المساعد الشخصي الرقمي

مشاهدة النسخة كاملة : ياعبيد ..ياصبري على ..جور... دنياي


خالد آل مطرف العاطفي
06-11-2004, 12:14 PM
بسم الله الرحمن الرحيم



وهذه احدى روائع الشاعر ابو عبيد التي يخاطب بها ابنه عبيد :


ياعبيد لاتسأل عن اسباب بلواي = اخاف لا يلحقك منها مضره
انكان لك ممشى غدا مثل ممشاي = فعزي لعينك من طريق ٍ تمره
ياعبيد ياصبري على جور دنياي= عساك منها ماتشوف المضره
هذا زمان ٍ فيه كم تاهت ارياي= يعطيك من خيره ويكفيك شره
خان الرفيق اللي عرف سر مخباي= ربع الرخا ياعبيد وقت المسره
تعبت قدم رجلي وانا رايح ٍ جاي= اسير وابحث عن طريق المسره
واليوم يامشكاي ياكفو رجواي = خطر ٍ على جيبي من الغيظ اطره
شف سيرتي يركض بها كل حكاي= خبل ٍ وجيبه فاغر مايزره
حاول تساعدني على شرح دعواي =للصاحب اللي لا لقاني تشره
فنكان نفعك ماحصلي بدنياي= في الآخره كل ذنوبه تجره
واليوم لاتسأل عن اسباب بلواي= اخاف لايلحقك منها مضره

الشاعر / سعد محمد العبيدي (ابوعبيد )

وتقبلو تحياتي
اخوكم
خالد

ابن شويه
06-11-2004, 02:17 PM
تعبت قدم رجلي وانا رايح ٍ جـاي @@ اسير وابحث عن طريق المسـره

صح الله لسان ابو عبيد

عز الله ان قصايدة جزلة وتزيل الهموم

الله لايهينك ياخالد وكثر منها

محمد بن شديد
08-11-2004, 11:38 PM
الله لا يهينك يبو مبارك وقصيد ابو عبيد معروف وله بصمته

الخاصه وتعرف قصيدته عن سماعها لو كان ماهوب ملقيها تقبل التحيه

عاشق الوطن
09-11-2004, 02:27 AM
انكان لك ممشى غدا مثل ممشـاي فعزي لعينك من طريـق ٍ تمـره
ياعبيد ياصبري على جور دنيـاي عساك منها ماتشـوف المضـره

صح لسان ابو عبيد
وصح لسان منهو نقلها
الله ياخلد الاتعتقد معي ات هذا الشاعر مر بطرق وعره
اخواني ياخواني كل واحد يتلمس وش رجله تمشي عليه
هذه القصيده فيضة محبرة مدامعي وحركة يراعي ومدادي
ومديت يدي الى السماء ادعو له من كل قلبي
وسوف ادعو لك وله في تهجدي بعد قليل قي لحضه روحانيه
اهناأ بها مع خالقي اتمنى من الله القبول

سعيد المهداني
09-11-2004, 05:58 AM
صح الله لسان ابو عبيد

عز الله ان قصايدة جزلة وتزيل الهموم

الله لايهينك ياخالد وكثر منها

أخوك
سعيد المهداني

خالد آل مطرف العاطفي
09-11-2004, 06:51 AM
الأخوان الأعزاء

ابن شويه
صح بدنك ..ومشكور على مرورك وابشر انشاء الله فيه قصايد جديده بتنزل لأبو عبيد ..

.................................................. .................................................. ...................................

ابو شديد
صدقت والله عز الله ان قصيده مميز من بين القصايد ومشكور على مرورك الطيب

.................................................. .................................................. .....................
عاشق الوطن
عزالله انك تعرف ابوعبيد عز المعرفه وفعلآ الرجل مر بطرق وعره لذلك نلاحظ انه يوصي ابنه بأخذ الحيطه والحذر من الدنيا الله يكفينا شرها ..وادعو الله ان يتقبل منا ومنك انه سميع مجيب ..ووفقك الله ياعاشق الوطن وجزاك الله خير الجزاء
.................................................. .................................................. ................................
سعيد المهداني
صح بدنك وتسلم والله يابن ماهد واشكرك على مرورك ..
اخوكم
خالد

عبيدي الدمام/ابوزياد
15-11-2004, 01:16 AM
هلابك اخي : خالد ..
اشكرك على هذه القصيده الغاليه لدى الشاعر الكبير (( ابوعبيد )) في ابنه (( عبيد ))
وصح لسان شاعرنا (( ابوعبيد )) وسلمت يمينك يالغالي (( خالد )) وصح لسان الجميع ..

خالد آل مطرف العاطفي
15-11-2004, 06:10 PM
ابوزياد صح بدنك والله لايهينك على المرور الطيب
ويكفينا والله يابوزياد منك جهودك الكبيرة ومشاركاتك المميزه في المجلس الأسلامي ..وعافاك الله ياابوزياد ..

اخوك
اللي

الصقري
16-11-2004, 12:17 AM
أخوي خالد 000 بيض الله وجهك ووجه الشاعر أبو عبيد
أنا أشهد أنها من أطيب القصايد -سهلة وسلسة وواضحة المعنى والهدف- على الرغم من أنها بالنسبة ليّ من أوائل ما قراءته لهذا الشاعر الكفء 00 شرواك وشروى الأخوان.

مشكور مشكور وما قصرت يا أبو وليد على إيرادها.

أخوك :

الوعيلي
24-11-2004, 06:51 PM
صح لسان ابوعبيد
انا اشهد انه شاعر حقيقي ومعروف له بصمته الخاصه ..

لاهنت يا خالد لاهنت .. وبيض الله وجهك ...ولاتخلينا من قصايد ابوعبيد ..

اخوك
الوعيلي