المساعد الشخصي الرقمي

مشاهدة النسخة كاملة : **العادات**


تراحيب القثامي
12-11-2005, 05:29 AM
كل عام وانتم بخير

هذي المشاركه

من غير نقص فى القبايل

وكل قبيله وفيها حقها من رجالها






يا ناشد عنا ترى حناالاحرار

تبقى فعايلنا على الطيب دومي

حنا كما نجم تعلا بالانظار

وصرنا على نجد المسمى نجومي

عتبان حاربناعلى كل الاقطار

ولاهابنا في الموت ضرب السهومي

عاداتنا للطيب والمجد حظار

حنا هل العادات واهل العزومي

عاداتنا مانجلب العيب والعار

ولانشتري مشرآ شروه الرخومي

عاداتنا من لبسنا لبس الاخيار

لبس الشرف ماهو بلبس الهدومي

عاداتنا للظيف حشمه ومقدار

واله الذبايح علقت كل يومي

دايم مجالسنا على شبه النار

وتلقا على الشبه عيال قرومي

تسوق فنجال من البن وبهار

فنجال يقعد كل راس مخرومي

بين القبايل ذكرنا مابه انكار

طيب الفعايل مالحقها وهومي

باقي القبايل مابها نقص واحقار

كل بها العادات عرف وسلومي

حنا على الدين القوي دمنا حار

عن حد ربي بالفرايض نقومي

والجار له حق علينا ولو جار

ولو كان جاهل مايعرف العلومي

وصى بحق الجار مرسول الاذكار

خير البشر ختم الرسل ومختومي

اختامها صلو على الماحي البار

اعداد ما هلت من الماء غيومي


اخوكم/تراحيب القثامي

محمد الحياني
12-11-2005, 02:48 PM
مشـــــــــكور


اخـــــــــــــوي


تراحيب جعلها ترحب

عبدالله المهداني
13-11-2005, 01:51 AM
صح لسانك

مشهور عبدالله الشهراني
13-11-2005, 08:14 AM
ونعم .................. والله يصح لسااانك يالذيب


وافيه يا وافي

تراحيب القثامي
13-11-2005, 10:02 PM
البقا ..........البقا

يافتى الجوه

تراحيب القثامي
13-11-2005, 10:04 PM
صح بدنك


ياعبدالله

الف شكر

تراحيب القثامي
13-11-2005, 10:11 PM
ماعليك زود يامشهور

صح بدنك يالقرم


والوفاء في مرورك وتشريفك