أخو فهد وأبو فهد ماله أجناس (تستاهل المنصب) الشاعر الرائد الدكتور شالح بن سفران

[@ابوريان@]

قصيدة بمناسبة تولي صاحب السمو الملكي الامير سلمان بن عبدالعزير وزارة الدفاع وسمو الامير خالد بن سلطان نائبا له

http://www.qahtaan.com/works/up/get.php?hash=2fiklmopqz1323178866 (http://www.qahtaan.com/works/up)


يا كاسب النوماس والطيب كلّه=بالله قلي ويش بقيت للناس
ما دام في يمناك الاملح تسله=وش يمنعك لا تلحق المتن بالراس
يمنعك دين الله مذهب ومله=ودستورك القرآن للشرع مقياس
تستاهل المنصب ومثلك كفو له=يا طيب السيره ويا طيب الساس
وزارة الدفاع تسعد بظله=وزير حربٍ يزهي الدرع والطاس
سلمان اخو نوره ويشهد سجله=سجل طيبٍ حاويٍ كل نوماس
على سمات الوجه مثل الاهله=عدلٍ مع حكمه وحلمٍ مع باس
وسيفٍ مع منسف ورمحٍ وسله=ومجدٍ تليدٍ فوق اصيلات الافراس
معزيٍ جناه من ماكرٍ له=بيت السدارى ماكر العود قرناس
نوبٍ يعقد الحبل نوبٍ يحله=ان حل تفرح وان عقد غصب تنحاس
على الوفا مجبول طبع وجبله=وفاه مع سلطان للوصل نبراس
ولا غاب نجمٍ جاك نجمٍ محله=اخو فهد وابو فهد ماله اجناس
على الدفاع وخالدٍ نائباً له=هذا شبل سلطان فوق العدا داس
حفيد للجدين للقوم عله=في حرب جيزانٍ دحر حزب الاجناس
يا طيب سلمانٍ ويا زين دله=وان عضبت نمرٍ يكشّر بالاضراس
ولّاه أبو متعب على الجيش كله=ثقه من الحاكم ورغبة من الناس



http://www.qahtaan.com/works/up/get.php?hash=34890gkovy1323179044 (http://www.qahtaan.com/works/up)

الشاعر الرائد الدكتور - شالح بن سفران الخنافر القحطاني

[المنشد الشامخ]

صح الله السانك يا شالح و انت رمز من رموز قحطان شعرك يرفع الراس و انت ترفع الراس لا خلى و لا عدم واومرانا يستاهلون و هذ تعبير مما يكنه القلب

[@ابوريان@]

صح الله السانك يا شالح و انت رمز من رموز قحطان شعرك يرفع الراس و انت ترفع الراس لا خلى و لا عدم واومرانا يستاهلون و هذ تعبير مما يكنه القلب

شكرا على المرور يالغالي