الـقـرقـاح يـفـجـر قـنـبـلـة الـمـوسـم فـي مـهـرجـان عـسـيـر

[ابو سلطان العبيدي]

فـي مـهـرجـان صــيف أبـهـا بـحـضـور

صـاحـب الـسـمـو الـمــلـكـي الامـيـر خـالـد الـفـيـصـل

وصـاحـب الـسـمـو الـمـلــكـي الامــيـر فـيـصـل بـن خـالـد

وعـدد مـن اصـاحـب الـسـمـو أثـار الـقـرقـاح عـاصـفـة

مـن الـهـتـافـات فـي قـصـيـدة رائـعـة إثـارت حـمـاس وتـفـاعـل

أصـحـاب الـسـمـو والـجـمـهـور الـلــذي تـجـاوز 5000 شـخـص


http://qahtan.net/download/do.php?img=3384


http://qahtan.net/download/do.php?img=3385


اسـبـوع والفكر متـشـتـت ومـتـرامـي
كـنـي مـغـيـب عـن الدنـيا وأنـا فـيـها

وجهي عن وجيه أحب الناس متعامي
مـغـيـر أسـرح هـواجـيـسـي وأضـويـها

الحـاجـه اللـي وراها تـتـعـب أقـدامـي
أشـوفـهـا وأتـعـداهـا وأنـا ابـيـهــا

مـحـمـل لـي بـحـمـل لـيـن عـظـامـي
والـنـار مـاتـحـرق إلا رجـل واطـيـهـا

ركـاب فـكـري الـيـا أضـحـت مـثـلـي حـيـامـي
وأنـا عـلـى الـمـارد الـصـافـي مـضـريـهـا

لا آكـل ولا اشـرب ولا اسـولـف ولا انـامـي
لـيـن أدري إنـي عـطـيـت الـقـوس بـاريـهـا

الــيــوم مـتـمـيـز عـن كـل الايـامــي
حـتـى لـيـالـيـه مـاتـشـبـه لـيـالـيـهـا

فـي روضـة الـمـا يـمـانـي والـهـوا شـامـي
والـغـالـيـه بـيـن مـغـلـيـهـا ومـغـلـيـهـا

لـو أن يـوم الـسـعـد لـو حـل مـادامـي
تـمـر سـاعـاتـه أسـبـق مـن ثـوانـيـهـا

فـوق الـشـوامـخ تـرفـرف خـضـر الاعـلامـي
حـاكـم عـسـير أكـد الـفـرحـة لـهـالـيـهـا

حـتـى الـجـبـال اسـتـجـابـت لـلـنداء الـسـامـي
كـن دايـم الـسـيـف يـدعـيـهـا بـسـامـيـهـا

قـامـت مـقـام امـتـثـال الامـر الالـزامـي
و أومت لـوجـه الـسـحـاب وطـاح في يـديـها

فـيـصـل بـخـالـد ضـمـن تـحـقـيـق الاحـلامـي
وخـالـد بـفـيـصـل عـطـى الـخـوه مـعـانـيـهـا

فـيـصـل هـو مـورد الـجـمـه عـلـى الـضـامـي
قـطع ظـمـا الـكـبـد مـاقـطـع عـراويـهـا

وخـالـد هـو الـفـكـر وهـو الـرمـز الإعـلامـي
لـعـيـونـه الـمـنطـقـه عـن بـكـرة أبـيـهـا

غـنـت بـصـوت تـشـبـع شـوق وهـيـامـي
قــوافــي كــان أبــو نــورة يــغــنيــهــا

( الــــيـا صـفـالك زمـــانـك عــل يـاضــامــي
اشـرب قـبـل لا يـحـوس الـطـيـن صـافـيـهـا )

مـن خـوف يـفـتـح دروب الـلـوم لـوامـي
والا يـقـولـونـ حــامــيـهــا حـرامـيـهــا

الـديـن مـاهـو بـلـبـس الـزي الاسـلامـي
ودقــن مـقـصـــر شـواربـهـــا يـربـيـهـــا

بـعـض الـلـحـى مـا وراها غـيـر الاثـامـي
الـلـه مـن شـرور مـعـفـيـهـا يـعـافـيـهـا

لـو إن لـهـا روح مـثـل أرواح لـجـسـامـي
تـفـلـتـت وهـربـت مـن وجـه راعـيـهـــــا

الـديـن صـدق إعـتـقـاد وخـلـق واحـكـامـي
تـزكـو بــه الـلــي عـمـلـهــــا ما يـزكــيــهــــا

الـــنــيــة أمــا تــطــور عــالــم نـامـــي
والا تــهــدم الــمــبـانــي فــوق بـانـيـهـا

دعـم أبـو خـالـد دفـاع صـلـب ومـحـامـي
عـن مـعـضـلات الـسـنـيـن وعـن بـلاويـهـا

وشـعـر أبـو بـنـدر وفـنـه مـصـدر إلـهـامـي
أمـطـر خـيـال الـهـجـوس وسـال واديـهــا

يـا مـرحـبـا عـــد مـا خــاون الأ نــســامــي
طـهـم تـجـوب الـفـضـاء تـحـت أمـر والـيـهـا

فـي ظـلالـهـا تـبـرد أرض قـيـضـهـا حـامـي
الـيـا أرخـت الـلـي تـثـنـى فـي مـثـانـيـهـا

