:: قصيـــد العجــايـــز ::

[حسين العبدي]

السلام عليكم ورحمة الله وبركاته


يالله دخيلك مـن قصيـد العجايـز=العايـديّ اللـي يحـوّل لممـتـاز
اللي على اعجاب البشـوات حايـز=لوهو على اعجاب اكثر الناس ماحاز
قلوبنـا يالربـع مـاهـي جنـايـز=باقي بها احساس وللاحساس تنحاز
الاولـه تسـرق لراعـي الغزايـز=ابوبدر عسـى بجنـة عـدن فـاز
تمشّي الموضـوع عـادي وجايـز=على موازينٍ علـى أحـدث طـراز
والثانيـه تبـي تطـش البـلايـز=تلبس بدال الجيش وتحقـق انجـاز
يافايـزه صعبـه تصيريـن فايـز=في العرف والمله وحتـى بالالغـاز
نص الرجوله لأصعب احساس رايز=كم هز رجل صعب ماهـوب ينهـاز
ونـص الانوثـه يستفـز الغرايـز=لا انعم غصون الروح باللطف هزاز
ماهي سـوى يافاحصيـن الكنايـز=الفرق واضح عند تدقيـق الايعـاز
والوضع جدّاً ياهـل الوضـع بايـز=يامعلّقين الخيط فـي مخلـب البـاز
القصـه مجـرد قضيّـا عـوايـز=هذا الصحيح وكل فكـرٍ لـه افـراز