العيون الناعسه

[وليد سعد]

http://m7ml.com/uploads7/b3040a8c1b.gif (http://m7ml.com/)


خالد بن صالح الزرقان

العيون الناعسه



صادمتني بنـت قـومٍ كنهـا إلأ شيـخ قـوم

فيها من عرق الرجولـه صيرميـه فارسـه



فيها مالقسـوة ملامـح فيهـا للشـدة وسـوم

بـس يـومٍ صادفتنـي كانـهـا مستانـسـه



قلت يابنت السحابه :كيـف حـال أم الغيـوم

روفي بغرس المحبة وإرحمي اللـي غارسـه



قالت:إش لك في غرامي كله أوجـاع وهمـوم

وأسـأل رجـالٍ مـن أول كانهـا متنافسـه



قلت: طيب إسمحي لي أعشقك لو نصف يـوم

ودي أطلق طير عشقٍ مـن زمـان ٍ حابسـه



وأنتي أخترتك لأني ما أقدر اعيـش محـروم

وخافقـي مـل الكآبـه والوجيـه العابـسـه



إيه أنا أخترتك لأني أهتـوي عشـق النجـوم

ويا عسى حضرة جنابـك يابنيـه دارسـه؟؟



قالت: أعرف الإنقليـزي والقواعـد والعلـوم

وأدرس الجغرافـيـا والبـحـر واليابـسـه



وقالت: أحفظ جزء عم وأعرف أرسم لك رسوم

وكـل علـمٍ يالسنافـي أفهمـه وأمـارسـه




قلت:أكيد إن بحياتـك لـك مرامـات وحلـوم

وأنا حلمـي لـو أحقـق ربـع حلـم الآنسـه




قالت: أحلم في حبيبٍ من الطحاطيـح القـروم

لا نخيته يحتمينـي مـن الريـاح القارصـه



وحظي اللي من عرفتـه طايـح وعيّـا يقـوم

ودي ألقى في حياتـي ذيـب يلعـن خامسـه



قلت: عونك ماتضيق إلا على شبـه الرخـوم

أرقـدي دام المشـاعـر بينـنـا متجانـسـه



وأوعدك والله ماأخونك دامي أصلي وأصـوم

ووالله لو تعرض عليـه كـل بكـر وعانسـه



لأعشقك عشـق البـداوة للأصالـة والسلـوم

وعشق طفل لثوب عيـده يـوم تـوه لابسـه



ويعشقك قلبّ تعلـق فيـك يالقلـب الرحـوم

والحواس الخمس وإلا السـت لوبـه سادسـه



ومن نزل في سوق عينك ماأظن إنـه يسـوم

يشتـري رمشـك بدمـه يالعيـون الناعسـه



ولو تقولين : المحبه كلهـا أوجـاع وهمـوم

فيسعـد أم الهـم دامـه منكـم يـا آنسـه!!!!

[محمد بن مسفر بن جليد]

لاهنت وبيض الله وجهك

[فهد السريعي]

شكرا لك يا اخ وليد على هذا النقل

والحقيقه ان الشاعر خالد بن صالح الزرقان من افضل الشعراء عندي شخصيا وارسل له سلامي عندما يقراء هذا الرد وهو من الشعراء الكبار على الرغم من صغر سنه والحقيقه انه هضم اعلاميا لكن يكفيه ان شاعر قوي اتمنى للشاعر خالد التوفيق الدائم

[ابو منصور ال سالم]

صح لسانك ولسانه شاعر جزل

[نايف راكان]

صح لسانك اخوي وليد وبيض الله وجهك ونطمع في المزيد


مشكوووووووور