جماهير النصر ماذا تقول للرئيس كحيلان بعد العودة...

[صالح بن ناعمه]

نقل عن منتدى جماهير النصر





يا هلا ياهلا ياهلا ... اسفرت وانورت ... تو ما تبارك المكان ... وش هالزين وش هالزين ...
بسم الله عليك خسيت ونقص وزنك ( ومن يقول ان الرئيس مو ناقص وزن فهو ناقص عقل ) ...
ولا اله الا الله ... ولا اله الله ... وعلى الرئيس اسم الله ... وعلى الرئيس اسم الله
الف الصلاة والسلام عليك يا حبيب الله محمد لولولولولولولولولووووو


__________________________________________
__________________________________________

لو علمت الدار بمن زارها فرحت / واستبشرت ثم باست موضع القدم
وانشدت بلسان الحال قائلة / اهلا وسهلا باهل الجود والكرم

انورت بقدومك الدار يا غالي وأسفرت من عقب ماعاد غايبها
طالت الفرقا عليه وانشغل بالي غربتك يا زين باليوم حاسبها
يوم طولت السفر زاد غربالي ما تعيش النفس من غير صاحبها
احسبنى عنك يا صاحبي سالي شف دموع العين ماوقف ساكبها
الله أكبر كيف حبك برا حالى وانت عندك مهجت الروح سالبها
انا اشهد ان الحب لروح قتالى كانها عجزت تحصل مطالبها
ما يفيد الحب الاول مع التالي ذاك راح وذا لها الروح نقلبها

__________________________________________
__________________________________________

يا هلا والله ... يا مرحبا ... صدقني يا فيصل بن تركي اني قمت افحط بالكرسيدا حقتي تفحيط مافحطه ابو زقم ولا الدنه الله يرحمه ... يا شيخ قطعت ام ام الكفرات ونا انطل يمين ويسار يمين ويسار كاني محمد الراشد يوم سحب الكوره من العنزي ... من جد ماني مصدقني انك جيت ... عاد قمت اسال نفسي ( باعتباري صديق نفسي ) واقول يا ولد صدق الرئيس رجع ؟ قمت رديت على نفسي وقلت اي وقسم تو الوليد ارسل رساله يقول ان الرئيس رجع عاد رديت على نفسي وقلت اشوى دام الوليد ارسل فاكيد ان الخبر صدق لان الوليد معاه الريموت

على فكره يا فيصل بن تركي ... ترى بعض الجمهور سحب لقب كحيلان منك ... ترى هالجمهور ما ادري وش فيه وقاموا يقولون انك خذيـــلان عشان خذلتهم ... اي خذلان يتكلمون عنه ؟ يحمدون ربهم جايب لهم مكين وبتري ورزفان وفيقا والمطوع وحسين والعنزي وراضي والزيلعي والقرني والسهلاوي ( رغم انهم ما اخذوا فلوسهم !!)
مدري وش فيهم هالجمهور معصبين؟ وخير يا طير يعني؟ وش فيها لو انهزمنا من الاتفاق 3؟ او انصكينا من ذوب اهان 4؟ او مردغنا الاتحاد 5؟
المشكله اننا قد انهزمنا من الوحده على ارضناوالهلال برضو والشباب اخذنا رايح جاي وما ازعلوا ... يعني حبكت يزعلون وقولون سموك تعبان؟ هذولا ما يقدرون ؟
و بمواسم سابقه وبحضورك اكلنا من الاهلي 3 وانصكينا من الهلال بخمسه وقد هزأنا نادي ابها ذهاب واياب ( يوم قلتوا لباوزا انهزم ما نبي نتاهل لاسيا ونتوهق ) ولا احد زعل ... اش معنى الحين ازعلوا؟ اكيد هالجمهور ممدوح معطيهم فلوس وعمران بعد مشرهـ كل جمهور النصر... ومصلح اسنان اللي سنونه خربانه ... ايه بالله ... لزوم نبلغ الشيخ بالسالفه !!

