المساعد الشخصي الرقمي

مشاهدة النسخة كاملة : صاحب قصيدة حدوني على صدر الغمارة...مهم جدا


ولد سبيع
18-09-2011, 11:37 AM
السلام عليكم ورحمة الله وبركاته
اخواني قبيلة قحطان
لولا المعزة لكافة قبائل قحطان وصاحب قصيدة
اناهاضني لين اودع القلب فيـة افتـوق=خلـوج ولدهـا عقـب فرقـاه مختلـة
بعد هاضني لعب الحمامة على الغرنوق=على كل غصن ترفع الصـوت وتشلـه
لما شفت طير ٍ يكسر الحوم قمت أتوق=أباري لطير الجو واسير في ضله
أنا لازم آرسّل كتاب مع ماثوق =مع الطارش ابن حمود يوصله عبدالله
فيازوع قلبي زوع طير طليق سبـوق=شهر في خضيرا الجو يكفخ ورا ظله
حدوني على صدر الغمارة وانابغي فوق=ابي مقدم الصنـدوق ولا علـى السلـة
معي دفتر الرخصة وانا ما عرفت اسوق=ولا جيت بشري موتـر مـا ورد كلـه
ولا صبو الفنجان الاول مبي لـه ذوق=ابي ثاني الفنجال مـن صافـي الدلـة
اقلط على الضيفة وأنا شفي المفهـوق= ابي قسمي اللي راعي البيت يفطن له
وانا لا تذكرته يهايف بـي الطـاروق=جبرني على الروحات صوبة و انا دله
هني ّ واحد ماهوب عاشق و لا معشوق=ولا يشحنه فرقا و لا البعـد عـن خلـه

المرحوم مجدل بن ربيع ال مسعود
لما كتبت هذا الموضوع
قرات في منتداكم العامر ان صاحب القصيدة هي بخوته المرية وفي مواقع اخرى كثيرة من ينسبها لشعراء اخرين
وخذوا العلم مني شخصيا سمعته من فم صاحبها المرحوم والمغفور له حيث كنا جيران ونعم الجار قحطاني
ولله الحمد والمنة حيث كان بمثابة اب لنا حتى كنا ندخل بيته كانه بيتنا وافتخر اني قاصرت الشيخ مجدل بن ربيع ال مسعود
وخيرا من لايعرف القحاطين لا يعرف الخوة.
واسف على عدم ترتيب الموضوع

محمد الحركان
18-09-2011, 12:12 PM
بيض الله وجهك
والقصيده هذي اشهر من نار على علم
وتغنت بها الركبان وصاحبه كما ذكرت هو/مجدل بن ربيع وكل الناس يدرون
واذا كانت منسوبه لاحد غيره لاتستغرب سبق وان نسبت قصيدة ابن ريفه المشهوره (المقناص) الى غيره رغم الشواهد والدلالات الموجوده بالقصيده كما سرقواقصيدة نيله وهي ايضا لبن ريفه ونسبوها لشليويح العطاوي وهو في غنى عنها.
لاكن حنا في زمن كل يشلخ ويملخ ع كيفه......
اكرر شكري وحياك الله بين اخوانك.

أبو عساف
18-09-2011, 12:28 PM
الله لايهينك ويبيض وجهك

والعلم عطاك اياها محمد الحركان

ننتظر مشاركاتك وابداعاتك

تقبل ودي وتقديري

الظور
18-09-2011, 12:29 PM
ارحب ياسبيعي تراحيب الحيا

اولا نطلب نقل موضوعك لقصص وسوالف من الماضي لاهميتها وتنسيقها وتعديل الابيات التي ساوردها

والثاني فصدقت القصيده لمجدل المسعودي وبيض الله وجهك ياالقرم

والقصه ليست لسياره كما يضن البعض

فقد خطب مجدل عند رجال عنده ثلاث بنات وكان مجدل يبي البنت الوسطانيه وابو البنات يبي يجوزه الكبيره وهو مايبيها والدليل

صبو لي الفنجان لول ولا لـه ذوق=ابي ثاني الفنجال مـن صافـي الدلـة
اقلط على الضيفة وأنا شفي المفهـوق= ابي قسمي اللي راعي البيت يفطن له


