روائـــــع الشــــاعر / سعيد بن فردان بن مشفلت

[سعيد أبو ظهير]

بسم الله الرحمن الرحيم


السلام عليكم ~
أسعد الله صباحكم / مساكم .. بكل خير ~

::

كنت قد عرضت لكم سلسلة من قصائد الشاعر / سعيد بن فردان بن مشفلت آل معمر ( أبو نمر ) ..

ويطيب لي أن أكمل لكم عرض هذه القصائد لشاعرنا القدير ..

::

(1)

يامل قلبٍ في بحور المودة تاه
.............ورى عالمٍ ماهي بترحم ولا تاوي
غداء شغله الشاغل ولا بان له مجهاه
.............يكود الجروح وكل يومٍ لها كاوي
على صاحبٍ قفى وقلب الشقي يبراه
.............ضرب له فجوجٍ ذيـبها ذا السنة عاوي
قعدت اتوجد وجد من غرته دنياه
.............غليل الفؤاد وحال راعي الطلب ذاوي
سرى الليل كله والمولع على مسراه
.............تغيب النجوم وطول ليله وهو داوي
وانا ون عذلت القلب من حبهم مقواه
.............قضية هوانا صار يروي بها الراوي
انا يا جماعه كيف بصبر على فرقاه
.............وهو مخلصٍ لي ماسمع هرجة الغاوي


(2)

ونَّتي ونَّة عزيز جفا دار القريب
...............من ظروفٍ في طريقه تسوقه وِتْحَدَاه

طول ليله مثل ذيبٍ على حِروة عزيب
...............بان نور الصبح والذيب ما حصَّل عشاه

المزار بعيد والجرح فِصَّاحب عطيب
...............من زمان الصمت يمشي على غير اتجاه

الحظوظ تصيب واحيان تخطي ما تصيب
...............غلطةٍ فلعمر كادت تمّر بنا الصفاه

لاتعجب ماعليها مقيم ولا عجيب
...............العجب للخالق اللي فرض صوم وصلاه

اشرب الماء من حياضٍ على جال القليب
...............الضوامي حوضها بين دجله والفراه

ما بقى عقب التجارب جديد ولا غريب
...............بيَّنت الايام طيب المجرب من رداه

الجروح المزمنه ما يفيد بْهَا الطبيب
...............عمست افكار الاطباء وفَشْلَوا فلحياه

غرد الشادي وشكل بصوت العندليب
...............في لياليه الجميله على غصن الغضاه

السؤال المعتبر عندنا يلقى مجيب
...............علَّم اللي دالهٍ ما تفيد به الوصاه

كل مافي نجد موجود في عطفة طريب
...............وان جهلت العلم فسَنِّد وتلقى فالسراه

تاج روس القوم معروف ما فوقه صليب
...............في علاوي قمة اضلع والساحل وراه


(3)

على ساحل العشاق رست سفينة نوح

...............وطارت بها ناسٍ اتدوّر مصالحها


وجينا مع الفزعه نبي فايض المصلوح
...............وطحنا بغِبَّه يُغْرِق الموج سابحها


بغيت آتعزز غير سلك الهوى مجروح
...............سلوكٍ شبكها الود والوقت جارحها


فنا يلمطوع من هوا صاحبي مذبوح
...............عقب عارضتني وابن لجواد ناطحها


هنوفٍ تغّريف للهوا والخطر مطروح
...............تشوق القلوب الغافله لين تشبحها


تلوى بها من حبها واحدٍ مشفوح
...............سهوم المنايا دون الاميال طارحها


مراسيلها في كل يومٍ تجي وتروح
...............ويصعب علينا يا رفيقي نصارحها


وانا عادتي ياذيب مااصارح المفضوح
...............اخاف الحقيقه عند ذولاك يفضحها


ترى ما جرى للعبد يكتب بعرض اللوح
...............مثل من قديم الوقت والامثال نشرحها


ونا هاضني ورقٍ ضحى العيد قام ينوح
...............شعاني ودمع العين يبدي فضايحها


وانا خابرٍ سلم الهوا للعرب مسموح
...............لكن آتدراء لا تبين ملامحها


(4)



وردنا على عدٍ تخالف عليه الناس
..................طويلٍ مقامه ما توني محاحيله




زماني حمسني حمسة البن فلمحماس
..................وحداني على جوٍ تطارد مهابيله



كثير النصايح تزعج الشاعر الحساس
..................يعيش بفلك وحده وتكثر تهاويله


وانا من هوا بعض العرب ما طويت الياس
..................لكن الظروف القاسيه مابها حيله


أنا من محبة صاحبـي صابني وسواس
..................خياله يباريني وعيــني تراعـيـله



على مارده شابت عيوني وشاب الراس
..................وهذي مقادير الزمان وبهاذيله



:: ولازال للإبداع بقية ::

كل الود لكم