أقتراح لقبيلة قحطان كافه

[قحطاني وقطر في وجداني]

بسم الله الرحمن الرحيم

السلام عليكم ورحمة الله وركاته

يابني عمي وياعزوتي وياتاج راسي ويامحزمي وياعصابة راسي فديتكم فديتكم بروحي وبكل ما أملك ياجعلني فداكم


العلم سلامتكم:46_asmilies-com:


أنا عندي أقتراح أنشالله ينال أعجابكم وأتمنى أنه ياصل لأمرانا أمراء قحطان


أقتراحي يعتبر من التعاون على البر والتقوى وبأذن الله راح يعم الفائده كل فرد من قبيلتنا العزيزه

بكل بساطه لو نقول أن عدد قحطان الي في السعوديه على الأقل نقول مليون فرد

لو كل قحطاني دفع ريال واحد فقط فقط صار عندنا مليون ريال

ولو نقول يوميا" كل قحطاني يحول في الحساب المعتمد من القبيله ريال واحد فقط صار في أخر الشهر 30 مليون

الثلاثين المليون هذي بعد مانحصي فقراء القبيله الي عليهم دين والي ماعندهم بيت يكون نقضي دين الي عليه دين ونشتري بيت للي ماعنده بيت

وهكذا هي فكره مبسطه مبسطه لأخر درجه

الفكره يبغالها تطوير وتخطيط وتنظيم

ويكون للفلوس هذي لجنه منتخبه من جهة القبيله ناس يقومون بتوزيع الفلوس على الفقراء والمديونين والي ماعندهم بيت ملك


ويكون لكل قبيله من قبيلة قحطان ناس متطوعون يحصون الفقراء التابعين لفخذهم والي عليهم دين والي مايملكون بيت لهم



هذي فكره مبسطه لأخر درجه وأتمنى أن تنال أعجابكم وأستحسانكم وهي قابله لتطوير والتخطيط وشكرا" للجميع




الأقتراح مطروح للمناقشه بجديه للذين يحملون هم القبيله


الأقتراح مطروح للمناقشه بجديه للذين يحملون هم القبيله

[عوض الرفيدي]

آطلق آقتررررررآح شفته

وانا معك في الي تبغى

والله يكتب آجرك

ولاهنت وجمل حالك على الاقتراح

ونتظر تفآعل الاخوان

[حسين آل حمدان الفهري]

الفكره طيبة جداً

كأني أعرف أمين الصندوق ونائبه
والله لو يدري بهذي الفكرة
مايمسي إلا في قطر

اشكرك والموضوع جدير بالمناقشة والاهنمام

[ابن دغيّم]

انا معك ياخوي وبيض الله وجهك على الأقتراح الطيب

بس قبل هذا كله هل سيلتف الجميع تحت مظلة واحده ؟ وانت تعلم

القبيلة في كل مكان من أرجاء دول الخليج

مرة اخرى بيض الله وجهك

[سيف عبيدة]

هل ستكون بعيده عن العنصريه؟؟؟

كلام حسين ال حمدان رائع..

تحياتي..

[أبو بسام الزهيري]

بيض الله وجهك
على هذا الاقتراح ولكن من هو الذي سوف يتحمل هذه المسؤولية
وأرى أن يكون مقتصر على الفقراء والمساكين ومن لدية ديون فقط

[راس قرناس]

المشروع طيب والهقاوي بعيدة
الصناديق الحاليه فيها خلل فما بالك
بالصندوق العود....................
تحياتي
راس قرناس

[قحطاني وقطر في وجداني]

بيض الله وجيهكم يابني عمي على المرور

ويابن دغيم الأقتراح بس على قحطان السعوديه


وياسيف عبيده نعم راح تكون بعيده عن العنصريه ويجمعنا قبيلتنا قحطان فقط وراح يجمعنا بعد هم القبيله وفقرائها ومديونينها


