علي بن مسفرالحبابي
31-05-2011, 10:32 PM
أهدى شاعر الأندلس الشاعر الكبير / ناصر القحطاني قيادة وشعب ومحبي مملكة البحرين رائعته الجديدة
(سلام السعوديين) وقد ألقاها شاعر الأندلس
في أمسية " خليجنا واحد " بمملكة البحرين في
الأسبوع المنصرم بحضور شعبي ورسمي ودبلوماسي كبير وقد نالت
القصيدة استحسان وإعجاب الحاضرين
ســلام السعوديين
سلامي على بحرينكم يا هل البحرين =على شوفة الاحباب ما فيه تأخيره
سلامي على اللي حط منزالكم في العين =وحث الخطى للمجد من حسن تفكيره
حمد جارنا اللي طلته في القسا واللين =تساوت بوجهٍ ما عرف يوم تكشيره
رسالة غلا مختومه بنخله وسيفين =حملها السلام اللي دريتوا باساريره
سلام السعوديه .. سلام السعوديين =هل الطيب والنخوه والاخلاص والغيره
يسلم عليكم شيخنا خادم البيتين =ابو متعب حزام السعد طيب السيره
الى مد يد العون ما احدٍ وراه يعين =يحط الصعاب بكبرها حبة شعيره
وابلغكم جزال التحيات يالغالين =من السيف الاجرب سيف الاجداد ما غيره
خذا في ضيافتكم سنينٍ وراها سنين =ولا حصّل من بلادكم غير تقديره
ترى الجسر وحده ما ربط بين اهلنا بين =علاقاتنا شي من الصعب تفسيره
ونبقى عليها دام حنا من الحيين =ما دام الدول ما بين جرفٍ ودحديره
الى صد الاسطول وتخاذل عدو الدين =نقول احتزم يا جار حنا هل الجيره
نوقّف ونصطف ونجي مثل سور الصين =ونعمل عليه ان حس بالضيق دويّره
على الدوله تقّدر حقوق المواطن زين =وعلى الفرد ما يعشق ورا ديرته ديره
وانا خابر البحرين توجد بها الثنتين =كبيرة مقام وشان .. لو قالوا صغيره
الا يا اهل البحرين لا ننقسم نصّين =عسى كل بيت يزيد بالحب تعميره
وعسى كل بيتٍ فيه نلقى عمر وحسين =والايام تجمعكم على الخير والخيره
(سلام السعوديين) وقد ألقاها شاعر الأندلس
في أمسية " خليجنا واحد " بمملكة البحرين في
الأسبوع المنصرم بحضور شعبي ورسمي ودبلوماسي كبير وقد نالت
القصيدة استحسان وإعجاب الحاضرين
ســلام السعوديين
سلامي على بحرينكم يا هل البحرين =على شوفة الاحباب ما فيه تأخيره
سلامي على اللي حط منزالكم في العين =وحث الخطى للمجد من حسن تفكيره
حمد جارنا اللي طلته في القسا واللين =تساوت بوجهٍ ما عرف يوم تكشيره
رسالة غلا مختومه بنخله وسيفين =حملها السلام اللي دريتوا باساريره
سلام السعوديه .. سلام السعوديين =هل الطيب والنخوه والاخلاص والغيره
يسلم عليكم شيخنا خادم البيتين =ابو متعب حزام السعد طيب السيره
الى مد يد العون ما احدٍ وراه يعين =يحط الصعاب بكبرها حبة شعيره
وابلغكم جزال التحيات يالغالين =من السيف الاجرب سيف الاجداد ما غيره
خذا في ضيافتكم سنينٍ وراها سنين =ولا حصّل من بلادكم غير تقديره
ترى الجسر وحده ما ربط بين اهلنا بين =علاقاتنا شي من الصعب تفسيره
ونبقى عليها دام حنا من الحيين =ما دام الدول ما بين جرفٍ ودحديره
الى صد الاسطول وتخاذل عدو الدين =نقول احتزم يا جار حنا هل الجيره
نوقّف ونصطف ونجي مثل سور الصين =ونعمل عليه ان حس بالضيق دويّره
على الدوله تقّدر حقوق المواطن زين =وعلى الفرد ما يعشق ورا ديرته ديره
وانا خابر البحرين توجد بها الثنتين =كبيرة مقام وشان .. لو قالوا صغيره
الا يا اهل البحرين لا ننقسم نصّين =عسى كل بيت يزيد بالحب تعميره
وعسى كل بيتٍ فيه نلقى عمر وحسين =والايام تجمعكم على الخير والخيره