بـرغـم كـثـر الـحـروف وكــثــر الارقــامـــي
مـا عـاد يــمــديــنــي ولا عـاد يـمـديـهـــا

يـكـفـي فـخـر شـوفـت آل سـعـود قـدامـي
فـــي وقـفـه تـوقـظ الــهــمــه وتـحـيـيـهـــا

بـلادي وديــنــي وربــعــي وحـكــامـي
أحــب مـن حــبــهــا وافـخـر بـطـاريـهـا

بـيـعـة ولاة الأمــر مـاهـي بـتـنـسـامـي
لا والـلـه انـبـيـع بـايـعـهـــا ونـشـريـهـــا

روس مـا تـرتـاع مـن رمــي بـلا رامــي
لـغـيـر ربـي تـعـالـى مـا نــوطــيــهــا

قـولـوا لصـقـر الـعـروبه عـوق الاخـصامـي
الـلـي غـرس بـذره الاحـسـان يـجـنـيـهـــا

كـم حـاكــم مـايـمـارس غـيـر الاجـرامـــي
وجــوده مـضـايـق ربـعــه ومـعـمـيـهـا

بـشـعـبـه سـواتـه أبـشـع مــن تـسـونـامـي
حـتـى شـارون الــيــهــودي مـا يـسـويـهـــا

أمـا بـلاد أبـو مـتـعـب بـأمـن وانـعـامـي
عـز الـلـه أنـه عـلـى نـفـسـه مـبـديـهـا

مـايـرقـد وفـي الـسـعـوديـيـن مـنـضـامـي
شـعـبـه عـيـالـه ومـا يـعـنـيـه يـعـنـيـهــا

لـو يـنـطـق لـسـان حـال دمـوع الايـتـامـي
بـيـقـول لــه جـمـلـه مـا هــو بـثـانـيـهـــا

الـحـاكـم احـمـى الـرعـيـه والـلـه الـحـامـي
ورعــيــتــك بـيـض الـلـه وجـــه راعـيـهــا

[حكيم الشور]

لاخلا ولاعدم بيض الله وجهك يابوسلطان

والقرقاح فخر وعز وناموس ومجملنا دائما

[محمدبن عبيان الفهري]

اررررررررررحب يابو سلطان

صح اللسان ابو محمد وهو دايم معودنا على الظهور

المشرف اللي يرفع روسنا دايم ولا هو غريبه منه

وجعل يمناك ماتجيها الجباره وبيض الله وجهك

تقبل فائق تحياتي

[سعد الشواطي]

مرحبا مليار يابو سلطان

صح لسان القرقاح

وبيض الله وجهك على هذا النقل الاكثر من رائع ..

دمت لنا

[@ابوريان@]

أرحب يابو سلطان

دايم متميز جداااا في نقلك للحدث

والدكتور شالح ال سفران يبلغك السلام الكثير وقال لي ابي اشكر ابو سلطان العبيدي قلت له اوصل له سلامك

الف شكر

[فلاح آل راكان]

جعل يمنآك ماتعطب يا الشلي ..

صح الله السان ابو محمد مدد بلا عدد ..

تقبل مروري

[ناصر بن هذال ال شري]

أشهد انه بدع ابو محمد .
والامراء تفاعلوا مع القصيده وبعض الابيات اللي فيها ابو نوره .
وللاسف كان هناك عيب في ان المنبر بعيد فما يوصل الشاعر الا نفسه منقطع !!

[أبو عساف]

ارحب يابو سلطان

وعادتك الجديد والمميز

وصح لسان ابو محمد وتبي الحقيقه عوضنا في انقطاعه

هذا الصيف عن المحاورات بهذه القصيده الشامخه ولا هو

غريب على ابو محمد دائم ينومس جعل أيامه سنين

الشكر لك يابو سلطان على النقل والمواضيع الرنانه اللتي

تجبرنا دائما على متابعتك

تقبل مني كل التقدير والاحترام

[صالح بن ناعمه]

بيض الله وجهك يابو سلطان

وبيض الله وجه ابو محمد ..

اللي يميز فلاح القرقاح عن بقية الشعراء

إن ابو محمد دايم في الموعد...

[المناضل السليماني]

بيض الله وجه الشاعر والناقل

[نايف راكان]

صح لسان الشاعر القرقاح ولاهنت ابو سلطان صبيان خوالي


مشكوووووور

[جباري]

بيض الله وجهك يا أبو سلطان

وأبو محمد دايم مجمل نفسه وربعه وصاحب مواقف مشرفة وله قاعدة كبيرة من الجمهور من خارج قحطان بعد.

[سفر بن مبارك]

احسنت اخوي ابو سلطان على الإختيار الرائع

لا هنت

[فهد بن محمد الزهيري]

ابداع لا محدود

صح لسان الشاعر وسلمت يد الناقل

[مشاري بن نملان الحبابي]

أرحب يا بو سلطان ..

بيّض الله وجهك يا الغالي ..

وصح الله لسان القرقاح ودايم مجملنا في كل محفل ..

أكرر شكري لك يا كحيلان ..

[محمد آل سويدان]

لاهنت وكان ودنا انها فديو بس اللي يجي منك قابلين به..


تقبل مروري..

[محمد المقباس]

تسلم يمينك يا ابو سلطان

وصح الله لسانك ولسان شاعرنا فلاح القرقاح

لا خلا ولا عدم