وليست لبخوت المريه قد يشتبه على الناس قصيده بخوت يوم تقول

راكب الي لامشاء يزه ازهياني ------------ مايداني رجل سواقه تنوشه

والقصيده كما سمعتها من الشيخ ذعار بن نايف بن عبود



ويامل قلبٍ من الهواجيس فيـة افتـوق=خلـوج ولدهـا عقـب فرقـاه مختلـة

ونا هاضني لعب الحمامة على الغرنوق=على كل غصن ترفع الصـوت وتشلـه

لما شفت طيرٍ يكسر الحوم قمت أتوق=أباري لطير الجو واسير في ضله

أنا لازم آرسّلي كتابٍ مع ماثوق=مع الطارش ابن حمود يصله عبدالله

فيازوع قلبي زوع طير طليق سبـوق=شهر في خضيرا الجو يكفخ ورا ظله

معي دفتر الرخصة وانا ما عرفت اسوق=ولا جيت بشري موتـر مـا ورد كلـه

حدوني على ركب الغمارة وانا ابغي فوق=على مقدم الصنـدوق ولا علـى السلـة

وصبو الفنجان لول ولا لـه ذوق=ابي ثاني الفنجال مـن صافـي الدلـة

اقلط على الضيفة وأنا شفي المفهـوق=ابي قسمي اللي راعي البيت يفطن له

وانا لا تذكرته يهايف بـي الطـاروق=جبرني على الروحات صوبة و انا دله

هني ّ واحد ماهوب عاشق و لا معشوق=ولا يشحنه فرقا و لا البعـد عـن خلـه


بيض الله وجهك ياالسبيعي وسوالف قحطان واجده لكن هذه القصيده غير

تحياتي لك وتقديري

ولد سبيع
18-09-2011, 01:35 PM
ماقمنا الا بالواجب

ماجد بن شارع العاصمي
19-09-2011, 01:02 AM
ارحب ياسبيعي مليار وبيض الله وجهك يابن الغلبا على التوضيح

الكريشاني
19-09-2011, 09:39 AM
تسلم يا ولد سبيع ... شاكرا لك التوضيح ...

ومشرفنا الظور ... كفيت ووفيت

محمد بن مسفر بن جليد
19-09-2011, 01:56 PM
الله لايهينك ويبيض وجهك

والعلم عطاك اياها محمد الحركان

ننتظر مشاركاتك وابداعاتك

تقبل ودي وتقديري

مواطن ابن مواطن
19-09-2011, 10:16 PM
ارحب يا سبيعي

العلم عطوك اياه الربع

ابن قاسم السنحاني
19-09-2011, 10:20 PM
الله لا يهينكم على نقل مثل هذه الروائع و الدرر النادره

رسن بن عبدالله
21-09-2011, 03:09 AM
ارحب ياولد سبيع وسبق ان نزلت لشاعر مجدل موضوع

http://www.qahtaan.com/vb/showthread.php?t=68909

ابن قناد
21-09-2011, 11:22 AM
أرحب أرحب يا ( ولد سبيع ) مرحبا والله ومسهلا بين أخوانك وفي منتداك .

وبيض الله وجهك ورحم الله شيبانك على هالإيضاح الجميل .

وأنا أقول نيابةً عن بني عمي ( عيال الشايب ) كافة ولاني بأطيبهم :

حنا بعد يا ( ولد سبيع ) والله إنه يشرفنا مقاصركم و مخاواتكم .

المناضل السليماني
21-09-2011, 12:44 PM
ارحب يالسبيعي

ويسعدنا انضمامك الى هذا الصرح الشامخ

ومشكور لايراد القصيدة والايضاح

خالد العاصمي
14-02-2012, 03:43 PM
شكرا لك ياولد سبيع وبارك الله فيك

ولاهنت يالظور على التوضيح وتسلم يمينك

سالفة فيها الحكمة وحسن التدبير

وقصيدة جزلة وصح لسان الشاعر

صقر الصقر
21-02-2012, 12:24 PM
بيض الله وجهك ياولد سبيع

أبو عقاب البشري
22-02-2012, 01:29 PM
لاهنت يالسبيعي وبيض الله وجهك

مبارك بن حاضر
24-02-2012, 09:00 AM
ارحب يا ولد سبيع

بيض الله وجهك يالنشمي

على الايضاح و على سرد هذه القصيدة الرائعة للشاعر مجدل ال مسعود


و حياك الله يالغالي في محلك

و يشرفنا تواجدك و مشاركاتك

و الله يحييك


أخوك
مبارك بن حاضر

مشاري بن نملان الحبابي
02-03-2012, 02:38 AM
بيض الله وجهك يا السبيعي على هذه المشاركة الرائعة ..

ورحم الله الشاعر مجدل بن ربيّع المسعودي ..