تسجيل الدخول

مشاهدة النسخة كاملة : الفول بريالين والخبز بريال ...

ماجد الخليفي
04-05-2011, 09:03 AM
السلام عليكم

هذي ابيات رائعة للشاعر سعد بن جدلان يقول فيها ..



لا ضاق صدرك والليالي تحدتك=اصبر عليها والصبر زين لو طال

لا تنحني للوقت وتروح هيبتك=وتموت بالحسرة ولو كنت رجال

واحذر تدور عند الأنذال حاجتك=لا تقضي الحاجة ولا تستر الحال

واحذر تبين لأقرب الناس شدتك=لو تزعله لحظه حكت فيك الأجيال

وان صرت ضيف الناس لا تطول مدتك=غالي تجي وتروح يا طيب الفال

وان كان همك بالزمن بس لقمتك=الفول بريالين والخبز بريال



وسلامتكم
سعد بن صالح البشري
04-05-2011, 09:29 AM
تحول عجيب يا ابو عصام واختيار اكثر من رائع
وفقك الله
ماجد الخليفي
04-05-2011, 09:39 AM
تحول عجيب يا ابو عصام



صبحك بالخير يا بو صالح

اسعدني مرورك وشرفتني زيارتك



يبدو ان سمعتي عندك ... :1108276488:
خالد العاصمي
04-05-2011, 09:49 AM
كل بيت من القصيدة حكمة

مبدع يابن جدلان

وابو عصام الأبداع بعينه

شكرا لك وتسلم يمينك
سعد بن صالح البشري
04-05-2011, 11:04 AM
صبحك بالخير يا بو صالح

اسعدني مرورك وشرفتني زيارتك



يبدو ان سمعتي عندك ... :1108276488:


الله يعزك يا أبو عصام لا والله بس اللي أنا بغيت أقوله أن مواضيع الشعر وما شابهها لم تكن بالعادة من إهتماماتك حيث تنصب مواضيعك على الهم الإجتماعي والنقد الهادف من خلال بعض المواضيع الراقية التي تطرحها .

لا بالله محشوم يا أطيب الأصحاب في هذا المنتدى العاطر بأعضاءه الغالين جميعاً.
محمدبن عبيان الفهري
04-05-2011, 12:15 PM
مبدع يابن جدلان

وابو عصام الأبداع بعينه

شكرا لك وتسلم يمينك
الضويري
04-05-2011, 01:45 PM
خل السوتشي ينفعك


تحياتي
سعد الشواطي
04-05-2011, 02:06 PM
مرحبا والله يابو عصام

صح لسان بن جدلان

وشكرا لك يامبدع على هذا التنوع في المواضيع
آل معمر
05-05-2011, 12:27 AM
يا سلااااااااااام

صح لسان الشاعر بن جدلان

وألف شكر يابو عصام على النقل الرائع والموفق

تسلم يا أخي الغالي أبو فرااااولة
ابن دغيّم
05-05-2011, 03:39 AM
صح لسانك يابو عصام وصح لسان ابن جدلان

بس ما ودك تتحفنا بيتين من عندك يابو عصام خلنا نشوف مقدرتك الشعريه
ماجد الخليفي
05-05-2011, 04:08 AM
صح لسانك يابو عصام وصح لسان ابن جدلان

بس ما ودك تتحفنا بيتين من عندك يابو عصام خلنا نشوف مقدرتك الشعريه


:dazzled: :dazzled: :dazzled:
مشاري بن نملان الحبابي
05-05-2011, 01:11 PM
سلمت يمينك يا بو عصام على النقل الرائع ..
عبدالله آل عباد
05-05-2011, 03:44 PM
أحذر تدور عند الانذال حاجتك

لا تقضي الحاجة ولا تستر الحال


هذا البيت من أقوى الابيات الشعرية الي سمعتها

بصوت أبن زميع

http://www.youtube.com/watch?v=dTbYxT6uGkA
رائد نملان الحبابي
05-05-2011, 07:11 PM
لاهنت اخي الكريم على الطرح الراااائع