قصيدة حكمه لشاعر الكبير مصلح بن عياد الحارثي

[محمدبن عبيان الفهري]

هذه الرائعه للشاعرالكبير/ مصلح ابن عياد الحارثي
واعجبتني واحببت ان انقلها لكم لما فيها من الحكم والجزاله المنقطعت النظير
امل ان تحوز على رضاكم واستحسانكم والعذر والسموحه اذا كان هناك تقصير


يالله ياللي بأمرك النـور شعشـاع
يادامح الـزلاّت ياقاضـي الديـن
يارب تغفر زلـةٍ مالهـا اسنـاع
عليّه اثقل مـن جبـال الامرّيـن
يوم اتذكرهـا وانـا لازم القـاع
اقوم وادرج راسي يسـار ويميـن
تقول لاهبني على الكبـد منـزاع
وإلا مصوبني على القلـب سكيـن
عزالله إني من عنا الرب مرتـاع
والنفس تجهدني على الزين والشين
يالله عساني في مطوعتك مطـواع
يارب ساعدني على القلب والعيـن
المرجله ياهل المراجل لها انـواع
ثـلاث واربـع يانشامـا وثنتيـن
خوف من الله واحتـرام وتشفـاع
وحفظٍ على رزق اليتاما المساكين
وبرّ الثنين اللي خذو عنك الاوجاع
وسهروا على شانك من الليل ثلثين
شجاعةٍ ماهـي شجاعـة تفيـراع
لا ولّع الشيطان نـار الشياطيـن
راس القريّب مالها فيـه مشـلاع
على العدا ماهي على الربع الادنين
وصينيةٍ يلقابها الضيـف مربـاع
ولاهزّعوا جيلانها بـأم عصبيـن
وبريةٍ تشرى من السـوق وإتبـاع
وسوالفٍ زينة من الخاطر الزيـن
والصبر والحكمة وزينات الاطباع
وامقابل الديّان فـي حـزة الديـن
وحاذور من كثر الغضب والتجزاع
عند المصايب واختلاف القوانيـن
وليا بدالك صاحبـاً فيـك طمّـاع
خلّه يسار الدرب وانته رح إيمين
واجزع طريقٍ للرياجيل مجـزاع
وخل الدنـاوه للرجـال الدنييـن

[مثل بن ابراهيم أل سويدان]

محمد بن عبيان آل سالم الفهري
لاهنت على الطرح المتميز

[سيف عبيدة]

بيض الله وجهك على النقل يا بو عبيان..

موضوعك والله رائع...

ولن تنقل لنا هذه السالفه إلا وانت منها وفوق يا عبيدي...

تحياتي..

[ماجد بن شارع العاصمي]

ابوعبيان ياجعل عمرك سنين


ولاهنت على نقل القصيده

[محمدبن عبيان الفهري]

ارررررررررررررررررحبو كلكم

الف الف الف شكر على المرور الرائع