المساعد الشخصي الرقمي

مشاهدة النسخة كاملة : ( معاناة ..بلا ..سبب) ..." جديدي"


فهد الهباش
10-04-2011, 11:53 PM
جديدي:
( معاناة ..بلا ..سبب)

يانجم ياللي تسهر الليل كلّه=جاوب نديمك يوم ناداك بسكات

أدري كذا طبعك وطبعك جبلّه=لكن نديمك يسهر الليل ونّات

الله من هم(ن) بقلبي محلّه=أصبح شريكه بالشقا والمسرّات

والصبر طال وما يطوّل نملّه=ولا لقيت أدنى سبب للمعانات

أواصل الأصحاب والدرب أدلّه=ولاني مقصّر في فروض الصلاوات

ولا هو بلاحقني من الوقت ذلّه=ربعي هل الطالات من ماضي (ن) فات

حتى الهوى ياللّي تقولون علّه=قطعت دربه من زمان أوّل ومات

ياقلب قلّي ويش هم (ن) تشلّه=تكفى ترى العالم تحب الشماتات

ياطيب طيبك كيف همّك تزلّه=وأنا علي تبدي جميع العلامات

إي والله إنّي يالنشامى إي والله=أسهر بلا سبّه واهجرس بالأبيات

وضعي خطير وضحكتي مسفهلّه=ولا لقيت أدنى سبب للمعانات

تحياتي :
فهد الهباش،،،

أبو عساف
11-04-2011, 12:01 AM
ارحب يافهد

وصح لسانك وأبيض وجه

وافي ياوافي

تحياتي وتقديري لك

ناصر آل جمان
11-04-2011, 08:36 AM
والـــصـــبــــر طــــــــــال ومـــــــــــا يـــــطــــــوّل نـــمــــلّــــه
ولا لـــقـــيـــت أدنـــــــــى ســـــبـــــب لــلــمــعــانــات

أأأأأرحب يابو محمد
حياك الله وماجبت يالغالي
وقصيدك لويطول ما نمله
اتمنى لك السعاده فالدار ين

صالح حسن الكيرعاني
12-04-2011, 01:40 AM
الله الله


صح الله لسانك مليون ولايكفون


سهل ممتنع / سلاسه وعذوبه


وكل ماجيت اقتبس بيتٍ لقيت بيتٍ اجزل منه


ولايبطي جديدك ياكحيلان

فهد الهباش
12-04-2011, 07:54 PM
صح ابداااااااااااااااانكم جمييييييييييييييييع
ويعطيييييييييييييكم العاااااااافية
يالغاااااااااااااااااالين
تحياااااااااااااااااااتي العطرررررررررررررررررة
للجمممممممميع

أبو معتز
12-04-2011, 09:07 PM
يعطيك العافيه وصح لسانك يا فهد . تقبل تقديري واحترامي

ماجد المقبل
21-04-2011, 03:57 PM
رحب يافهد ملاااين وينك ؟ لكن من طول الغيبات جاب الغنايم قصيده رائعه جداا
جدا مشوقه وجميله وافيه من وافي صح لسانك ولا عدمناك
واعذرني على قل الابيات ولكن خير القصيد ماقل ودل ؟



سلام يابحر القصيد ومحله=
ياللي تنشد عن سبب ذا المعانات
ان كان والله مادريت ايش حله=
ابنصحك لعل في الامر خيرات
ترى الهوى يعمي الذي رايح له=
يظميك شوق ويطعمك بالمرارات
استغفر الله يافهد والله الله=
والوالدين اسباب كل المسرات
ولا خويك كان قلبه يتله=
تل الجيوب اللي سرت بالحمولات
والحمد لله جاني الخيركله=
من بعد ماجنبت درب المضلات
هذي نصيحيه وانت دربك تدله=
جبيت اشارك معك همك والابيات

ماجد المقبل
21-04-2011, 04:00 PM
ارحب يافهد ملاااين وينك ؟ لكن من طول الغيبات جابالغنايم قصيده رائعه جداا
جدا مشوقه وجميله وافيه من وافي صح لسانك ولا عدمناك
واعذرني على قل الابيات ولكن خير الكلام ماقل ودل
سلام يابحر القصيد ومحله=
ياللي تنشد عن سبب ذا المعانات
ان كان والله مادريت ايش حله=
ابنصحك لعل في الامر خيرات
ترى الهوى يعمي الذي رايح له=
يظميك شوق ويطعمك بالمرارات
استغفر الله يافهد والله الله=
والوالدين اسباب كل المسرات
ولا خويك كان قلبه يتله=
تل الجيوب اللي سرت بالحمولات
والحمد لله جاني الخيركله=
من بعد ماجنبت درب المضلات
هذي نصيحيه وانت دربك تدله=
جبيت اشارك معك همك والابيات

عامر الوهابي
23-04-2011, 09:24 PM
أرررحب يا بو هباش

وصح الله لسانك مليوووون والله يزيل مايضيق صدرك

وتعاني منه واصبر والصبر زين لو طال ولاتقنط من رحمة الله

تقبل مروري وإعجابي بطرحك...

سفر بن مبارك
24-04-2011, 04:47 AM
أخوي فهد

صح الله لسانك مدد بلا عدد شاعر جزاله ومعنى

لاعدمناك بيض الله وجهك

ننتظر جديدك ,,

فهد الهباش
24-04-2011, 11:27 PM
ابو معتز ..صح بدنك يالغالي ولاهنت..

فهد الهباش
24-04-2011, 11:38 PM
ماآجد ..والله لكـ وحشهـ يارآآجل..
فرقتنا الليالي .. لعنبوها حياه ... يا حياة الشقى .. ما عاد فيني صبر
والله انك ببالي .. واللقا جا نباه ... غير طال اللقى .. ولا لــفاآني خـبـر

عجــل علي بقصيدة ..تراني في انتظاآرك يالغالي

فهد الهباش
24-04-2011, 11:42 PM
ابو سعيد مرحبا ومسهلا يالغالي..
يعلم الله اني مقصر فيك .. بس الغلا في القوب والشاآهد الله..
صح بدنك والله لا يهينك..
تحياآتي

فهد الهباش
24-04-2011, 11:43 PM
أستاذي القدير أبو فيصل..
صح بدنك والله لا يهينك..
يعلم الله اني اتشرف بحضورك في متصفحي دائما
تحياتي

محمد ابن حسين ابو حكام
25-04-2011, 12:06 AM
صح لسانك يافهد ويسر الله امرك

ماجد المقبل
05-05-2011, 04:21 PM
والله يافهد انه لايحضرني جديد ولكن لو جات الجديده تكون اول من يعرف مشاغل الدنيا يابوعجب مابقت لي وقت ولكن لو عندك انت شي هات وابشر بالرد وسلامه قلبك من المعانه ولكن هل هي من صميم الذات ولا اجنبيه ؟

رائد نملان الحبابي
05-05-2011, 06:53 PM
صح الله السااااانك من القلب

بحر
07-05-2011, 08:35 PM
صح لسانك يافهد

وافيه وانت وافي

تقبل ود بحر