يا الله يا كتاب رزق العبيدي......(قصيدة نادرة)

[ابن شطفان]

هذه القصيدة للشاعــر : متعب بن حليمان أبو ظهير آل معمّر - رحمه الله- ... قالها أيام الحرب مع الأشراف ...أرجو أن تحوز على رضاكم ... و أرجو ممن يعرفها و يشوف ان فيها خطأ أو ابيات ناقصة أن يصححها مشكوراً ....





يا الله يا كتّاب رزق العبيدي=يا اللي جميع الخلق ترجي عطاياه
اكتب سعَد ربعٍ خطاها بعيدي=في ديرةٍ ماهيب للنفس مشهاه
من ديرةٍ فيها سمايك حديدي=وادي العِلا جعل الروايح تعدّاه
تر حن عبيدة مثل شبك الحديدي=ولاّ البحر لما صفق زف من جاه
تر حن قحاطين ذَرَبنا بعيدي=و لا بدا اللازم علينا قضيناه
عاداتنا في الهوش ذبح العقيدي=تِجفى معاميله و تبكي دناياه
و حرمته تلبس حدادٍ جديدي=و تشتاف في لما المناعير بدلاه
يا راكبٍ من فوق حرٍّ فريدي=حرٍ من العيرات يعجبك ممشاه
و يا راكبٍ من فوق حرٍّ فريدي=لا حسّه العرقوب ما ينّس رغاه
ينصى اميرٍ مثل سيلٍ يزيدي=تراه مترك عسى المنايا تعدّاه
فبشّره اني بدارٍ رغيدي=بُرّ و برني و بالهيل شخلناه
راعي السلف نعطيه سلمٍ جديدي=من قلّط المعروف يبشر بثنواه
و اللاش لا جا زمانٍ شديدي=لا شعبٍ يماله ولا طول ليماه
و الله ان طرات الغمر يسّع بعيدي=يلطخ بجنحانه و يلزم بيمناه
و الله ما رحنا لدارٍ بعيدي=كون ذلّتي للراس ما يندفق ماه



أخـــــ ابن شطفان ــــوكم

[قحطاني وبس]

مشكوررررررررررررررررر على هذه المشاركة المتميزة جداً لك خالص التحية والتقدير

[ابن شطفان]

مرحبا خوي قحطاني و بس و الله يحييك ...

مشكوووور على مرورك الجميل و لاهنت ...






أخــــ ابن شطفان ــــوك

[النايب له ولد]

قصيده رائعة جداُ

وابن حليمان من الشعراء المتميزين - رحمه اله

الا ان المناسبة ليست في حرب مع الاشراف او غيرهم ابداُ.

فقد كان ابن حليمان موظف في العلا وراسل هذه القصيده الى ربعه والى مترك بن
عشق ابن شفلوت .

وقد كان ابن حليمان منصا لكل من يذهب الى العلا من قحطان

[ذيب العبيدي]

ابن شطفان


شكرا لك هذا النقل الطيب


وارجو ان تعرف بان هذه الاشراقه فقط


لشعراء مجالس قطان من الاعضاء


وفيه اشراقه خاصه بشعراء قطان

سوف تنقل لها القصيده


شكرا لك


العبيدي

[ابن شطفان]

أرحبوا ....

مشكورين و لا هنتو على مروركم ...

أخوي النايب له ولد أنا قلت ايام الحرب مع الأشراف و لم أقل أن الحرب هي مناسبة القصيدة ... و هذا اللي قدرت أحصل عليه من معلومات حول هذي القصيدة من شايب من آل سلمان كان خوي ابن حليمان ذيك الأيام ...

على العموم لا هنت على المداخلة الطيبة ...


أخــــ ابن شطفان ــــوكم

[النايب له ولد]

أرحبوا ....

مشكورين و لا هنتو على مروركم ...

أخوي النايب له ولد أنا قلت ايام الحرب مع الأشراف و لم أقل أن الحرب هي مناسبة القصيدة ... و هذا اللي قدرت أحصل عليه من معلومات حول هذي القصيدة من شايب من آل سلمان كان خوي ابن حليمان ذيك الأيام ...

على العموم لا هنت على المداخلة الطيبة ...


أخــــ ابن شطفان ــــوكم

كلامك صحيح
وهي بالمناسبه ليست في حرب ولا في وقت حرب مع الاشراف
فقد ذهب ابن حليمان الى العلا بعد توحيد المملكة بالكامل .
وانا عندما اقول هذا الكلام ليس تكذيباً لك او لمن رواها لك
ولكن معرفة مكان وتاريخ قول القصيدة والسبب جزء منها
وضروري لمن يهمه الامر.

اما القصيده فيحفضها الكثير من اهل الحفاير

اشكرك

[ابن شطفان]

ارحب يا خوي النايب له ولد ...


الله يحييك و لا يهينك على توضيح السالفة و تصحيحها ...




أخــــ ابن شطفان ــــوك

[سعيد ابوظهير]

شكرا على النقل الطيب لكن القصيده اطول من كذا

هذا للتوضيح!!!!

[مشاري بن نملان الحبابي]

لاهنت يا ابن شطفان ..

ولا هانوا الأخوان على الإضافة ..

[فلاح آل راكان]

لله درك يابن شطفان ..

وبيض الله وجهك على هذا النقل المميز ..

وصح الله السانك والسان ابن حليمان مدد بلا عدد

تستاهل سمعه ياذيبان ..عربون غلا ..:)

[حسين المسعودي]

الله يعطيك العافيه

[فهد العلياني]

الله يرحم الشاعر برحمته


ومشكور علي القصيده النادرهـ


تحياتي لك

[ابن شطفان]

لله درك يابن شطفان ..

وبيض الله وجهك على هذا النقل المميز ..

وصح الله السانك والسان ابن حليمان مدد بلا عدد

تستاهل سمعه ياذيبان ..عربون غلا ..:)


و وجهك ابيض يا الغالي ... تحري بالعلم الغانم

لكن الموضوع قد له خمس سنين ... وش هيضكم عليه :)

===========

الأخ سعيد ابو ظهير .... أرحب ملايين

و يا ليت اذا تقدر تجيب القصيدة كاملة ... يا ليت تنزلها في موضوع مستقل

[نايف بن جليد]

الله يبيض وجهك يابن شطفااان

مجهود تشكر عليه

لاهنت بالغالي
تقبل مروري

[المناضل السليماني]

الله يعطيك الف عافية يابن شطفان ..

وبيض الله وجهك على هذا النقل المميز ..

وصح الله السانك والسان ابن حليمان

[محمد العرجي]

ونعم بعيال روح ال معمر يستاهلون العلم الغانم بيض الله وجهك على السالفه وتقبل تحياتي