حبيب العازمي ياطيري ..

[شمس الجنوب]

يقول الشاعر حبيب العازمي..

يا طير يا طير يا طير السعد ياللـي تـرف الجنـاح
لا واهنيـك ليـا ضاقـت عليـك الارض خليتـهـا

وان رحت وان جيت ياطير السعد تسبق هبوب الرياح
واظن ما فيه ديره فـوق وجـه الارض مـا جيتهـا

مانته بمثلي تجي وتروح ما يصعب عليـك المـراح
لكـن ياليـت جنحانـك معـي يـا طيـر ياليتهـا

كله على شان ازور اللي رمانـي بالعنـا واستـراح
اللـي علـى شانـه الاقـدام عنتـنـي وعنيتـهـا

في ماضي الايام اشوفه قدم عيني في المسا والصباح
واليوم حتى العلوم اللي تجيني عنـه مـا اوحيتهـا

وليا نشدت العرب ماحـد يعلمنـي عنـه ويـن راح
واتعبت نفسـي وبالنشـده كثيـر النـاس بذيتهـا

لا ووجودي علـى شوفتـك مـره ياظبـي البـراح
ياللي على شانـك العبـره علـى الخديـن هليتهـا

يابو عيون هدبهـا يـزرق العشـاق زرق الرمـاح
ذبحت روحي على كفـك برمـش العيـن واحييتهـا




وهاذي بالصوت دورت مالقيت بصوته هو ف حبيت انقل لكم هاذي


http://www.youtube.com/watch?v=L3TXhKJ_c-8

[المناضل السليماني]

مشكور شمس الجنوب

اختيار رائع وصوت جميل

[شمس الجنوب]

العفو وحياك الله في مواضيعي بأي وقت

للمعلوميه انا بنت ^^

[برطم النملة]

نيابة عن عالم النمل
أشكرش شمس الجنوب
مقطع رائع وصوت جميل

لا تحرمينا من ابداعش وجديدش

[شمس الجنوب]

ههههه هلا والله حياك بأي وقت