المساعد الشخصي الرقمي

مشاهدة النسخة كاملة : من فرسان الجزيرة

مهدي القحطاني
10-11-2005, 03:41 PM
أرجوا من الجميع

من لديه سالفة سعدون العواجي وعياله عقاب و حجاب أن يعطينا اياها

ولكم جزيل الشكر
محمد الحياني
10-11-2005, 04:01 PM
هلا اخوي مهدي



نرجوا من لديه المعرفة ان يوضح لنا سوالف الفرسان اعلاه
النايب له ولد
10-11-2005, 07:50 PM
شف كتاب ابطال من الصحراء

او استخدم احد محركات البحث مثل قوقول
مهدي القحطاني
11-11-2005, 11:43 AM
شف كتاب ابطال من الصحراء

او استخدم احد محركات البحث مثل قوقول

اخي العزيز انا قلت اللي عنده السالفه يجيبها

ما قلت وين أحصل السالفه يا(النايب له ولد)

عندك علم... أكتبه

واذا ماعندك سالفه فخل غيرك يكفيك

وجزاك الله خيراً
ابن شطفان
12-11-2005, 01:19 PM
السلام عليكم ورحمة الله وبركاته ....

أخوي مهدي ....

اللي أعرفه عن سعدون العواجي انه سبيعي ... و كان شاعر و فارس و شيخ ربعه ... و له ولدان هما عقاب و حجاب و راحوا و عاشوا عند خوالهم و عرفوا بالشجاعة و الفروسية .. و في يوم من الأيام قام واحد من جماعتهم اسمه شامخ و استغل غياب عوال سعدون و أخذ الشيخة من ابوهم بالقوة و تأييد ناس من جماعتهم ... فأرسل سعدون قصيدة لأولاده ينخاهم و يستنجد بهم ... و فعلا فزعوا لابوهم و رجعوا له الشيخة بالقوة كما أخذت منه ....

بعدها بفترة قال سعدون لعياله أبغاكم تغزون على شمّر في مكان اسمه (بيضاء نثيل) و قد كانت بيضا نثيل لسبيع و خذوها منهم شمر ... و غزو على شمر و ما قدروا يسترجعونها حيث انتصروا شمر ... و مات عقاب و حجاب على يد شيخ شمر ... و كان لعقاب ولد اسمه جار الله و حجاب عنده ولد اسمه علي ... مرت السنين و كبروا أحفاد سعدون ... وقد رباهم جدهم على الشجاعة و الفروسية ...

المهم قال الشايب قصيدة لعيال عياله يزهمهم علشان ياخذون ثار اباءهم حيث انه كبر و ما عاد يقدر يغزي ... فردوا الثنين عليه بقصيدتين يعاهدونه انهم ياخذون ثار أباءهم .. فأعجبت الشايب قصيدة جارالله ولد عقاب فقال له خذ الفرس حقتي و رح لشمّر ... و فعلا راح لشمر و اخذ ثار ابوه و عمه حيث قتل شيخ شمر ... أما علي فقد حزن و زعل لأن جده عطى جار الله الخيل ... و مات بعدها بفتره من الحزن ...


هذا اللي أعرفه عن قصة سعدون و عياله .... و الله أعلم



أخـــــ ابن شطفان ــــوك
مهدي القحطاني
12-11-2005, 03:29 PM
لاهنت وبيض الله وجهك يابن شطفان

بس هم عنوز ولا سبعان؟
إبن الأروق
12-11-2005, 05:29 PM
عنوز وليسوا عتبان
ابن شطفان
13-11-2005, 12:41 PM
آآآآآآآسف و المعذرة على الخطأ ...

و مثل ما قال أخوي ابن الأروق عنوز و ليسوا سبعان ...





أخــــ ابن شطفان ــــوكم
النايب له ولد
13-11-2005, 01:10 PM
آآآآآآآسف و المعذرة على الخطأ ...

و مثل ما قال أخوي ابن الأروق عنوز و ليسوا سبعان ...





