لابد يأتي من ورى العسر يسري=مثل الشروق اليا اقتفى ظلمة الليل

[صالح حسن الكيرعاني]

البارحة قرّبت للطرس حبري=وسطّرت كم بيتٍ على ضوح قنديل
من حُرقةٍ ياحرّها وسط صدري=عز الله انها تِضعف العزم والحيل
البعض حاسدنا ولا هوب يدري=ان كل مخلوقٍ يطوله بهاذيل
شف حالي امن الضنك والكبت مبري=من كثر لوف الكبت خلّاني انحيل
لو مالأمل في باقي الوقت يغري=كان القنوط افنى حياة الحلاحيل
لابد يأتي من ورى العسر يسري=مثل الشروق اليا اقتفى ظلمة الليل
والحمد للمولى على كل خيري=من يجحد النعمه فيبشر بتبديل
هاذي بيوتٍ جات من غيض شعري=اوجزتها من غير ذكر التفاصيل

[عبدالله السحيمي]

والحمـد للمـولـى عـلـى كــل خـيـري
مـن يجـحـد النعـمـه فيبـشـر بتبـديـل

ارحب يا الكيرعاني


وصح الله لسانك يالامير

شكرا لك على طرحك هذه القصيده الجزله

ونتمنى منك المزيد يالغالي

ولك فائق الود
اخوك،عبدالله السحيمي

[أبو عساف]

ارحب ياصالح

وصح لسانك وبيض الله وجهك على هذه القصيده المختصره

لاتحرمنا الجديد

تقبل ودي وتقديري

[علي بن شبله]

صح لسانك واعتلا شانك

إبداع

يكفيني هذا البيتين اللي تقوم مقام عشرين قصيده

لـو مالأمـل فـي بـاقـي الـوقـت يـغـري كـان القـنـوط افـنـى حـيـاة الحلاحـيـل
لابـد يأتـي مـن ورى العـسـر يـسـري مثل الشروق اليـا اقتفـى ظلمـة الليـل



بن شبله

[رائد نملان الحبابي]

البـعـض حاسـدنـا ولا هــوب يــدري ان كـــل مـخـلـوقٍ يـطـولـه بـهـاذيـل

بيت اعجبني واثر فيني

صح الله اللساااانك من باب صنعاء لباب الشام

اله يعطيك العااافيه

[صالح حسن الكيرعاني]

عبدالله السحيمي

الله يبقيك ويطول عمرك ، وصح بدنك ياذيبان واشكرك على تعليقك الذرب وعلى اقتباسك اللذي يعني لي الشيء الكثير


أبو عساف

البقا يابو عساف وصح بدنك ووجهك ابيض ، وابشر بالمزيد وعساني اكون عند حسن ظنك ، وجعلني مااعدمك


علي بن شبله

صح بدنك يابن شبله ولاهنت على اقتباسك وإشادتك ، وهذا بحد ذاته فخر لي ابد الدهر

رائد بن نملان الحبابي

صح بدنك ياشاعرنا رائد واقتباسك وإشادتك زادت في معنوياتي ، وهذا من طيب معدنك ، وانت مرورك له عندي نكهه خاصه

[أبو معتز]

شاعرنا الغالي صالح صح لسانك مبدع مبدع بيض الله وجهك , تحياتي

[علي بن شنان الحبابي]

صح لسانك يا أبوحسن

خير الكلام ما قل ودل وجل ولم يمل

أبدعت وما قصرت

لـو مالأمـل فـي باقـي الوقـت يـغـري=كـان القنـوط افـنـى حـيـاة الحلاحـيـل
لابـد يأتـي مـن ورى العسـر يسـري=مثل الشروق اليـا اقتفـى ظلمـة الليـل

تقبل مروري

[عامر الوهابي]

أرحب يابو حسن

وصح الله لسانك وأقوووووول

مافيــــــــــــك حيـــــــــــله

تقبل مروري....

[سفر بن مبارك]

اخوي صالح

بيض الله وجهك وصح الله لسانك يالقرم

لاعدمنا وجودك ,,,

[صالح حسن الكيرعاني]

أبو معتز

صح بدنك يابومعتز ووجهك ابيض ولانجي الاّ من بعدك طال عمرك


علي ابن شنان الحبابي

صح بدنك ياعلي ولاهنت على اقتباسك واشادتك ولاسيما من شاعر بحجمك ومكانتك الاجتماعيه


عامر الوهابي

البقا ياعامر وصح بدنك يالغالي ولاهنت ياكحيلان على المرور العذب


سفر بن مبارك

ووجهك ابيض يابو مبارك وصح بدنك ولاهنت ياذيبان على المرور والتعليق الذرب