المساعد الشخصي الرقمي

مشاهدة النسخة كاملة : من قصايد الشاعر سليمان بن شريم


حراف
07-11-2004, 12:13 PM
قصيدة لشعار سليمان بن شريم وهي من قصايده المشهوره

وان شاء الله تحوز على رضاكم



ياونتاه اللي برت جـــسم حالي = بري الدبا نبنوب غصن تغشــــــلاه
على عشيـر بالموده صـــفا لي = وازريت أنوش حماه وانا اتـــــــعداه
غرو جبينه مثل خـط الــــهلالي = سبحان رب صـوره ليـن ســــــــواه
وحيـاة رب كمله بالجمالــــــــي = من مفرق الهامه إلى حد ماطـــاه
انه منول وامس واليوم غـــــالي = واتلى زمانه بالغلا مثل مــــــــبداه
ماله حلي إلا مـودة عيـــــــالي = اصغر عيالي بالغلا كــــــــــــنه إياه
لا ابطيب ماشفته وهو ماعنالي = عفت المكان اللي يغيظه ويـــجفاه
لو دلهوني عنه مانيب ســــالي = اشفق على شوفه واهوجس بطرياه
شوفه دواي وقل شوفه زوالــي = حكيم طب جامع داه ......... ودواه
حقه على إلى تزخـرف قبـــالي = ابعد مزاره بالهوى واتمـــــــــــــنـاه
وحقي عليه إلى اعترض له مجالي = يصفح ويلقاني على الطول والـقاه
مابه من العذروب عنق الغزالـي = إلا الزمان اللي حداني وعــــــــداه
ريقه حلا من در عفر متــــــــالي = لا ورحن من مدفق سـال مجــــراه
هبي بريحه ياهــــبوب الشمالي = كود الجنوب ومطلع الشمس تنصاه
عبث صبيت لعشرته من صبا لي = سجلي بنجله والموده مـــــــجازاه
ياما وياما فرقتنا اللــــــــــــــيالي = نجع مقيم وفرق البعد لامـــــــــــاه
أقفت مراحيله وانا اقفت رحالي = خليت مداهيله وعميت ركايــــــــاه
وخان الزمان بعشرته والـــتوالي = ورثت من يصفق شماله بيــــــــمناه
وعضيت بسرة شاهدي من هبالي = وونيت ونة من نقــــــــــــل داه برداه
اسهر إلى نام المعافى لحـــــــالي = والصبح اجدد ذكر حـــــــمام واسماه
هني دحـش دب الايام ســــــــالي = ماولعه طرد العماهــــــــــــيج واغراه
ولا صلاه من التصاريف صـــــــــالي = وذاق الفراق وتاه مثلي بمســــــراه
ياطول ماطاوع نسيم الـــــــهوا لي = من قبل يبدي لي من الوقت مجـفاه
واعتظت من عقب الجديد السمالي = ولا ينفع الفايت ولو قيل محـــــــــلاه
ليتي قريـب له وبيته موالـــــــــــي = والعلم من بيني وبينه مناجــــــــــاه
ان كان له بمواجهي مــــــثل مالي = وقلبي معه يبراه والهم يــــــــــــبراه
وإلا تراني عنه طاون حـــــــــــبالي = يلقى وانا القى واحد كنه إيـــــــــــاه
مانيب من يتبع خفيف الخـــــــيالي = إلى تحدر بارقه عفت مرعـــــــــــــاه
هذا وصلوا عد رمل الـــــــــسهالي = على نبي شيع الدين واحـــــــــــياه
وآله وصحبه كلهم بالـــــــــــكمالي = واللي تبع سنة نبيه ومجـــــــــــــراه


الشاعر / سليمان بن شريم




اخوكم

حراف

عبدالعزيز المنيفي
07-11-2004, 04:06 PM
صح لسان ابن شريم


ولاهنت يا حراف على إيراد القصيدة

حراف
09-11-2004, 02:54 AM
مشكوووور اخيو عبدالعزيز المنيفي على مرورك موضوعي

احنا ماسوينا الا الواجب وهو رفع المنتدى الا القمه

اخوك

حراف

فارس قحطان
09-11-2004, 05:34 AM
لاهنت ياحراف

وبيض الله وجهك

خالد آل مطرف العاطفي
09-11-2004, 08:11 AM
انه منول وامـس واليـوم غالـي=واتلى زمانه بالغـلا مثـل مبـداه
مالـه حلـي إلا مـودة عيـالـي=اصغر عيالـي بالغـلا كنـه إيـاه
صح لسان الشاعر .. و لاهنت ياحراف على نقل مثل هذه القصيدة المميزه لشاعر مميز ..

يمال العافيه ياحراف
اخوك
خالد

حراف
10-11-2004, 03:53 AM
ارحب يا فارس قحطان

الله ان تحييه

ماسوينا الا الواجب ياخوي

وحنا دووووم تحت الخدمه الي تامره فيه حنا حاضرين

[line]


ارحب يا خااااالد هلا بقدوتي في هذا المنتدى الطيب

معليك زووووود

وحنا تحت الخدمه للي مثلك وشرواك..... والي نقدر عليه من طلب بنحااااول نسويه

وان بيض اوجيهنا لعيال قبيلة قحطان



[line]


واحب اشكر من قام على ( الديزاين ) التشكيله الجديه للمنتدى وقووووله له مبرووووك ويسلموووو على الذوق الحلوووو


اخوكم

حراف