المساعد الشخصي الرقمي

مشاهدة النسخة كاملة : مرحوم ياستر البلاد وذراها


خولان بن عامر
24-10-2011, 05:53 AM
ياعين ياللي غرّق الخد ماها=وخدودي اللي تشتكي دمع الاعيان

حاولت اسلي خاطري من بكاها=لوّ البكاء مكروه في بعض الاحيان

مرحوم ياطب الكبود ودواها=يافزعة اللي صابه هموم واحزان

مرحوم ياستر البلاد وذراها=مرحوم ياقلب من الطيب مليان

مرحوم يانور الديار وسناها=مرحوم ياللي له مع المجد عنوان

ابو اليتاما اللي الزمان ايحداها=وتاج المريض اللي شكى ضيم الابدان

لامد كفيه الصخيه ملاها= ومن مدته يتجر فقير وطفران

كم من فقارى عالبسيطه عطاها=وليا عطاء مايدري فلان وفلان

وكم مشكله ليا حضرها نهاها=بين الدول وشعوبنا لاجله اخوان

وان قال كلمة صانها واحتماها=لاقالها على المنابر كحيلان

على شعوب الارض يطلع صداها=الله عطاه الحلم والعرف ولسان

شعبٍ على موتت عقيده تباها=وشعوب تتباكا على موت سلطان

الشعب وافي والحكومة وفاها=لبن الوطن في كل محفل وميدان

وحنا عوضنا في مليكٍ حماها=صقر العرب لاثار عج ودخان

ونايف ليا مالت ودارت رحاها=سور الوطن عن كل باير وخوان

وسلمان ياذخر البلاد وغناها=وحنا لابو متعب ونايف وسلمان

وحنا ذرا الدوله وحنا فداها=اطهر وطن واشرف وطن بين الاوطان

هذا وصلى الله على روح طه=على النبي الهاشمي نسل عدنان

معيض بن دشن
24-10-2011, 07:21 AM
صح والله لسانك ايها الاستاذ الكبير حتى ترضى لاعدمتك ..
رحم الله الفقيد رحمة واسعة ،، تقبل تحياتي ايها الاستاذ ،،،

فارس قحطان
24-10-2011, 10:53 PM
ابونايف


صح الله لسانك

والله يرحم ابوخالد سلطان الخير

@ابوريان@
24-10-2011, 11:32 PM
صح والله لسانك ايها الشاعر الكبير

..

رحم الله الفقيد رحمة واسعة ،، تقبل تحياتي

محمد بن مسفر بن جليد
25-10-2011, 12:27 PM
ابونايف


صح الله لسانك

والله يرحم ابوخالد سلطان الخير

أبو صقر
25-10-2011, 08:14 PM
صح لسااااااااااانك

وعودتنا دايم على الشعر الجزل

لك تحياتي وتقديري

مفلح السلاطين
31-10-2011, 11:53 PM
صح لسانك يابونايف