المساعد الشخصي الرقمي

مشاهدة النسخة كاملة : هذه القصيدة مهداه للشيخ / حمود الجهيمي


الخافت
03-09-2011, 05:20 PM
هذه القصيدة مهداه للشيخ / حمود الجهيمي
صنهات سلم لي على راعي الطيب
وقله علومه واصلتنا هنيّا
راع الوفا راع الكرم والمواجيب
اللي بصيته فوق نجم الثريّا
شيخاً جنابه للمراجل معازيب
فالطايف المانوس والا العليّا
ما يلحق حمود الجهيمي عذاريب
راع الجناب الدمث طلق المحيّا
في واجب الأصحاب والا الأجانيب
ما أحدن يسوي بالكرم هالسويّا
شيخاً عداه اللوم والشك والريب
شيخ الكرامه والسطر والحميّا
شيخاً رقا بالمجد روس المراقيب
والمرجله سيطر عليها وعيّا
يوم المراجل تحضر أحيان وتغيب
تصعب على غيره وعنده تهيّا
هندبت لحمود الجهيمي هناديب
ولالي ورى بدع الطواريق شيّا
مدحت شيخاً ما سعى للمكاسيب
عساه يبقى دايم الدوم حيّا
واسلم يابو ماجد وود المكاتيب
وقله علومه واصلتنا هنيّا
الشاعر / سلمان بن حشر بن ناهس العميدي

حسين آل حمدان الفهري
04-09-2011, 01:07 AM
صح لسان الشاعر

والشيخ الجهيمي يستحق الكثير
علم بارز من أعلام الجزيرة العربية
تتناقل الركبان أخباره.

الخافت
23-09-2011, 03:05 PM
شكراً وابوفهد يستاهل اكثر

أبو عقاب البشري
24-09-2011, 03:56 AM
كفوووووو يالجهيمي

ويستاهل النعم ابو فهد

عزيز النفس العبيدي
24-09-2011, 01:06 PM
شكرررا على النقل وأبو فهد غني عن المدح والتعريف ,,, وصح لسان الشاعر

سالم الجوف
21-03-2012, 05:07 AM
يستاهل ابو فهد كل مدح ونعم بقحطان ونعم بخوال الجهيمي ال شقاق من ال حمراء