هذي تعتبر المرحله الأولى

وراح تعقبها مراحل أخرى

منها

بعد مانقضي على الفقر في القبيله والمديونين

والي ماعندهم بيت

بعدها تكون المرحله الثانيه

نسوي مشاريع لشباب القبيله العاطلين ونعطيهم فلوس ونفتح لهم محلات يسترزقون منها

والمرحله الثالثه

نسوي اوقاف للقبيله مثلا" نسوي عماير وشقق ومحطات وريع هذي كلها يعود لحساب القبيله المعتمد
وبعدين خلاص يصير نعتمد على الاوقاف حقت القبيله ونعطي منها للقبيله في الأعياد والمناسبات والي بيعرس يعطونه منها وهكذا تطور الفكره


وسلامتكم

تكفون يابني عمي يالحمي ودمي نبي الفكره تنتشر تكفو تكفون

[فلاح آل راكان]

فكره رائعه جدا ..

ولاكن يجب ايجاد حلول لسلبياتها قبل اجابياتها ..

ابيض وجه يا القطري على هذا الاقتراح السديد ..

خآلص ودي ..

[عاشق الوطن]

المشروع طيب والهقاوي بعيدة
الصناديق الحاليه فيها خلل فما بالك
بالصندوق العود

انا مع هذا الرأي

[صالح بن ناعمه]

المشروع طيب والهقاوي بعيدة
الصناديق الحاليه فيها خلل فما بالك
بالصندوق العود

أميل لهذا الرأي..

[قحطاني وقطر في وجداني]

يامرحبا ارحبوا ارحبوا بالي شاركوني بالردود وبالي أكتفوا بالمشاهده

أرحبوا يابني عمي يامرحبابكم

طيب ياخوي فلاح أنت تقول لابد من أيجاد حلول لسلبياتها قبل أيجابياتها

طيب وش الحلول من وجهة نظرك يالغالي

[ابن دغيّم]

أول الحلول لسلبيات اللي قال عنها ابو ناصر

لابد اختيار عشرة رجال من كل فخذ من القبيلة وهذولي العشرة يمثلون كل فخذ من فخوذ افخوذ القبيله اهم بنفسهم يختارون

ناس من الفخوذ اللي في قبيلتهم على سبيل المثال

الجحادر = عشرة رجال وهذولا العشره يختارون من كل فخذ من الجحادر رجال يعني من آل عاطف ، وآل مسعود ، وآل سويدان ، والخنافر .... الخ وهكذا باقي الفخوذ .

وينطبق المثل على ، رفيده ، وعبيده ، والحباب ، وشريف ، وبني هاجر ، وبني بشر ، وآل حيان

وبهذه الطريقه راح نكون شركة كااااامله بموظفينها وأدراتها كلها منا وفينا

وأنا مستعد معكم وعون لكم بأذن الله

[حمد الظلافيع]

المشكله كل القبيلة محتاجه

[قحطاني وقطر في وجداني]

مشكور يابن دغيم مشكور يابن عمي

وأنا الفكره طرحتها مبسطه جدا"

وأنا عارف أنه الفكره يبغالها تنظيم وتخطيط وتعاون بين أفراد القبيله

والأقتراح بأذن ربي راح يعم خيره اذا طبق على القبيله كامله


وأنا أقول لو ريال فقط من كل قحطاني ينزل على حساب القبيله المعتمد
وهذا اضعف شي ولا فيه ناس من قبيله راح يحط ريالين واربعه وميه واكثر وأقل


وراح يشارك معنا تجار القبيله وراح يعم الخير بأذن ربي


والفكره يبغالها مثل ماقلت أجتماع لناس شايلين هم قبيلتهم ويرسمون الخطه ويدرسونها دراسه علميه ويرحون لأمراء قحطان ويبلغونهم بالفكره ويارب تطبق الفكره ويعم الخير الجميع


أنا أناشدكم يابني عمي ياعزوتي وياتاج راسي ومحزمي فكروا بالأقتراح وحاولوا أنكم تنشرون الفكره بين القبيله ولعل أنها توصل لأمرائنا أمراء قحطان


وأنا معكم يابني عمي واي شي تبغونه أنا معكم فيه

وأنا تحت أمركم

[محمد بن مسفر بن جليد]

فكره رائعه جدا ..

