المساعد الشخصي الرقمي

مشاهدة النسخة كاملة : قصيدة اعجبتني


عبيدي الدمام/ابوزياد
15-11-2005, 11:12 PM
العافيه

اه من طرفاً غدى نومه حريبه .... ساهــراً ويا النجوم الساهريــه

لين تاليهـــا توارى في مغيبه .... واثــر هذا الليل ساعاته خطيـه

يـوم كـلاً في منامه مهتني بـه .... ما معــي الا هاجسي والشاذليـه

أتهيـض وأسـرج الخيل النجيبه .... وابـعد المشـوار والنيه مطيــه

في ضمـيري هقوتاً ما هي قريبه .... أطـلب الحكمه وامد الها ايديـه

واتتبعها كمــا تبع الذهـيـبه .... لــو توديـني الديار الاجنبيــه

واحــداً يغزي ويجلبهـا كسيبه .... واحـداً يجلـس وياخذها هديـه

أستمع لتجربــه من راس شيبه .... شايـف الدنيا بنظـره واقعيــه

معلم أسرار القلوب الكذب خيبه .... ميـر فيه علوم ما تخفى عليـه

والـوصيه للعقول اللي لبيـبه .... أن وجدت اللي يحفظون الوصيه

مـن يبى يختار فـاااااالدنيا صحيبه ... لا تغـره نظـرة الوجه البريـه

كم وجوه أصحاب توحي لك بطيبه .... زااااااااااايفـه وقلوبها ماهي نقيه

كل رجاااااااااااالً بطيب يدعـي بـه .... والمـواااقف تكشف اسرار خفيه

فالرجااااااال اللي دوا الجرح وطبيبه .... فالموااااااااااقف كنه النار الوريه

أن نصيته فاااااالضروف اللي صعيبه .... قبل تسليمك يباااااااااادر بالتحيه

أجــودي من حظه الجود ونصيبه .... حيث رزقه كاااااافله رب البريه

وفيهـم اللي لو تجي عقب المغيبـه .... وانت مــا تبغى كثير ولا شويه

يـــحسب انك تطلبه مخزون جيبه .... ثم وراااااااااااك الجفا والمشنويه

منقطع دلواااااااااااااه وطايح في قليبه .... لا يبي يشرب ولا يسقي الضميه

وفيهـم اللي صحبته قشرى تعيبـه .... المشاااااااكل جابها عن حسن نيه

ان بغاااااااااااها صايبه تطلع مصيبه .... وان بغااااااااها منفعه صارت رزيه

باااااااااذل المجهود ما يرضى الغليبه .... الذخيره والمه واااااااااااالنار حيه

والهـدف يرميه لاكن مـــا يصيبه .... لجل ما كل الرماه بوااااااااااارديه

فااااالرجال رجال في حضره وغيبه .... وافيــه ما تقلب النيـه بنيــه

أن تخااااااااااااويهم سلاحاً ينغزي به .... وان تعاملهم تجد قاااااااااله وفيه

وان تجااااااااااالسهم سوالفهم عجيبه .... ويش ظنك في خزااااااين صيرفيه

مــا دخل في مزحهم شكه وريبه .... وازنينه بااااااااااااالعقول اللي ذكيه

مثل عود الطيب لامن فااح طيبه .... لجل طيبه صار يوزن بااااااالوقيه

مــن يقول ان الكلام بلا ضريبه .... مدرا ون سجلت حسـنه وسيــه

ومن تفقد قبل عيب الناس عيبه .... لا يــــزل ولا تجي منه الخطيه

والردي لو جات منه ماهي غريبه .... ويش بجرااااب الردي غير الرديه

لـــــو قريبن لي ولو اني قريبه .... الردي مكروه ماااااااااااااله قابليه

والمحبه بالرضا ماااااهي بالغصيبه .... ما عليٌه من سلوم الجااااااااااهليه

الـردي ما هو خويي ويش ابي به .... مخرب الجلسااااات ومزعل خويه

ان هرج والياااااااانها فالناس غيبه .... وان مزح جاااب الغلط والمنقديه

لا رضينا بالكـــلام اللي يعيبه .... ولا ضحكنا غـــير في شر البريه

أستمع لتجربه من رااااااس شيبه .... شاااااااااااااايف الدنيا بنظره واقعيه

النايب له ولد
15-11-2005, 11:19 PM
ايها العبيدي

من هو الشاعر؟؟؟؟؟؟؟؟
لو سمحت

شيهان
15-11-2005, 11:49 PM
صح لسان الشاعر

مروان
18-11-2005, 02:07 AM
والردي لو جات منه ماهي غريبه .... ويش بجرااااب الردي غير الرديه




السلام عليكم

أخي عبيدي الدمام: اختيار موفق. صح لسانك ولسان الشاعر

ملحوظه:

الشطر الأول من البيت أعلاه لا يستقيم و الوزن، وقد يكون الخطأ في الكتابه و أرى أن الشطر يستقيم لو كان:

والردي لو جابها ماهي غريبه .... ويش بجرااااب الردي غير الرديه