رثائية.. في الشيخ عبدالرحمن بن كدم..

[سيف عبيدة]

(..بسم الله الرحمن الرحيم..)

السلام عليكم ورحمة الله...


الأخوان الأعزاء ..

توفي الشيخ عبدالرحمن بن محمد ال كدم... شيخ قبيلة ال قريش ..عبيدة..

عن عمر يناهز المائه وعشر سنين كان خلالها نعم الرفيق ونعم الشيخ..

سوائاً على مستوى قبيلته أو سواها من القبائل...

..عندما فاجئني خبر وفاته...جاشت القريحه بالأبيات التالية..


.



الماقف اللي هزّنا عند طاريه=من قبل لا ياتي.. بطاريه خوفي



الشيخ ابن كدم ن توارت مواريه=وش عاد تسوى الناس لوهي صفوفي



مكانه الشاغر ايذكر بماضيه=وماضيه فخرٍ للقبيله وشوفي



تسعين عام ن والقبايل تباريه=واليوم بدل منزله بالرفوفي



عقب المجالس يوم تبرق مصافيه=والعود لزرق والجمل والخروفي



في رفّ قبر ضيقٍ يوم نطريه=والقبر ضاق بصدر شيخ عطوفي



يفداه من تنقص عن الطاله ايديه=يوم ن كفوفه طيب الساس توفي



ويفداه خبلٍ ما يعرّب حكاويه=يوم ن هرج الشيخ مضرب وصوفي



ويفداه من فرضه ليا قال يهفيه=نقّال هرج ولا يرد الحفوفي



ويفداه من ينقاد يمّ المسافيه=يوم ن محل الشيخ قدم السلوفي



يالابتي خَـلّ العزاء ما نوفيه=الشيخ راح ولا بقى الا حسوفي



مرحوم ياشيخ من الوجد نبكيه = فقده علينا من جسام الصروفي




- - - - -

الشاعر سعيد بن عوض ال سياف الفريح..

تحياتي..

[أبو عساف]

يـالابـتـي خَـــلّ الـعــزاء مــــا نـوفـيــه الـشـيـخ راح ولا بـقــى الا حـسـوفــي

صح لسانك ياسيف عبيده

والله يرحم الشيخ عبدالرحمن بن كدم

ويسكنه فسيح جناته

تحياتي للجميع

[آل زاهب القريشي]

رحمة الله على الشيخ عبد الرحمن اللي ما نوفيه حقه مهما قلنا

والله يصح لسانك ويعلي شانك يا اخوي سيف ... مشكور على مشاركتنا الابيات

[الظور]

بيض الله وجهك ياشامخ الجدين

على رغم مشاغلك وخدمه شيبانك ودراستك اتيت بهذه الشامخه وتبين لي انك ياسعيد شاعر وهذي بدايتك تعدت البشاير الى الحقيقه

رحم الله الشيخ عبدالرحمن رحمة الابرار

وهو من مواليد 1336 هـ وتولى الشيخه في العام 1374 هـ ثم سلمها لابن اخيه وسلفه في العام 1427 بعد امضى 53 عام في خدمه القبيله وتوفي رحمه الله في 24 - 12 - 1432 هـ عن عمر يقارب الــ 96 عاما

اشكرك يابو عوض الشكر الجزيل ولدي قصيده لن انزلها لانك راعي الاوله جعلني ماعدمك

[راس قرناس]

مشكور وصح لسانك وبارك الله فيك وجعل ايامك سنين
اشهد بالله انك تستاهل لقب " سيف عبيده بحق واقتدار "
اخوي سعيد ما كل من شيخوه ربعه شيخ !! الشيخ المرحوم
ما حد يماثله في الشيخه والاحسان والتواضع وكل التوصيفات
التي يتقمصها المتمشيخون ... رحمة الله عليه واوصيكم ونفسي
بالدعاء له على الدوام .. والله يجازيك خير على القصيده النابعه من
قلب صادق ملتاع وصابر انشاء الله...

شيخ المشايخ غاب ونفسي حزينه ....عقبه من الاصحاب قلبي عزوفي
ويا سيف العبايد جزل المعاني خزينه... قد سقتها لمن له علي معروفي
تحياتي
اخوك راس قرناس
ال سليمان الحرقان

[حسين آل حمدان الفهري]

صح لسانك
ورحم الله الشيخ عبدالرحمن بن محمد بن كدم

ابو سعيد فقد على الجميع وعلى كل أهل المنطقة

[ناصر آل جمان]

صح لسانك
ورحم الله الشيخ عبدالرحمن بن محمد بن كدم

ابو سعيد فقد على الجميع وعلى كل أهل المنطقة

تحياتي

[سيف عبيدة]

يـالابـتـي خَـــلّ الـعــزاء مــــا نـوفـيــه الـشـيـخ راح ولا بـقــى الا حـسـوفــي

صح لسانك ياسيف عبيده

والله يرحم الشيخ عبدالرحمن بن كدم

ويسكنه فسيح جناته

تحياتي للجميع


صح بدنك..

وتقبل الله منك وسمع دعاك..

ولاهنت على المرور والمشاركة..

تحياتي..

[المناضل السليماني]

--------------------------------------------------------------------------------

صح لسانك


ورحم الله الشيخ عبدالرحمن بن محمد بن كدم

[سفر بن مبارك]

صح الله لسانك وطاب شانك ورحم الله الشيخ عبد الرحمن رحمة الأبرار

بيض الله وجهك تجملت وعلمك غانم ,,

[حمد الظلافيع]

رحمه الله مشكور يابوعوض

[محمد بن حامد بن مايقه]

صح لسانك ياسيف عبيده
والله يرحم ابن كدم هذي سنة الحياه أموات عيال أموات

[أبوسعد الصقري]

رحمك الله يا أبا محمد ونعم الشيخ ولا كل الشيوخ وأنا اشهد انه كفو حي وميت .

[سيف عبيدة]

رحمة الله على الشيخ عبد الرحمن اللي ما نوفيه حقه مهما قلنا

والله يصح لسانك ويعلي شانك يا اخوي سيف ... مشكور على مشاركتنا الابيات


أرحب أخي أبن زاهب

والله يحييك تحيات المطر..

ويرحم الشيخ عبدالرحمن..

صح بدنك ومشكور على المرور..

تحياتي..