يا طويل العمر جمهور النصر غريب ... المفروض الحين يمسكون الطبول ويفونها يمين ويسار يمين ويسار ويرحبون ويرقصون ويقولون اربع سناوين مو يسحبون لقب كحيلان ... ما عليك منهم وابشر بلقب جديد بندبره لك من اتحاد الشغالات ولا يصير خاطرك الا طيب

واقلك شي ... لا يهمك كلام ماجد عبدالله ... تراه ممدووووووحي ويحب الشكشوكه ... اتركك منه بس ... اصلا ماجد مفلس ... وش تاريخ ماجد اصلا؟ كلها 14 دقيقه لعبها قدام الهلال وجاب فيها هدف وصج امنا ... معقوله نصدق ماجد انك لهفت فلوس اعتزاله؟ لا تصدق بس ... اصلا انا من عقب تصريحه قاعد افكر بجديه اغير اسمي من ماجد الى فيصل ( ولا تنسى طال عمرك تشره الوالد )

هيه يا ابو تركي ... باعلمك بشي ... ترى القريني هذيك المره بدل ما يرجع من المسجد للبيت راح يشتري لولده طقم الهلال لزوم التمرين تعرف ولده مسجل بالهلال ... فحبيت اعلمك عشان لا تخليه يستمر الموسم القادم ... كيف مدير كره يسوي كذا؟ يعني بدل ما يرجع البيت يروح السوق؟ هذا ما ينفع مدير كره ابدا ابدا

ايه تذكرت ... ترى جمال تونسي منسدح بالمستشفى عشان خسر فلوسه بالاسهم ... لا تصدق اي كلام يقول انه منسدح بالمستشفى عشان انه انحرق على فريقه ... تراها شائعات ... والفيديو اللي شفته وهو يبكي بحرقه لتعرض فريقه للظلم تراه مفبرك يا طويل العمر يعني لا تصدق بس




وعلى طاري هالصوره يا ابو تركي ... ترى المشجع اللي قالوا ان اسمه فيقو ال مقبول ما كان يبكي ابد ... هذا سلمك الله قاعد يمثل مع الفنان النصراوي فهد العمراللي بسكتم بكتم يعني المقطع من مسلسل والقناه الرياضيه فبركتها ... حسبي الله عليهم بس


نسيت ما اقول لك ... ترى في واحد بخيييييييييل بخيل بالحيل يقولون انه بغا يسجن مشجع نصراوي عشان قال روحوا للنادي وطالبوا برد كرامة النصر ... تكفى يبو تركي الله يوفقك قول للبخيل لا يسجن المشجع ترى هالمشجع ماله لا قبيله تدافع عنه ولا له اي احد ياخذ حقه لو تعرض لاي شي ... وترى هالمشجع خااااااااايف وركبه تصكصك ببعض ...

المهم خلنا نشوفك بالله ... ولا تقطعنا الله يحييك ... تراك من يوم رحت وصدورنا ضااايقه بالحيل ... الله يسامح وزارة الصحه اللي ما فتحت مستشفى لعلاج القولون رغم ان هالوزاره قاعده تعالج التونسي من الجلطه الحين ...

الا على فكره يبو تركي ... اسال السسترات اللي عالجوك عندهم بالمستشفى علاج للتبلد الحسي؟ ترى جمهور النصر صار متبلد من كثر الهزايم ... الله لا يهينك يبو تركي ... بنكلف عليك ... واذا عندهم علاج كلم ابو بدر يرسل لنا رقمهم عن طريق جوال النادي ... الله لا يهينك

قبل ما انسى ... نبيك تضحكنا شوي ونت مع تركي العجمه ... الله يرج سموك يا عليك طلعات تسدحنا من الضحك ... لا تنسانا بالله من طلعاتك والله من زمان عن الضحك يبو تركي ... وحاول انت بعد ما تضحك كثير عشان مع الضحك ممكن تتحرك ويتعب قولونك مره ثانيه وتطقها من جديد لامريكا ...

الا ما قلت لي ... وش اخبار الهكر؟
ولا اقلك ... خلاص خلاص باسال السلهام هو يعرف ...بامان الله ...