(((قبل الفجر)))

[حمد بن مسفرالحبابي]

ابيات بسيطه للتواصل اتمنى تحوزعلى رضاكم وارجوالعذرعلى طول الغياب





قبل الفجرجاني خيالك وفزيت=مدري علم مدري حلم في منامي
امسيت افكرفيك واصبحت وامسيت=والي سبح بحرالهوامايلامي
وش حيلتي في غيبتك يوم قفيت=ابغى اتكلم ويتلخبط كلامي
حب العذاراء فتت القلب تفتيت=احاول اصبرلاكن الجرح دامي
يالتني عن مدخل السوق صديت=حتى استريح من الهواوالغرامي
لاكن وقعت بجم حبك ماسميت=وبعدك تغيرت وتغيرنظامي
حبيت اوضح حالتي لك وحبيت=تردلامريت جنبك سلامي

[أبو عساف]

حبيت اوضح حالتي لك وحبيـت
تردلامريـت جنـبـك سـلامـي

ارحب ياحمد وبيض الله وجهك قصيده وافيه وانت وافي جعل ايامك سنين

وعرفنا بعد ان قلبك خضر

لاتحرمنا جديدك

تقبل ودي وتقديري

[حمد بن مسفرالحبابي]

اخوي الغالي ابوعساف شرفني مرورك العطر لاهنت يالغالي نفداك

[علي بن مسفرالحبابي]

يالتني عن مدخل السوق صديـت
حتى استريح من الهواوالغرامـي

اررررررررررررحب ملياااار يابومسفر

وصح الله لسانك علي الابيات الرائعه والغير مستغربه منك

لك ودي واحترامي

[أبو معتز]

صح لسانك يا حمد ملايين . تحياتي وتقديري

[مبارك بن حاضر]

الله الله

صح لسانك يابو مسفر

قصيدة رائعة بيض الله وجهك

تقبل تحياتي

[محمد بن مسفر بن جليد]

صح لسانك يا حمد ملايين . تحياتي وتقديري

[ناصر آل جمان]

صح لسانك

بوح جميل

تحياتي

[خيال الكحيله]

ياحمد وايش سويت


ياللي كتبت اجزلت واحسنت واوفيت::انا اشهد انه مالحقك الملامي
مادام ذا حكم المقادير مااخطيت :: اصبر وحذرا يافتى الانهزامي

[سليمان بن سعيد بن مسرع]

الله يعينـــــــــــــــك يا (حمد) راعــي الصيــــــــــت
والله يديمــــــــك يا رفيــــــــــــع المقـــــــــــــامي
شكيـــــــــــت من حــــب العـذارى وشكيــــــــت
ان المبالــــــــغ في هواهـــــــــــم ضــــــــــلامي
ان كان للحـــــــــــــب الحقيقـــــــــــي تعنيــــــت
فـ (قيــــس الملوح) راح عمــــــــــره عدامـــــــي
ما ينفع الهــــــــــــايم تذكــــــــــــر وياليــــــــــــت
لا صــــــــــــــار ماهو مع هوى البــال لامـــــــــي

صــــــــــــــــح لســــــــــــانك وعلى الاخرى عانك يا بومسفر وحبيت اجاريك بهذي البيتين ,, وتقبل تحياتي