المساعد الشخصي الرقمي

مشاهدة النسخة كاملة : وضحكة محمد ماتساوي ملايين


سالم الحبابي
23-09-2011, 06:33 PM
ياليل كم عذبت مثلي ملايين=وكم واحد غيري ليا أقبلت تشفيه
وأنا معك ياليل من قدلي سنين=هم تروح به وهم تضويه
عشرة قهر خوة معاند وتأبين=على دروب كلها ضيقه وتيه
ابي السعد والضحك والفرحه من أين=والقلب جور الهم والغم كاويه
إن جيت بضحك حضرت دمعة العين=حتى كرهت الضحك وأصله وطاريه
ياليل وش باقي وبالله إلى وين=بالله قلي وش بمثلي تسويه
الشوك في عيون الفرح منظره زين=والورد في عيني مشوه تشويه
معقول أنا ماصرت ضمن المجانين=ومعقول ماتعتق رهينه وتعفيه
لكن بعد الصبر والمر والشين=غصب عليك أفرح لو تقول لي ليه
لأن الابتسامه في وجيه المحازين=أمل على درب السعاده وتوجيه
وضحكة محمد ماتساوي ملايين=لاوالله الا الكون كله ومافيه

مضواح بن جابر
24-09-2011, 12:21 AM
صح لسانك


اخوي سالم


تقبل تحياتي

محمد غرمان الشهري
10-10-2011, 10:16 AM
صح لسانك

محمد بن مسفر بن جليد
10-10-2011, 03:52 PM
صح لسانك


اخوي سالم


تقبل تحياتي

ثورة عرب
10-10-2011, 04:04 PM
صح لسانك يالحبابي