المساعد الشخصي الرقمي

مشاهدة النسخة كاملة : ساهر وزود على الطينة مية بله للشاعر عبدالله ملهي الخلفي الحربي.


ابيض المشعاب
18-10-2011, 10:54 AM
http://up.7cc.com/upfiles/Yhj23537.jpg (http://up.7cc.com/)



قصيدة لأحد الزملاء تعبر عن ما يجول في خاطره.
ياللي تبي قصة همومي وتحزيني=بأخبرك عن مايغث الصدر ويعله
تدري وش اللي معذبني ومشقيني=الدين ياخوك ياخذ راتبي كله
وتدري وش اللي مضيقني من سنيني=إني بهالكون ماملك لي ولافله
وتدري وش اللي يضحكني ويبكيني=الوقت ياللي تعقد الحبل وتحله
وتدري وش اللي مبهذلني ومذيني=ساهر وزود على الطينه مية بله
وتدري وش اللي مونسني ومرضيني=إن الله اللي يعز العبد ويذله
ماعاد بالكون شي اليوم يعنيني=واللي مثل حالتي يارب تغفر له
مادام سعر الاراضي بالملاييني=والموتر اللي نبيه نعجز نوصله
هاذي عناوين وإن قلت المضاميني=يبا يشيب الصغير وتلحقه خله
والشايب اللي وصل بالعمر سبعيني=يمكن إليا من سمعها مات من حله
من صعبها والظروف يسار ويميني=تنبيك عن شي اصعب منه وأجله
وختامها وين يا وقتي موديني=ماعاد بي دم من طعناتك تحله
الشاعر: عبدالله بن ملهي المخلّفي الحربي

ابن عياف
18-10-2011, 11:16 AM
وتدري وش اللي مونسني ومرضينيإن الله الـلــي يــعــز الـعـبــد ويــذلــه

بيت عن مئة بيت

والحقيقة القصيدة جميلة وذات احساس صادق

أسأل الله ان يعين الشاعر على وقته ويرزقه من حيث لايحتسب

ومن نقل لنا هذه القصيدة

ابيض المشعاب
19-10-2011, 01:04 PM
وتدري وش اللي مونسني ومرضينيإن الله الـلــي يــعــز الـعـبــد ويــذلــه

بيت عن مئة بيت

والحقيقة القصيدة جميلة وذات احساس صادق

أسأل الله ان يعين الشاعر على وقته ويرزقه من حيث لايحتسب

ومن نقل لنا هذه القصيدة

ابن عياف
ارررررررررررررررررررررررحب تراحيب المطر
اسعدني مرورك الله يسعد ايامك ولياليك.

سفر بن مبارك
24-10-2011, 03:04 PM
صح الله لسانك وطاب شانك وبيض الله وجهك ووجه الشاعر

عند الله خير وابقى لاهنت وننتظر الجديد ,,