المساعد الشخصي الرقمي

مشاهدة النسخة كاملة : قــــصــيــدة ابن ريــــــفــــه بالـــمـقـنـــاص .


محمد الكدادي
08-11-2005, 04:08 AM
ابن ريفه
هو الشيخ فراج بن ناصر بن مسفر القرقاح من قبيلة القراقحه ال غانم الفهر عبيده قحطان . ولد رحمه الله اواخر القرن

الحادي عشر للهجره وتوفي في منتصف القرن الثاني عشر للهجره تقريبا ....... وكان ابن ريفه شيخا شجاعا وشاعرا

مشهووراا ... عرف بدماثه الاخلاق والحكمه وبعفه النفس والشهامه والكرم .


وقال الشاعر فراج القرقاح القحطاني هذه القصيدة الرائعه المسماه قصيده (( المقناص)) .


قال ابن ريفه بدا في مرقبٍ عالي=باعلى المراقب تصفقني هبايبها
عديت في مرقبٍ ماني بكسالي=واذل من خبرتٍ باحث مزاهبها
يامرقبٍ جاك من الامطار همالي=انصوب مزن من المنشا يهل ابها
مايدهله كود صافي الريش والوالي= ولا الولع يوم يفتك في عجايبها
عليك يامرقبٍ جيته وانا سالي= ذكرٍ على قلبي اديار ربيت ابها
هيض علينا شدوق الثفن وجبالي=عطفت طريب الازافه جوانبها
لامن غدا العشب كنه زرع عمالي=سيله من القدم للبطنان ناهبها
كم مرةٍ نزلنا عشبه المالي= بيوتنا لاوزا المجرم يلوذ ابها
نبني بيوتٍ بعراف وجهالي=وان جا النذر من حفيفٍ مانزهبها
بعيال مفلح وهم حمايه التالي=بحمول صلفا عطيباتٍ ضرايبها
صبيان مفلح تحل المنجم الخالي=كسابت المدح حامينٍ ركايبها
ربعي عبيده وانا من حربهم جالي=هل هيةٍ بالضحا تعشا كسايبها
انشد عبيده هل الطولات عن حالي=وانشد الاجناب يوم انا نقاربها
منهو يقلط على فرشن وفنجالي=سعد بن عمه الي جاته مصايبها
لامن غدا بيننا ناقض وفتالي=وباحت علومه والاعاده يعربها
وقفت انا ثم نسفته على جالي=نسف الدلي والمعدي يوم يجذبها
عسى هل الشين مايبقى لهم تالي=واهل دروب الردا يارب تذهبها
واللي رفيعن واللمقالات حمالي=ارفع نواصيه ياربي وقطبها
وانا من الخبره اللي شورهم عالي= واما هل البخل بامر الله نجنبها
قم يانديبي على اللي يهذال اهذالي= مايشتحن من هل العيرات راكبها
يالله انا طالبك حمرا هوى بالي=ون روح الجيش طفاح جنايبها
لاروح الجيش حاديه اشهب اللالي= لاهي تورد وسيع صدر راكبها
اللي على كورها واللي بلا حبالي= واللي على المردفه واللي بغاربها
لاروحت مع سباريت الخلا الخالي= كن الذيابه تنهش من جونبها
اردها للمخلاوالحق التالي=اردها للتوالي ثم احضبها
مع بندق رميها ماضي له افعالي=مخضب عقبها من ضرب شاربها
حديدها واذكر الله كنه اريالي= كن الحيايا تطوا في مقاضبها
ياما حلا دحته والبعثعث الخالي=تلقاعلى عقبها من لفض شاربها
لاثار حس الندب والملح مانجالي=شفت الدماء يوم ينثر من مضاربها
نبدا بها القايدة والتيس بالتالي= وقد الاداني تلافت طاح شاربها
الله يرحمك ياعودٍ شراهالي=من واحدٍ جابها لسوق جالبها
شريتها للدهر يوم ارخص الغالي=مايه وخمسين مايمهل بغايبها
بنت غراها زباد عند دلالي= ولاطموح هواها من يلاعباها
اضرب بها الوعل لامنه تبنالي=ابو حنبفه كبير الراس قاد ابها
ذبحت عشره بها والظل ما مالي= والحاديه روحت تثعل مضارها
والا لفونا من القناص زعالي= احد مدح بندقه واحد يعذربها
بشرتهم بالعشا من عقب مقيالي= والقايده مع مرد الكوع ضاربها
لاثار بارودها والعود متكالي=قامت ترايع تلفت ويش صايبها
اسرح بها بالسحر واتي مدهالي=وارجيه يغفر الي رزت نصايبها

سليمان القحطاني
05-12-2005, 12:39 PM
شكراً لك اخي الكريم على هذا المشاركه وبيض الله وجهك
ننتضر الجديد

الوهابى
05-12-2005, 10:39 PM
لا هنت ويعطيك العافيه

عاشق النسيم
06-12-2005, 06:58 PM
السلام عليكم ورحمة الله وبركاته
الله لا يهينك
والله ونعم بربعنا عبيده

مرتاح البال
08-12-2005, 07:26 PM
مازالت هذه القصيده في المرتبه الاولى في الجزيره العربيه------- ويتذكرها الناس عند طلوعهم للبر -- او المقناص --- او عندما يشوفوا الابل

رحم الله شاعرنا ----- وبمثل هذا الشاعر الشجاع تفخر به قحطان

محمد الحياني
08-12-2005, 07:33 PM
مشكووووووووووووووووووور



اخووووووووووووووووووووي



الغالي



صحت يمناك على النقل ولاعدمناك


وصح لسان الشاعر

أبو زيد
09-12-2005, 12:39 AM
أشكرك على هذا الجهد والتنسيق الجميل

لكن الموضوع مكرر
http://www.qahtaan.com/vb/showthread.php?t=892&highlight=%C7%E1%E3%DE%E4%C7%D5


تقبل تحياتي