هاتوا علوم الوسمي

[الظور]

ارحبوا جميع ومن العايدين


تباشير الوسمي تبشر بالخير من رب العالمين جل وعلا هذه السنه

وكلنا يهمنا اخبار الخير والبركه

والمثل يقول

علم الحيا والطيبين يبين

فمن علامات الطيبين البشار بالحيا فبشرونا بشركم الله بجنةٍ عرضها السموات والارض

كل عضو يمر هنا يشارك بما رئاه وماحدث به حديث صحيح ويتنبه الى تكرار ماسبق نشره من قبل الا ان تكون الارض التي ذكرت اتاها عده سيول فيكرر

وبيض الله وجيهكم

[الظور]

الحمد لله الذي يعطي ويجزل

فقد هطلت امطار على طريب عصر هذا اليوم وبدآءت الامطار الساعه الثانيه والنصف قبل العصر ولازال صوت الرعد مستمر حتى اعداد هذه المشاركه

والامطار متوسطه وقد ارتوت الارض وهناك سيول خفيفه لاكنها عامه

دمتم بخير وسنوافيكم بما استجد

[سيف عبيدة]

أرحب تراحيب الحيا...

أبشرك يابو ناصر اليوم وفي مسافة كيلو واحد كادت تجرفني السيول ...

غرب وادي بن هشبل ... وبالتحديد شعب الطريف... الساعه الثالثة...

إلى قبل العصر بقليل...

وبعدها عودت للبل... وأخيل الحيا على علو الهضب وميادين الجيش...وعساها بوادر خير ...

يا بو ناصر ..

تحياتي..

[فارس قحطان]

ارحب يابومحمد

وكل عام وأنت بخير

اما علوم الحيا فعندنا فالجله جانا سحاب أول العيد لكن ماجانا مطر
وذكروا أن شمال الفويلق جاله رشاش .. هذا اللي حوالينا وغير ما أخبر


نرجو الاستمرار في هذا الموضوع

[منصور العبدالله]

ارحب يابو محمد


الله يسوق الخير


ويغيث البلاد والعباد


قبل يومين بالضبط جتنا رشه على الرياض ولا طولت


لكن الحمدلله



شكرا اخوي الظور



ولاهنتوا ياشباب



والله يغيث البلاد والعباد بأمطار الرحمة والبركه



تحياتي للجميع

[سيف عبيدة]

مخايلي أمس على علو الهضب وميادين الجيش كانت في محلها...

يقول الساير من يوم بدا مع الرميثية صوب العوشز...

وجد كل وادي سايل لين جزع شريا...

حافش + حافش2+ الخليج+ وادي الطلحه(الغول)+ شريا وليس متأكد من شريا

هذا وسلامة الجميع..

[الظور]

أرحب تراحيب الحيا...

أبشرك يابو ناصر اليوم وفي مسافة كيلو واحد كادت تجرفني السيول ...

غرب وادي بن هشبل ... وبالتحديد شعب الطريف... الساعه الثالثة...

إلى قبل العصر بقليل...

وبعدها عودت للبل... وأخيل الحيا على علو الهضب وميادين الجيش...وعساها بوادر خير ...

يا بو ناصر ..

تحياتي..


بيض الله وجهك يابو عوض

والله يبشرك بخير ويزيد الخير

لاهنت على مرورك وعلومك الطيبه

تقبل تحياتي

[الظور]

ارحب يابومحمد

وكل عام وأنت بخير

اما علوم الحيا فعندنا فالجله جانا سحاب أول العيد لكن ماجانا مطر
وذكروا أن شمال الفويلق جاله رشاش .. هذا اللي حوالينا وغير ما أخبر


نرجو الاستمرار في هذا الموضوع


بيض الله وجهك يابو مسفر

والله يبشرك بكل خير وياليتكم ياهل نجد تبشرونا بعلوم الحيا في انحاء نجد لا ذواريه ولا مذاريه

لاهنت على مرورك وعلومك الطيبه

تقبل تحياتي

[الظور]

ارحب يابو محمد


الله يسوق الخير


ويغيث البلاد والعباد


قبل يومين بالضبط جتنا رشه على الرياض ولا طولت


لكن الحمدلله



شكرا اخوي الظور



ولاهنتوا ياشباب



والله يغيث البلاد والعباد بأمطار الرحمة والبركه



تحياتي للجميع


بيض الله وجهك يابو نواف

والله يبشرك بالخير والله يجعلها فراش خير

لاهنت على مرورك وعلومك الطيبه

تقبل تحياتي

[الظور]

مخايلي أمس على علو الهضب وميادين الجيش كانت في محلها...

يقول الساير من يوم بدا مع الرميثية صوب العوشز...

وجد كل وادي سايل لين جزع شريا...

حافش + حافش2+ الخليج+ وادي الطلحه(الغول)+ شريا وليس متأكد من شريا

هذا وسلامة الجميع..



صدقت يابو عوض

من عقدام جنوب الى مداويه وجراف والمغاوير والنظيم وام القصص شرقا الى نجد الجمعاء وظيران سدره غربا الى خط الرياض شمالا

بيض الله وجهك ولاهنت

[حمد ال جميح]

امطار على الدمام اول يوم العيد وثاني يوم العيد والحمدالله

[خالد العاصمي]

السلام عليكم ورحمة الله وبركاته

هذا موقع للي يفكون الخط

فيه خرايط ومكان البروق وتوقعات وروابط لمواقع تهتم بالطقس والأحوال الجوية

أسأل الله العلي القدير أن يرسل السماء علينا مدرارا ويمددنا بأموال وبنين ويجعل لنا جنات وأنهارا

http://our-weather.blogspot.com/