أبشرك الرجال حامل

[حسين آل حمدان الفهري]

أبشرك الرجال حامل!!!!

....
الرجال معك؟
جبت الرجال؟
الرجال حفظ المعاملة.

الرجال الأول = مسدس.
الرجال الثاني= ألف ريال.
الرجال الثالث= أمير المنطقة.
وهناك الكثير من الأمثلة.

لا أدري إلى متى سنستمر في التورية الغير منطقية.

قصة:
استمر رجل سنوات طويلة في متابعة علاج زوجته من أنسداد في أحد قنوات الحمل ، وفي يوم من الأيام سأله صديقه في مجلس عام قائلاً:
بشر إيش صار على الرجال؟
فكان الجواب الصاعقة:
أبشرك الرجال حامل.

والأخ قالط ذكرني بسالفة المصري عندما سمع السعودي يقول: اذبح الرجال
ولا شلوه إلا على نقاله ، مايدري المسكين ان الخروف هو الرجال.



دمتم ودام الرجال

[ابن دغيّم]

اي والله انك صدقت ياخوي حسين

واللي يقهرك بعد هذول الاثنين لاجوك يقولون وش صار على الرجال

وانت جالس بينهم ما تدري وش السالفه تحس انهم يسولفون فيك

[ماجد الخليفي]

ههههههههه

الرجال من تراث المنطقة الوسطى ....

جت فترة في المنطقة الشرقية يسمونها بقعة الزيت ....

والله مسكينة

[سعد بن صالح البشري]

صدقت أخي حسين في عاداتنا أشياء غريبة وعجيبة منها ما جاء في موضوعك الجميل هذا
فعلاً فيه بعض ناس يعفسون المواضيع عفس بدون مبرر.

لاهنت يالطيب.

[سيف عبيدة]

ههههههههههههههههههههههههههه؟؟؟


الرجال باقي يسيّر؟؟؟


هههه الله يستر عليك...

[آل معمر]

صحيح كلامنا كله ألغاز

ولكن في الأخير مكشوف

[حسين آل حمدان الفهري]

اي والله انك صدقت ياخوي حسين

واللي يقهرك بعد هذول الاثنين لاجوك يقولون وش صار على الرجال

وانت جالس بينهم ما تدري وش السالفه تحس انهم يسولفون فيك


ابن دغيم
فعلا ... هذا اللي حاصل.

اشكرك

[جباري]

مرحبتين يا ابو حمدان

فكرة الموضوع جميلة ولكن في رأئي إنه يجب أن لا ننسى إن هذه الطريقة في الكلام موجودة في أكثر من مكان لكن بأشكال مختلفة.

وشكراً.

[منصور العبدالله]

الله يسعدك يابو ياسر

سالفه الباكستاني

اشتغل عشرين سنه في السعوديه وسافر لأهله

قال تعرف السعوديه زين وفاهمها


وقال ايوة الا الرجال


مره يطلع سياره ومره خروف ومره فلوس ومره حرمه


توريه غير طبيعيه


رايق يابو ياسر

يسعدك ربي يالغالي

[حسين آل حمدان الفهري]

ههههههههه

الرجال من تراث المنطقة الوسطى ....

جت فترة في المنطقة الشرقية يسمونها بقعة الزيت ....

والله مسكينة

شلون يابو عصام

يعني في الشرقيه اقدر اقول: بقعة الزيت معك!!!؟؟
أو : وين بقة الزيت؟
أو : ابشرك بقة الزيت حامل!!

[حسين آل حمدان الفهري]

صدقت أخي حسين في عاداتنا أشياء غريبة وعجيبة منها ما جاء في موضوعك الجميل هذا
فعلاً فيه بعض ناس يعفسون المواضيع عفس بدون مبرر.

لاهنت يالطيب.

فعلا

مع ان فيه اشياء مافيه داعي التكتم عليها.

اشكرك يابو صلوح

[حسين آل حمدان الفهري]

ههههههههههههههههههههههههههه؟؟؟


الرجال باقي يسيّر؟؟؟


هههه الله يستر عليك...


ومن يقول

سرني مرورك وسؤالك عن الرجال

[ماجد الخليفي]

شلون يابو عصام

يعني في الشرقيه اقدر اقول: بقعة الزيت معك!!!؟؟
أو : وين بقة الزيت؟
أو : ابشرك بقة الزيت حامل!!


بقعة الزيت ... اشارة الى تسرب بترول الكويت الذي وصل شواطي الجبيل خلال حرب الخليج

[عبدالله آل عباد]

أحيان لا يتم تورية الموضوع لأنه ذا طابع سري

ولاكن يتم توريته خوفاً من الحسد في ثقافة البعض

أو لأنه يحمل شيئاً من الخصوصية و لا يرغب في مشاركته مع الجميع

أو لأسباب كثيرة

[مشاري بن نملان الحبابي]

يا حب أهل الجنوب لـ التورية

أبو ياسر : فيه كلمة مشهورة تستخدم لعدة أغراض وهي (القعود) ؟

[حسين آل حمدان الفهري]

صحيح كلامنا كله ألغاز

ولكن في الأخير مكشوف

صحيح

لأنها كلمات اصبحت معروفة عند الجميع
اشكرك

[حسين آل حمدان الفهري]

مرحبتين يا ابو حمدان

فكرة الموضوع جميلة ولكن في رأئي إنه يجب أن لا ننسى إن هذه الطريقة في الكلام موجودة في أكثر من مكان لكن بأشكال مختلفة.

وشكراً.

نعم
موجوده في كل مكان
وانا لم احدد منطقة معينة
الكلام عام

[أبو محمد ابن الشايب]

.



ونعم يابو ياسر




الله يسعد أيامك ويطيب فالك ياغالي .




فيه سالفة ما أعرف قصتها بالظبط وهي مشهورة إذا تعرفها .؟.؟.



اللي يقول ... رحت له وما عينته وجبته ... مدري عينته وخليته ..


إذا تعرفها أوردها .


وهي قصة واحد أرسل واحد على واحد ...



الرجال يقول لك إن الرجال اللي أرسلته عليه عند الرجال اللي ندور عليه .



الكلمات كثيرة في مثل هذا ..... فلان .. واحد ... بعضهم ...

وكلها بأسباب الخوف من أخوها جا .....




الله يجمل حالك ياخوي حسين وتسلم لاهنت .





لك كل الود .






تقبل تقديري وحكاي والسلام




.

[محمد بن مسفر بن جليد]

الله يسعدك يابو ياسر

ويبيض وجهك ديمن علومك طيبه