يالله تعديها على خير وتصيب

[نايف راكان]

السلام عليكم ورحمة الله وبركاته

قصيده اعجبتني حبيت انقلها لكم اتمنى تعجبكم :deal:

لشاعر: للشاعر \ مشعل دهيم الظفيري




يالله تعديها على خير وتصيب
من حدنى أكتب خماله وعيبه


يبغى الصراحه ما بها شك او ريب
باقولها والناس كل(ن) وطيبه


الحر ما ينفع بليا مخاليب
والعقل للرجّال زينه وهيبه


والسالفة (ماهى بلحيه) مواجيب
(كل(ن)على طبعه يجيبه حليبه)


بعض المنابت بالمراجل عذاريب
وبعض المنابت للمراجل خصيبه


رجل(ن)يبى طاريه عند الاشانيب
ورجل(ن)يبى طاريه عند الحبيبه


ورجل(ن)يودى بالسواليف ويجيب
ورجل(ن)سواليفه لفعله تجيبه


ورجل(ن)يغض الطرف عن جارة صحيب
ورجل(ن)عيونة فى محارم صحيبه


ورجل(ن)يغيب و يفقدونه هل الطيب
ورجل(ن)ليامن غاب ماحد(ن)دريبه


ورجل(ن)تشوف بخوته لك مكاسيب
ورجل(ن)تشوف بخوته لك غليبه




ورجل(ن)اذا اخطى يرى نفسه مصيب
ورجل(ن)اذا اخطى يراها مصيبه


قلت الصراحه ما بها شك او ريب
(كل(ن)على طبعه يجيبه حليبه)


اشره وشرّه كان تبغى المواجيب
عط حق تاخذ حق مابة معيبه


وسلامتكم ----

[ذيـب نجــــــــد]

سلمت ياعضونا المميز / نايف راكان

على هالنقل الطيب وصح لسان شاعرها

ورجل(ن)يغيب و يفقدونه هل الطيب
ورجل(ن)ليامن غاب ماحد(ن)دريبه

أخوك // ذيب نجـــــــــــد

[ابراهيم آل بي حبيب الرفيدي]

اشره وشرّه كان تبغى المواجيب
عط حق تاخذ حق مابة معيبه



لاهنت وصح الله لسان القايل والناقل


اختيار مميز

[الدوكري]

سلمت على هالنقل الطيب وصح لسان شاعرها