خولان بن عامر
29-12-2011, 01:09 PM
السلام عليكم ورحمة الله وبركاته
خاطره اتمنى ان تنال اعجاب بعضكم
ومثل مايقولون(الشعر رسالة)
لاجيت للسوق باشري مثل من يشترون =قالوا البضايع ثمنها زايد كمبليت
قلت ارفقوا بالمواطن وارفقوا بالزبون=ماكل من لبس له ثوبٍ معه حقل زيت
انا مواطن سعودي جعلكم تسلمون=رزقي على الله ولاغيره طلبت ورجيت
لاراتبٍ اقبضه ولا ضمان وشئون=ولا مع اهل التجارة بعت ولا شريت
راضي و ماقدّره ربي عليّه يكون=باللي كتب لي عظيم الشان ربي رضيت
لاكّن ساهر محّملني التعب والديون=لاجله تسلفت واتحملت ولا قضيت
عجزت اعيّش عيالي علّهم يكبرون =واحترت مابين عيشــتهم وفي إيجار بيت
ساهر تجّرا عليّه كل يوم يمون =في كل حارة يصورني وانا مادريت
متخفي بين عيدان الشجر والغصون =واحيان متخفيّ له في غمارة ونيت
يتعلم السرق مثل اللي غدوا يسرقون =اللي ذممهم وساع ودمّهم مستميت
يا (كامل ) اركد ترى العربان مايجهلون=الناس كبرت وصارت عارفه ويش نويت
لوّ كان قصدك صحيح إن العرب يصلحون=ماكان جبت الطرب والخزي ولا استحيت
عبر الفضاء والمشاهد والغناء والفنون=حن مانسينا ولا يمديك عنها نسيت
إيهون بعض الطمع الا الجشع مايهون=لوّ انك وادي من فلوس الضعوف00امتليت
ماقول ساهر غلط لكنّكم تغلطون=جبتوا شروطه غلط والظلم حيله مميت
الناس تدعي على اللي في الخطاء ينهجون=ترجي وتدعي وانا ضمن الغلابه دعيت
لله واكبر عليكم ياوساع البطون=ماهمكم غير كشختكم مع الا يتكيت
ماخفتوا الله وما يطرا لكم تفعلون=ياهل الفساد الادري لاجل سمعه وصيت
ياخادم البيت تكفا بعضهم ينهبون=والبعض الآخر يحاول يقرح الداناميت
واطيبهم اللي نبت له في النواصي قرون=قوم ٍ تنفّذ خططها صبح ولا مبيت
واحنا بدونك يابو متعب معاهم (بدون)=يالحاكم اللي على شعبك سهرت وشقيت
بذلت جهدك وسيست البناء والركون=واثبت للعالم انك عند شعبك وفيت
ان كان تركتهم واعطيتهم مايبون=اقل واحد بنا ء له عالثريا سويت
ان كان بقيوا كذا بشعورنا يلعبون=لاوالله الا غدينا كل ابونا شتيت
هذا قليل من اللي شـاهـدته العيون=واللي انحجب مايكفّي فيه مليون بيت
خاطره اتمنى ان تنال اعجاب بعضكم
ومثل مايقولون(الشعر رسالة)
لاجيت للسوق باشري مثل من يشترون =قالوا البضايع ثمنها زايد كمبليت
قلت ارفقوا بالمواطن وارفقوا بالزبون=ماكل من لبس له ثوبٍ معه حقل زيت
انا مواطن سعودي جعلكم تسلمون=رزقي على الله ولاغيره طلبت ورجيت
لاراتبٍ اقبضه ولا ضمان وشئون=ولا مع اهل التجارة بعت ولا شريت
راضي و ماقدّره ربي عليّه يكون=باللي كتب لي عظيم الشان ربي رضيت
لاكّن ساهر محّملني التعب والديون=لاجله تسلفت واتحملت ولا قضيت
عجزت اعيّش عيالي علّهم يكبرون =واحترت مابين عيشــتهم وفي إيجار بيت
ساهر تجّرا عليّه كل يوم يمون =في كل حارة يصورني وانا مادريت
متخفي بين عيدان الشجر والغصون =واحيان متخفيّ له في غمارة ونيت
يتعلم السرق مثل اللي غدوا يسرقون =اللي ذممهم وساع ودمّهم مستميت
يا (كامل ) اركد ترى العربان مايجهلون=الناس كبرت وصارت عارفه ويش نويت
لوّ كان قصدك صحيح إن العرب يصلحون=ماكان جبت الطرب والخزي ولا استحيت
عبر الفضاء والمشاهد والغناء والفنون=حن مانسينا ولا يمديك عنها نسيت
إيهون بعض الطمع الا الجشع مايهون=لوّ انك وادي من فلوس الضعوف00امتليت
ماقول ساهر غلط لكنّكم تغلطون=جبتوا شروطه غلط والظلم حيله مميت
الناس تدعي على اللي في الخطاء ينهجون=ترجي وتدعي وانا ضمن الغلابه دعيت
لله واكبر عليكم ياوساع البطون=ماهمكم غير كشختكم مع الا يتكيت
ماخفتوا الله وما يطرا لكم تفعلون=ياهل الفساد الادري لاجل سمعه وصيت
ياخادم البيت تكفا بعضهم ينهبون=والبعض الآخر يحاول يقرح الداناميت
واطيبهم اللي نبت له في النواصي قرون=قوم ٍ تنفّذ خططها صبح ولا مبيت
واحنا بدونك يابو متعب معاهم (بدون)=يالحاكم اللي على شعبك سهرت وشقيت
بذلت جهدك وسيست البناء والركون=واثبت للعالم انك عند شعبك وفيت
ان كان تركتهم واعطيتهم مايبون=اقل واحد بنا ء له عالثريا سويت
ان كان بقيوا كذا بشعورنا يلعبون=لاوالله الا غدينا كل ابونا شتيت
هذا قليل من اللي شـاهـدته العيون=واللي انحجب مايكفّي فيه مليون بيت