المساعد الشخصي الرقمي

مشاهدة النسخة كاملة : احدى روائع الشاعر الكبير/تركي المشيقح


محمدبن عبيان الفهري
14-06-2011, 10:41 PM
الحزن طرقي والحنايـا معازيـب
لفـى ولكـن الهنـوف مخطوبـه



اللي لها بين الضلـوع المحاديـب
قلب صدق وسط الحيـاة الكذوبـه



راحت على طرق العطا والمواجيب
أقفت وهي بنت الحلال مغصوبـه



والذيب مايقلط على فضلة الذيـب
والجـرح مايبـرى ولوحاولوبـه



يانوف لوهي بالظفـر والمكاسيـب
ماخاب ظن اللـي بفعلـي هقوبـه



لكنهـا قـل وحماقـة وأكـاذيـب
ثلاث لاجـن الرجـل عذربوبـه



مدّ الليل الفرقـا وأنـا ودي وأجيـب
عيـن تضـم الغاليـة واللعـوبـه



يالله يارب السمـا عالـم الغيـب
تستر على عبدك خطـاه وعيوبـه



لاصرت أحب ولاتجيني مكاتيـب
وجسمي نحيل وراهيً فيـه ثوبـه



ياوجد حالي وجد سالم على كليـب
وجد الّذي كـلّ العـرب هبلوبـه



لاهيب قصة حب صارت ولاهيب
نهايـة العاشـق وقمـة عيـوبـه



لكنهـا قلَ وحماقـة وأكاذيـب
ثلاث لاجـن الرجـل عذربوبـه

سفر بن مبارك
17-06-2011, 04:25 PM
صح الله لسانك ولسانه

مشكور اخوي محمد ,,

حد السيف
17-06-2011, 06:10 PM
لاهنت اخوي محمد

صح السانك والسان الشاعر

محمدبن عبيان الفهري
17-06-2011, 10:29 PM
الف الف الف شكر للجميع على المرور الرائع

محمد بن مسفر بن جليد
18-06-2011, 12:42 AM
بيض الله وجهك يا بو عبيان على نقل المميز

محمدبن عبيان الفهري
18-06-2011, 10:43 PM
ارررررررررررررحب يابو ممدوح

وجهك ابيض والله لايهينك على المرور الرائع

محمد بن مسفر بن جليد
20-06-2011, 03:10 PM
تحياتي لك يا بوعبيان لتوصل على جوال 0530816882 تقبل خا لص تحيا تي