جـــمــلــة دروس

[علي بن مسفرالحبابي]

يامضحي بمستقبلك لاجل ماضيك
مستقبلك قدمك وماضيك فاتـي



اللي مضى لا تنشغل فيه يلهيـك
عمـا تجيـب ايامـك المقبلاتـي



خسايرك في سالف الوقت تهديـك
جملة دروس عن ظـروف الحياتـي



لو تطرد اللي فات ماعاد يمديـك
تلحق بركب سنينـك الماضياتـي



ادفع طموحك قدم وابذل مساعيك
وكل احتمالات القـدر وارداتـي



ولا ترتجي حي يغيثـك ويعطيـك
الا العظيـم مكـون الكاينـاتـي



توسل اللي لا توسلـت يوحيـك
واليا طلبتـه ياتـي الخيـر ياتـي



الله كريـم ومـدةٍ منـه تغنيـك
والا البشر ما من وراهـم غناتـي




للشاعر خليل بن هدلان

[غشام ال مهدي]

لاهنت يابو/مسفر على نشرهذي القصيده وصح السان الشاعر خليل بن هدلان وتقبل تحياتنا.

[حسين آل حمدان الفهري]

دروس وحكم
قصيدة جزلة ومعاني سامية

شكرا لك ياومسفر على الاختيار الرائع
والشكر موصول لشاعرنا الكبير خليل بن هدلان

[حد السيف]

لاهنت يا بو مسفر

بيض الله وجهك وصح السانك والسان الشاعر

عزالله انها بالفعل مجموعة دروس

[رائد نملان الحبابي]

لااااهنت يالغاااااالي

[حمد الظلافيع]

بيض اللة وجهك

[محمد بن مسفر بن جليد]

دروس وحكم
قصيدة جزلة ومعاني سامية

شكرا لك ياومسفر على الاختيار الرائع

[سفر بن مبارك]

صح الله لسانك ولسان الشاعر

لاهنت بارك الله فيك ,,,

[نايف راكان]

ارحب يابو فيصل وبيض الله وجهك وصح لسان خليل
مشكوووور

[آلشآيب]

:: ولا ترتجي حي يغيثـك ويعطيـك ::
:: الا العظيـم مكـون الكاينـاتـي ::


ابيات جــزله .. نقل رائع يآ الحبابــي لاهنت .. وصح لسان ابن هدلان ...


(( لآهـــــــــنــــــــــــــت ))