الجمل

[سعيد سعيدان الزهيري]

هذه مجارة بين الشاعر علي بن محمد بن سعيدان الزهيري القحطاني والشاعر/ علي بن محمد بن راحلة المعمري القحطاني


يقول الشاعر علي بن محمد بن سعيدان الزهيري

يانديبي فوق من عدا على التايوته
الدبل مضمون في راس الجبل والوادي
ما يبنشـر تايـره لو الحيود تشـوته
وان طفح كنه سفينة في المحيط الهادي
قيمته مليون والدنه يجـوز تـفـوته
من وكالة بدو قحطان العرب الاجـوادي
لوحته رقمين في يساره وراء كبوته
تعـرفه كل القبائل في ربــوع بــلادي
رقمها خمسة عشرفي عاتقه منحوته
حلقه ومطرق ورثها من عصر الاجدادي
من قرارة نجد بخفافه يدوس اخبوته
وجهته يم الجنوب مســــيّر ونشّـادي
ماعليه إلا النديب وبندقه مع قوته
والسـعن والموزوده مربوطة بشــدادي
والرسالة للصديق اللي فقدنا صوته
صاحبي بو راحلة لا غـاب ماهو عادي
والله انه وافي وأحب رســــم بيوته
لا نظمها كنــها بنٍ عليه اقنـــــادي
لكن ابطى ما لفاني والحشاءمكبوته
والله ان شوف النشامى غايتي ومرادي
لا نصيته يحذف الغتره ويحذف كوته
يذبح الحايل وتبـشـر بالظفر والزادي
سلمه خطى وقل طول علي سـكوته
بو محمد خايف انه لا يصـير احيــادي


ردالشاعر /علي بن محمد بن راحله


راكب اللي يفهق أبنوز البلد وفـــروته
لا قـفـز من ماقفه بتقول ذيب عــادي
شـاص لونه بيج حوض ماتطيح كـروته
يطــرب الســـواق له ويقرب الابعادي
والمديل ألفين واحـد اعشــر عليه ثبوته
صانعه مقطوم خشــم للصنم عبادي
ســره بليل عن الشاقي يغيب سبوته
ســره من أبها لنجد وصنفر العدادي
واســـتعن بمجيب عبده لادعا بقنوته
لين توصل بو عمر زبن الدخيل سنادي
وعـــد وبل يجذب البدوان ذكر انبوته
لاســــرا بـرقه وفيه يدنـدن الــرعادي
أسلم وسلم على اللي من قديم وقوته
فــايـزٍ بالطيب والنامـوس والأمجــادي
عينه لحـرمة قصيره مــاهي بمفلوته
وان لفاه الضيف من جوده لضيفه جادي
قله اني مانســـيته مسـتحيل فخوته
وسـبة غيابي من ظروف الزمان الغادي
والذي نــجـا نبيه يونــس من الحوته
اني اعـمـر الغـلا مانيب له هــــدادي
ورقم جـواله بقلبي ماهـوب في النوته
من غــلاه امغيب رقمه وقــــدره زادي
والســـــلام اعداد مايثمر ثمار التوته
ختم قـاف في معــانيه الــوفـا منقـادي



رد الشاعر/ علي بن محمد الزهيري


من ضمـيرلازفـر واقفى مـع التنهوته
مرحباعقب الغياب اللي يـجـز فوادي
دام جــاني الشاص بـارده وافك زيوته
بافحصه من مقدمه لاموخره لاالرادي
واشعبه يم البلد واشري جديد بشوته
واطبع الصنـدوق بالعـوده وفل وكادي
لاهفا راس البخيل الله يعجل موته
والمــراجل يالنشــامـا وقفة واجهـادي
وعقب ما كرمت سواقه خذا ريموته
واتـجـه لـبـو محمد صـــامل الأولادي
الضما يابو محمد جـــائر طــاغوته
كلما صــدرتـهـا ترجع على المـيـرادي
أيش رايك نزرع التوته مع السنوته
دايم عـذرك ســمين والثياب أجــدادي