مدح الخوي والقبايل

[محمد بن زميع البشري]

بسم الله الرحمن الرحيم
هذه القصيده قلتها في واحد من اعز اصدقائي وهي قصيده ملحنه بلعبتنا الشعبيه ( القزوعي ) المعروفه ولقد القيتها في زواج ولد عمي في الرياض .... واقول فيها..

أبدى بذكر العزيز الواحـد الــوالــي **** رب المـلا عــالـم مـاكـان سبـحـانــه
ثمــن بـعـدهــا الا يـالله يــاعــالــي **** تسوي بليل العمـر لأثنين وأخـوانـه
ســلام منـي عــدد مــاهــل همالــي **** وأعداد من طاف بيـت الله وأركانـه
تــرحيبـة بعـدهــا لذربيـن الأفعـالي **** ترحيبــة مضيـفن يفــرح بضـيفانــه
سرت هواجيس قلبي في ليل ضلالي **** وخط القلم حبره أبيـاتي وقيفانــه
ذكرت صاحب على العرفـان طوالـي **** صاحب رفيع القدر مابه مثل شانــه
صـاحب عليه الوفـا والطيـب ميدالـي **** لا شيف كلن يحيي وســط ميـدانــه
صاحب على الطيب والكيفات شيالي **** يفداه قلبــي وصمامـه وشـريـانــه
لو أمدحــه عشـرة أيـامـن وبليالــي **** مايكتفي قدره العالـي وميــزانــه
لا زود يابن العمـام ويابن الأخـوالــي **** أنتم دروعي تضم الجوف وأمتانه
ولا جدودي دهر والفيض وأخوالـــي **** سيفــن مهند مجز لكــل عــدوانــه
شتى قبايل عربنــا قدرهـــا عالــي **** ألا الـردي مالــه ألا الـذل واهـانـه
واختامها يالله انــك واحـدن عـالــي **** أغفر ذنوبي ومن قـد زل بلسانــه


محمد بن زميع البشري

[المجهول]

لاهنت

[ذيب العبيدي]

اخي الغالي ابن ازميع


لاهنت والله يوفقك انشاء الله

وبما انها مشاركتك الاولى معنا هناء


وفيها وفاء وهدف طيب ومشاعر صادقه


سابقي عليها تقديرا لك

ولكن اتمنى عليك ان تقراء كتب الشعر كثيرا

لتستفيد من الربط وعدم الزحف في الكلمات

التي تبين ان القصيده فيها خلل


والى الامام انشاء الله

ونشوف منك مشاركات جديده

العبيدي

[تركي الفهري]

صح لسانك يابن زميع ولاهنت