كفه طويله
صيته تعلا فوق فالنايف العال = وفعوله اثبات الكلام ودليله
ماهوب يخفى عن بخيصين الاحوال = الجدي بالاعيان كلن يخيله
هذا حسن ياللي تبي صدق الاقوال = هذا حسن زبن الحمول الثقيله
من لا انجبت مثله فلا تنجب عيال = هذا الذي لاقيل يسوى قبيله
صحيح من قال البشر عدة اشكال = رغم التشابه بالدماء والفصيله
أحدٍ خلقه الله على قد الاحوال = يادوب يلقى في حياته حصيله
و احدٍ خلقه الله مع الناس تمثال = ماغير صورة حال من غير حيله
و احدٍ خلقه الله جمل كل الاحمال = واحد ويغني عن مناعير جيله
وابوعلي نادر على كثر الاجيال = قليل يلقى فالخلايق مثيله
فعله غدا بين العرب مضرب امثال = للي يبي روس الجبال الطويله
وافي ويوفي بالوجب كل مكيال = ومهما نقول من المدايح قليله
لاصار عرجاني ووقفاته جزال = وشلون مايكسب سنام الفضيله
ياطيب فعل معرّب الجد والخال = أنشهد انه عز من ينتمي له
على خطى ممشى كريمين الاسبال = يمشي وما تنقل متونه يشيله
واليا بنى في قمة المجد منزال = ماهي على شروى حسن مستحيله
أبوه قبله قد بنى مجد الافعال = يوم الليالي بين عدله وميله
بيبان بيته ماتقفّل بالاقفال = مفتوح باب البيت للي يجيله
ديوان بيته للرجاجيل مدهال = دايم وهذا حال يومه وليله
يبذل ويرخص غالي الحال والمال = كله على شان العلوم الجميله
وذكره بقى بين النشاما ولا زال = على مدى عمر السنين الطويله
ولا مات من خلّف على الطيب رجّال = وابو علي ساس الكرم ينتمي له
قلته وانا لاهل المواجيب ميّال = امدح فعول اهل الفعول النبيله
وختامها ماحل من حول وحال = صلوا على محمد رسول الفضيله.
وسلامتكم ..
والقصيده هنا بصوت علي بن عبدالله بن جاهمه العرجاني
http://www.youtube.com/watch?v=dUi3jlmunv8