الشاعر / ناصر بن عوض

[معيض بن دشن]

يا جعل عين(ن) ما بكت دمعها دم = ساعة فراق أهل الطنا والعزاوي
تبلى بظيم يسمسم الحال وتسم = ويبلش بعلتها الطبيب المداوي
قدلي ثمان أشهور مهتم مغتم = في ديرتي لاكن كني جلاوي
وجدي على وقت مضا مع بني تم = السربة اللي فوق فوق الهقاوي
إعيال عود ما تملق ولا نم = وإليا غوى الغاوي يقول أنت غاوي
ون قال أبو عائض وعضد وعزم = ما دون رايه رأي مهما تقاوي
الله يغفر له ويحسن ويرحم = عز الله إنه كان نجم سماوي
من عقبها يا بايع الهم من كم = مالي عليك شروط لا صرت ناوي
بعني ونا بسقيك من صافي الجم = شربة ضما يشفق لها كل راوي

[معيض بن دشن]

إمجار يا عين(ن) بكت دمعها هم = تبكي فراق اللي له القلب هاوي
لا هو طرب ولا من الحب مغّرم = والله يكفينا جميع البلاوي
من بعدها يا هاجسي هات وسلم = انته شريك الرآي ماني غناوي
هيضني اللي بالتماثيل مهتم = سعد الرفيق إليا حضر ف الدعاوي
وخوانه اللي للعدو مر علقم = يبطي مريض وداخل الجوف لاوي
إعيال عود لا حضر ثم تكلم = هرجه سمين ما يعرف الملاوي
ون جا المجالس رحبو ثم تقدم = يبدا به الفنجال شقر القهاوي
عساه في الجنه من الله يكّرم = يا رب تغفر له وترحم وتاوي
يا بو عوض يفداك رجل(ن) تلثم = خوف(ن) يجيه الضيف للبيت ضاوي
يا ناصر إن كانك على الوعد عزم = سجة نفس في روض بر(ن) خلاوي
ونجهز الفكسآر والجيب لقطم = ونلبسك يالشيخ بشت حساوي

[عبدالله المهداني]

صح لسان ابو عوض وصح لسان ابو دشن


والله يغفر لشيبان
ابو مسفر
وابو عائض

وجعل مقرهم جنات النعيم


تقبل اخلص تحيه من
عبدالله المهداني

[محمد الحياني]

مشـــــــــــــــــكور


اخــــــــــــــــــــوي


معيض الله لايهينك على النقل


وصحت السنت الشعار

[فارس قحطان]

السلام عليكم ورحمة الله وبركاته

صح لسان الشاعر ناصر بن عوض

وصح لسانك يامعيض بن دشن

القصيده وافيه وردك وافي



.

[محمد بن زميع البشري]

الله لا يهينكم وصح الله السنتكم وعسى الله يجبر مصيبت كل مسلم ويجبر بخاطره

(((( عز الله الربيع الفى ويبغاله طلعة بر والفكسار لازم يحمى ويكون جاهز للانطلاق))))
لا هنت يابو دشن على النقل الرائع


أخوكم ابن زميع

[معيض بن دشن]

أولاً أحب أنوه عن هذا الشاعر العملاق والكبير / ناصر بن عوض وأنا مجرد مجاراة لهذا الشاعر وهو غني عن التعريف كما أنني استفدت من امكانياته الشعرية القليل من كثيراً 0
ثانياً أحب اشكرٍ أبن عمي عبد الله المهداني ابن الوحش كفؤ وقول وفعل 0
ثالثاً أحب اشكر فارس قحطان والنعم فيك ولاعدمناك يافارس قحطان0
رابعاً أحب اشكر فتى الجوه على مشاعره الطيبه وصاحب الأخلاق والذوق في مراسلاته 0
خامساً أحب اشكر أخوى ابن زميع على مواصلته ومراسلته لنا لوفاءه وأخلاصه وأقول سوف اراسلك إنشاء الله قريب
وتقبلوا خالص تحياتي وتقديري

[سفر الحبابي]

مشكور اخوي معيض يعطيك العافيه
لاهنت يابودشن لاهنت على هذا النقل

[خولان بن عامر]

معيض بن دشن

بيض الله وجهك وصح الله لسانك يالقرم

صوت وصدى ولا احلى مع شعار كبار

وابوعوض كفو وشاعر كبير وانت كذلك امتعتنا وفقك الله واياه ونحن جميعا

تقبل خالص تحيتي

[سلطان العبيدي]