ولاكن يجب ايجاد حلول لسلبياتها قبل اجابياتها ..

ابيض وجه يا القطري على هذا الاقتراح السديد ..

خآلص ودي .. لكم مع تحيا ت ابوممدوح

[قحطاني وقطر في وجداني]

وجهك ابيض يابو ممدوح

ولا هنت يالغالي

والفكره يابني عمي لازم ناخذها بمحمل الجد لأن الفايده عظيمه للقبيله كامله وهذا من باب التعاون على البر والتقوى



وأنا يابني عمي والله يشهد علي أني أحب الخير لقبيلتي قحطان جعلني فداهم


أناشدكم يابني أنكم تنشرون الفكره هذي بين أفراد القبيله والي له قرب من أمراء قحطان لا يقصر يروح يعرض عليهم الفكره وعسى الله يكتبلكم الأجر العظيم










أبنكم أبن القبيله/ فالح العشتلي العاطفي القحطاني

[صالح ابو مريحة البشري]

مشروع موفق وانا توافق وبقوة

[قحطاني وقطر في وجداني]

السلام عليكم ورحمة الله وبركاته


يابني عمي ساعدوني في نشر الأقتراح والفكره بين أفراد القبيله

لعل الله يكتب لكم الأجر في كل من نفرج همه من دين ومن شراء منزل لفقراء القبيله ومن كل محتاج من القبيله

:52_asmilies-com:

[أبوسعد الصقري]

وفقك الله والاجر بإذن الله كتب على نيتك ولكنها بتروح مثل مزاين قحطان والملايين.


والجهات الامنية مانعه جمع المال إلا بإشراف جهات حكومية . وفقك الله والجميع لكل خير.

[جزاع بن جلعد]

ياطويل العمر انت رجــال اهتميت لحاجة الفقراء القحاطين اللي من قحطــان ..

وهـذا العمل تشكر عليه..

ولكن فيه البخيل وفيه الكريم وفيه الغني وفيه الفقير ..

ولكن من يستطيع ملاحقة الرجال الذين لا يريدون الدفع إما لحاجتهم وفقرهم أو لبخلهم على ابناء قبيلتهم..

فمثلا ان بننا و بين الفخيذه الثانية دم ولا مشكلة قديمة ..
بيقولون بعض الناس اللي من فخيذتنا ما حنا بدافعين ولا ريال لين يدفعون اللي عليهم

أو
بيقولون ادفع لعدوي..


بس هذا اللي عندي

فكرة ممتازة جدا ولكن لا يوجد حكماء لحل المشاكل فبهذا الصندوق ســوف تعود الحروب والغارات القديمة..

[الدوكري]

فكره حلوه من اخوي / قحطاني وقطر في وجداني
بس وين الايادي الامينه اللي تسلمها الاموال في هالزمن مافيه ايادي امينه ,,,,,,,,,,,,,,,,,,,
حبيت اعلق على كلامك من دون اي زعل,,,,,,,,,,,,,,
وشكرااااااااااا............

[الظور]

القبيله مليون وكل واحد منهم عليه دين ميه الف وكل واحد بيقول ديني دونكم وبيدخل السجن بالعافيه من شان يقضى عنه دينه

مليون * ميه الف = مائه مليار

يعني يبي للواحد يدفع كل يوم ريال لمده مائه الف يوم يعني يباله طولت العمر 280 سنه تقريبا هذه ابسط سلبياتها

اخوي قحطاني قطر صدقني مقدر لك حماسك وحبك لربعك كل التقدير لكن الحقيقه حجر سلده تتحطم الاحلام

لاكان ياتي الفتى ماياتي الصفا ------ بليت جباه الصفا من دكومها

الله يعين على الدنيا بخير

لك مني كل التقدير والموده

[ماجد بن شارع العاصمي]

اشهد انها فكره رائعه

واشكرك على شعورك النبيل