المساعد الشخصي الرقمي

مشاهدة النسخة كاملة : ان اشهد انه كان قرمً ولد عود ؟؟!!


ذيب العبيدي
08-09-2011, 04:20 PM
ان اشهد انه كان قرمً ولد عود



لصار مانعطي حقوق الخلايق = ونبني مواقفنا على كل مشهود
وناخذ من الغر الفرايد شقايق = اكيد في حق الولي نقصنا زود
ولصار مانفهم جميع الطرايق = ونقول مانعرف ومن دونه نذود
ويعز دون الحق غرس العوايق = اكثر مواقفنا عبث مالها فود
ماني بطربانً ولاني برايق = ولاني مشتاق على نفحت النود
اضحك وقلبي يستعر بالحرايق = وصلف الهبايب صدها كود في كود
من بين لا لايق ومن بين لايق = أخاف لا يلحق على النقد منقود
ياكثر من وقف ورد الوسايق = وياكثر من وقف وهو شبه مفقود
وياكثر من يشبه لورد الحدايق = يزهى به الرونق وهو فقعة اكبود
لكن سما فكري واحب الحقايق = واكره كلام الزور من كل نمرود
واعيش بالواقع ولابغى الوهايق = والشجره الفرعاء ترى ساسها عود
يعني قبل جل الأمور الدقايق = احسب لمصدارك ولو مابه أورود
والصدق بالنيه وحفظ الوثايق = صدر الشموخ وفارقه نايف الطود
والطيب مفتاح القلوب الغلايق = لصادفك شح الليالي .. بها جود
والمجد في عرف الوجيه الطلايق =تنهل مع طيب العطاء كل قرهود
والغبن لرجال قطع العلايق = لا غايب يفقد ولاعنه منشود
والصعب وجه من وراك يتوايق = لا عز لك ماقف ولا شم بارود
وقت الرخاء ذيبً عزومً وشايق = وفي حزة الضيقات ماهو ماجود
واللى ملا قلبي وصار متضايق = مدح النشاما صار ملزوم بقيود
مادام حي مانعد الحقايق = نبغى ولانعطي ولا فيه مردود
وان مات تسمع للهروج الشفايق = انا اشهد انه كان قرمً ولد عود


تحياااتيلكم
العبيدي

أبو صقر
08-09-2011, 10:10 PM
صح لساااااااااااااانك ابا سعيد ومبدع ومميز دائماً
لك مني أجمل تحيه وتقديررررررررررر

ذيب العبيدي
14-09-2011, 11:57 PM
ااااااااااارحب يابو صفر ااااالف
الله لايهينك
اسعدني مرورك وتعليقك


تحيااااتيلك
العبيدي

أبو عساف
15-09-2011, 03:11 AM
ارحب ياذيب

وصح لسانك وبيض الله وجهك

قصيدك وافي وانت وافي ومن ربع وافين

لاتحرمنا جديدك

تقبل ودي وتقديري

رسن بن عبدالله
15-09-2011, 05:40 AM
ذيب العبيدي صح لسانك

محمد بن مسفر بن جليد
15-09-2011, 11:52 AM
ارحب ياذيب

وصح لسانك

ماجد بن شارع العاصمي
15-09-2011, 01:34 PM
ذيب العبيدي

الله لا يضرك عز الله انك شاعر شاعر جزل

يالبى القصيد الزين


قافية ممتعه شاعر يملك من التصوير والذكاء الشعري الشي الكثير

صالح حسن الكيرعاني
17-09-2011, 11:07 PM
صح الله لسااااااااااااانك ياشاعرنا المبدع ذيب العبيدي واعتلى شانك


قصيدة جزله ومليانه وراقت لي كثيراً


ودائماً تفاجئنا بالجزيل


تحياتي لك

ذيب العبيدي
21-09-2011, 07:37 PM
ارحب ياذيب

وصح لسانك وبيض الله وجهك

قصيدك وافي وانت وافي ومن ربع وافين

لاتحرمنا جديدك

تقبل ودي وتقديري



ابك البقاء
لاهنت على المرور المشرف
وصح بدنك بارك الله فيك

تحيااااتيلك
العبيدي

نهاار الحبابي
21-09-2011, 09:41 PM
وناخذ من الغـر الفرايـد شقايـق
اكيد في حـق الولـي نقصنـا زود ]
مبدع ابداع من اجمل ماقراءت نصح
باسلوب راقي صح السانك ولاهنت

محمد غرمان الشهري
10-10-2011, 10:19 AM
صح لسانك