المساعد الشخصي الرقمي

مشاهدة النسخة كاملة : القحطاني وابن الملوح


ماجد بن شارع العاصمي
13-09-2011, 07:19 PM
قصيدة ارتجاليه


ياللي عقرت القلب ياليتك اركيت

-----------ونحرت قلبن مايدور بدالك

ولاتعذبني وانا تو ماشفيت

----------وعيني تسامر كل ساعه خيالك


ماهوب حقن تفرحين الشماميت

------------وانا عليك ادرى وطمع بوصالك

ماغيرك اللي وسط قلبي تعليت

---------ولاغيري اللي في زمانك صفالك

ياما زعلت اشخاص لجلك ولا ارضيت

--------وسلمت لك قلبن ماغيره سمالك

واليوم اناديلك ولا كنك اوحيت

--------ياناكر العشره وللغدر مالك

طويت صفحة ما مضى عنك واقفيت

------وابعدت جالي عن مكانك وجالك

وقطعت حبل الوصل عنك وسجيت

-------روح مراح مقيط والشين فالك

عيفتني حب العذرا ومليت

---------اخاف اصادف واحدن مثل حالك

انشهد ان الحب زفرة تناهيت

---------قيس الملوح بنشدك وش جرالك

قال الهوى يالعاصمي منه جنيت

------- انحش بعيد وعنه نوخ جمالك

ياما علشانه تعبت وتشقيت

------ وان طعت شوري لا تزيد بسوالك

أبو عساف
13-09-2011, 08:33 PM
ارحب ياماجد تراحيب المطر

الله الله الله

وصح لسانك واعتلا شانك

القلب بعد خضر وهيضتنا جعلك تسلم

لاتحرمنا جديدك جعلك تسلم

تقبل ودي وتقديري

صالح حسن الكيرعاني
16-09-2011, 11:00 PM
ياما زعلت اشخاص لجلك ولا ارضيت

--------وسلمت لك قلبن ماغيره سمالك



ياسلام ياسلام


صح الله لسااااااااااااانك ياشاعرنا المبدع ماجد العاصمي


واقتباسي لايقلل من روعة وجزالة البقيه


ولايبطي جديدك ياكحيلان

ماجد بن شارع العاصمي
20-09-2011, 10:30 PM
ارحب يابو عساف ارحب ولاهنت على مرورك والقلب ماهوب لهناك اخضر

نهاار الحبابي
21-09-2011, 12:12 AM
صح السانك ولاهنت