صح السانك يا معيض وصح السان ناصر

[الوحر]

صح لسانك ياابودشن وكذلك ناصر بن عوض الفهري

[أبو صقر]

الاخ العزيز والغالي معيض بن دشـــن

أشكرك على هذه المشاركة التي من قبل ناصر بن عوض ومن قبلك فوالله أنها قصيدة محزنه ومواثره على النفس وإن العين والله لدمعت حينما تذكرة والدك رحمه الله رحمة واسعه واسكته فسيح جناته صاحب الراي السديد وراعي الكرم والنخوه والصدق والهيبه الرجل المحبوب عند كل من يعرفه ويسمع به وبعلمه الطيب ألا وهو الشيخ المرحوم باذن الله / دشـــــــــــــــــــــن بن راشـــــــــــد الفهري ولاكن ان شاء الله ان البركة فيمن بعده

وتقبلو تحياتي

[المسااافرر]

الأخ العزيز // معيض بن دشن لاعدمتة

لاهنت يا ذيب على المجارة والنقل

وبيض الله وجهك والله يجعل شايبك في الجنة


الشيخ // دشن بن راشد رحمة الله علية


واسكنة فسيحة جناتة


رجل موقف وصدق عرفناة عن قرب


ولمسنا منة الاصالة والشهامة والكرم


وفقدنا شخصية عظيمة فعلا رحمة الله علية


ام الشاعر ناصر بن عوض ابن مسفر


فهو البحر الذي يلامس شواطنا بكلماتة الجميلة


وهو من الشعراء المميزين الذين ابدعو في ايجاد القصيدة الكاملة


من حيث المعنى والجزالة فلاتحرمنا من نشر اي شيء لة


تحياتي اخي الفاضل معيض بن دشن


المسااافرر

.
.
.

[معيض بن صميع]

ارحب يالسمي



صح لسانك وبيض الله وجهك ..



قصيدة توقفت أمامها كثيرا



لله درك ودمت على العز وبألف خير ..

[معيض بن دشن]

اخواني / المسافر وسميي معيض بن صميع لاهنتو على المرور ومروركم شرف واطرائكم شرف لي ووسام على صدري والله لا يهينكم وأنا أتعلم منكم واستفيد من الرجال شرواكم وأخوي ناصر علم من اعلام شعراء قحطان والحمد الله انني انظميت لهذه المدرسة المستقله كي استفيد منه الكثير وأنا اعتبر نفسي طالب عنده . شكرا لكل من شاركنا . تحياتي وتقديري للجميع

[ال مهدي]

بيض الله وجه الشاعر الكبير ناصر عوض ال مهدي على هذه القصيده التي ترقى بنص وروح الشعر الى زمن الشعراء العمالقة كما نشكر الاخ معيض بن دشن على المجاراه المتميزه

[ابو سعود العرجي]

بيضان وجيه يالرفاقه والله يرحم شيباننا وشيبانكم

[سعيد بن مسعود آل مهدي]

الله يرحم أبو عائض ويبارك في من خلف

وأبوي دشن رفيق وجار وغالي علينا وعلى شائبنا

أسأل الله أن يرحمهم وأن يبدلهم بدار خير من ديارهم

وأهل خير من أهلهم.

صح لسان أبو عوض

ولا هنت يامعيض

تحياتي لكم

[علي مشبب الجابري]

صح لسانك يامعيض بن دشن وبيض الله وجهك وكذلك للشاعر ناصر بن عوض

[عاشق الليل]

الأخ العزيز // معيض بن دشن لاعدمتة

لاهنت يا ذيب على المجارة والنقل

وبيض الله وجهك والله يجعل شايبك في الجنة



بيض الله وجه الشاعر الكبير ناصر عوض ال مهدي على هذه القصيده




والله يجعل شايبك في الجنة ياابو عوض

[ذيب النير]

صح لسان الشاعر




ومشكور يامعيض على النقل

[فيصل الطارق]

ون قال أبو عائض وعضد وعزم
ما دون رايه رأي مهمـا تقـاوي
الله يغفـر لـه ويحسـن ويرحـم
عز الله إنه كـان نجـم سمـاوي


ونعم ونعم

رحمة الله واسكنة فسيح جناته