أخــــ ابن شطفان ــــوكم


لا تغير كلامك يابن شطفان تراه صح

هم سبعان(السبعه) ويعودون في عنزة.

والسبعة احد فروع عنزه.
النايب له ولد
13-11-2005, 01:16 PM
اخي العزيز انا قلت اللي عنده السالفه يجيبها

ما قلت وين أحصل السالفه يا(النايب له ولد)

عندك علم... أكتبه

واذا ماعندك سالفه فخل غيرك يكفيك

وجزاك الله خيراً


هههههههههههههههههههههههه
كي كي كي كي كي

اقسم بالله انك صدقتك
لو ان عندي سالفه ما شفتني هنيا.

على فكره هل تعرف تستخدم محركات البحث
من جد والله
لا تحسب كلامي انتقاص من حقك
بس استخدام محركات البحث عمليه مفيده ومجديه وسريعه لمعرفة النتائج
فقط ادخل اسم سعدون العواجي بين قوسين"......." وشف النتائج
وادع لي بالصلاح والمغفرة.
ب
وبعدين تراك بتلقى مواضيع بالآلآف
لا تجي كل يوم وتنزل موضوع منقول ونجلس نردد وراك ما قصرت وبيض الله وجهك.
لا تجي الا بشي ما بعد نشر
تسلم ياوجه شبكة قحطان.


واشكرك على سعة صدرك
مهدي القحطاني
13-11-2005, 05:25 PM
هههههههههههههههههههههههه
كي كي كي كي كي

اقسم بالله انك صدقتك
لو ان عندي سالفه ما شفتني هنيا.


لا تجي كل يوم وتنزل موضوع منقول ونجلس نردد وراك ما قصرت وبيض الله وجهك.
لا تجي الا بشي ما بعد نشر
تسلم ياوجه شبكة قحطان.


واشكرك على سعة صدرك

مشكور يا وجه قحطان

بس كلمة لا تجي كل يوم وتنزل موضوع فترا ماني جاي في بيت أبوك يالنشمي، وأكتب اللى أبغا بدون ما أتعارض مع سياسة المنتدي

ولاهو بنت اللي تركز لي البيضا يا بطل

على العموم ألف شكراً وما قصرت
النايب له ولد
13-11-2005, 08:36 PM
مشكور يا وجه قحطان

بس كلمة لا تجي كل يوم وتنزل موضوع فترا ماني جاي في بيت أبوك يالنشمي، وأكتب اللى أبغا بدون ما أتعارض مع سياسة المنتدي

ولاهو بنت اللي تركز لي البيضا يا بطل

على العموم ألف شكراً وما قصرت


لا بالله مانت بجاي في بيت ابوي

لو انك جاي بيت ابوي وذا علمك خذيتك بعجرا

بس انت جاي في بيت عوال الشايب
والله الله شد حيلك كل يوم نزل عشر مواضيع

وكل شي يهون
ما دامك تقول اني بطل
فكل ما سبق طفق
ودمت لاهلك سالماً

وشرايك تمر على آل معمر في مجلس سعة الصدر
وتروق شوي
قل تم
لا تقول بعد ماني باعلمك وين المجلس اللي تروح له ترى الدعوى ما تستاهل
إبن الأروق
13-11-2005, 09:43 PM
اذكروا الله
النايب له ولد
13-11-2005, 09:58 PM
تم
لا اله الا الله
أبو زيد
14-11-2005, 12:58 AM
من له عادة ما يخليها
ابليس ملعون
17-11-2005, 01:23 AM
من له عادة ما يخليها


اشهد لله
الكايف
21-11-2005, 10:04 PM
ياأخواني سعدون العواجي عنزي اكيد

وليس سبيعي..
النايب له ولد
06-12-2005, 09:13 PM
ياأخواني سعدون العواجي عنزي اكيد

وليس سبيعي..


اخوي الكايف
راجع ردي رقم 9
في نفس الموضوع
لو تكرمت.