النجم اللآمع
26-05-2011, 02:30 PM
أخواني الأعزاء .. أعضاء شبكة قحطان عموماً ومجلس عذب الكلام خصوصاً
أتشرف بأن أنقل لكم هذه القصيدة القديمة والجزلة للشيخ عمر بن خليل بن عمر بن قرملة
والتي وجدتها أثناء تصفحي بعض الأوراق الخاصة في مكتبي، حيث تم تدوينها من الشاعر عام1412هـ وهي من القصايد النادرة التي تحمل الروح والمناسبة والمصداقية في أبياتها وهي بعنوان (الوقت) آمل أن تعجب متذوقي الشعر الحقيقي:
الــوقـــت
يا تركي(1) الوقت عدلـه غالبـه ميلـه = دنيـاً تقلـب ومتعبـنـي تقلبـهـا
اليوم يومه وليل الوقـت هـو ليلـه = والخلف في الناس يوم الوقت معجبها
جانا زمان الرخاء واطغاء مهابيلـه = ناسٍ بلا سـاس تطغيهـا رواتبهـا
قالوا له الشيخ لا كثـرت محاصيله = وإحساس حمر النواظـر ما يحسبهـا
راسه جبانٍ ويمنى الخايـب بخيلـه = وأرضٍ بلا نور والله ما يسيـر بهـا
اقصد بها اللاش وهل الدرق والحيله = ووادمٍ كـان نشريهـا ونجلبهـا
العبد والصانع ومن كان يرفي لـه = تامر وتنها وتفخـر فـي مراكبهـا
فكرت واحترت يا دنيا مـن أنتي لـه = حطي رجال المناصب في مناصبها
هم ساس عز البلاد وهم رجاجيلـه = ومن سابق الوقت ماضيةٍ تجاربهـا
جدٍ وأبو والولد يفرق علـى جيلـه = تحمى وطنها وتاقف دون واجبهـا
ما كل من حمولـه الحمـل بيشيلـه = ولا كل من ينطح العـدوان يعطبهـا
قلته وأنا اشكي من الوقت وغرابيله = اليوم يا كثـر مخطيهـا وصايبهـا
وقت العنا تقبل وتقضـي مراحيلـه = هذي نبي بعدهـا وهـذي نقربهـا
ما نيب مليوم في وقتـي وتفصيلـه = دنياً يشيـب شببهـا قبـل شايبهـا
أبا قصر الهرج مـا ودي بتطويلـه = ما قـل دل وطروفتهـا سبايبـهـا
وسلامتكم جميع والمعذرة على القصور أو الخطأ في النقل.
---------------------------------------------
(1) تركي : هو الابن الأكبر للشيخ عمر بن خليل بن قرملة.
أتشرف بأن أنقل لكم هذه القصيدة القديمة والجزلة للشيخ عمر بن خليل بن عمر بن قرملة
والتي وجدتها أثناء تصفحي بعض الأوراق الخاصة في مكتبي، حيث تم تدوينها من الشاعر عام1412هـ وهي من القصايد النادرة التي تحمل الروح والمناسبة والمصداقية في أبياتها وهي بعنوان (الوقت) آمل أن تعجب متذوقي الشعر الحقيقي:
الــوقـــت
يا تركي(1) الوقت عدلـه غالبـه ميلـه = دنيـاً تقلـب ومتعبـنـي تقلبـهـا
اليوم يومه وليل الوقـت هـو ليلـه = والخلف في الناس يوم الوقت معجبها
جانا زمان الرخاء واطغاء مهابيلـه = ناسٍ بلا سـاس تطغيهـا رواتبهـا
قالوا له الشيخ لا كثـرت محاصيله = وإحساس حمر النواظـر ما يحسبهـا
راسه جبانٍ ويمنى الخايـب بخيلـه = وأرضٍ بلا نور والله ما يسيـر بهـا
اقصد بها اللاش وهل الدرق والحيله = ووادمٍ كـان نشريهـا ونجلبهـا
العبد والصانع ومن كان يرفي لـه = تامر وتنها وتفخـر فـي مراكبهـا
فكرت واحترت يا دنيا مـن أنتي لـه = حطي رجال المناصب في مناصبها
هم ساس عز البلاد وهم رجاجيلـه = ومن سابق الوقت ماضيةٍ تجاربهـا
جدٍ وأبو والولد يفرق علـى جيلـه = تحمى وطنها وتاقف دون واجبهـا
ما كل من حمولـه الحمـل بيشيلـه = ولا كل من ينطح العـدوان يعطبهـا
قلته وأنا اشكي من الوقت وغرابيله = اليوم يا كثـر مخطيهـا وصايبهـا
وقت العنا تقبل وتقضـي مراحيلـه = هذي نبي بعدهـا وهـذي نقربهـا
ما نيب مليوم في وقتـي وتفصيلـه = دنياً يشيـب شببهـا قبـل شايبهـا
أبا قصر الهرج مـا ودي بتطويلـه = ما قـل دل وطروفتهـا سبايبـهـا
وسلامتكم جميع والمعذرة على القصور أو الخطأ في النقل.
---------------------------------------------
(1) تركي : هو الابن الأكبر للشيخ عمر بن خليل بن قرملة.