المساعد الشخصي الرقمي

مشاهدة النسخة كاملة : قصيده جميله في اجمل مدن العالم **الدوحه**


الحد الرهيف
05-05-2011, 11:26 PM
.
.




لو تاسع فجوج ربّي فِ عيوني تضيق !

................................ عيّيت لا أنسى ( هوى الدوحه ) وخلانها





يا ( قبله العشق ) ياورد الشذا و الرحيق

................................ يا فخر إبيها الشجاع ، و عزوة إخوانهــا




لو باعدتنا الأراضي / و المدن / و الطريق

................................ تراش فِ عيوني الثنتين .. وأجفانهــا





الشوق يطفح بعيني وإن ملاها يريق

................................ ويخط سيله على خدي .. ووديانها





لاجيت أقول لش : مشتاق / ماراق ريق !

................................ تذبل حروف فالكلام .. وتدفن أشجانها !





لو سولف الحب .. عن سر الغرام العميق ؟

................................ عرفتي كيف المحبّه .. يصعب إعلانها !





لو ترتسم الابتسامه وسط قلبي حريق !

................................ أزرع بذور الغلا .. و تموت عيدانها !!




( ف ) إلى لمحتي بعيوني ياضناها بريق ؟

................................ هذي ( دموع الوفا ) .. تحتال سجّانها ,





لا والذي شرّف البيت الحرام العتيق !

................................ ما خلقت اللي تساوي روحش وشانها !!





قلبي حصونه غلا ! وعيونش ( المنجنيق ) ,

................................ هديتي أسوار روحي , وكل بيبانها !





( أنيقه الذوق ) ما تستاهل إلا أنيق !

................................ يفهم تعابيرها .. و يعزّ سلطانـها ,





و أنتِ خلاطه حلا ( مرجان ، و لول ، و عتيق ) !

................................ يموت فيها الدلع .. ويبات بـ أحضانها ,





لبى معاليق صدرش كل ما أغفى و أفيق !

................................ يامن يذوب الكلام فنطقه لسانها





أروح فيها !! مع الصوت الأبح الرقيق !

................................ ياكبر ذنب الشفاه ؟ .. وكبر شيطانها ,





قيد المحبّه على كف المولّع .. وثيق !

................................ وأنتي غرام الحياه , وغالي أثمانها





يا أغلى من الدمعه إلي فِ عيون الرفيق !

................................ وأقرب من الدم , فعروقي .. وشريانها ,





أنا سبحت البحر .. وإن مت ؟ موتت غريق !

................................ فـ / أنا شهيد العيون السود , وأجفانهــا





ما كنّي الا ( عناد ) , إلي بـ عليآ عشيق ؟

................................( وعيوّا على مبتغاه ؟ .. إعيال عمّانها ) ! --> :(

رائد نملان الحبابي
06-05-2011, 12:03 AM
لاهنت يالحد الرهيف

ولاعاد شفناك والا سمعنا صوتك يالغااالي

ابراهيم آل بي حبيب الرفيدي
06-05-2011, 12:12 AM
لا هنت على


ايراد هذه الرائعه



تحياتي

الحد الرهيف
06-05-2011, 10:14 AM
لاهنت يالحد الرهيف

ولاعاد شفناك والا سمعنا صوتك يالغااالي


مرحبا ومسهلا يابن نملان

وابد موجود طال عمرك


لاهنت يالغالي

ابن قاسم السنحاني
07-05-2011, 10:27 PM
مشكور و صح السان الشاعر

الحد الرهيف
13-05-2011, 01:01 PM
لا هنت على


ايراد هذه الرائعه



تحياتي
ابراهيم شكرا لك