وين بن جمّان العبيدي..له داعي.. [الأرشيف] - شبكة قحطان - مجالس قحطان

مشاهدة النسخة كاملة : وين بن جمّان العبيدي..له داعي..

سيف عبيدة

08-04-2011, 03:19 AM

أبن جمّان أسمح لي أدعيك.. أذا فضيت رد على البيتين...

أدري أنك ما تعرفني لكن.... من طيبك حبيت اللعب معك...

يالقرم....

وين بن جمّان جعل الله يعينه=الملاعب عندنا مثل القتالي

خابزينه فالزمان وعاجنينه=يتقرب ويتعلوا للمعالي

ناصر آل جمان

08-04-2011, 07:19 AM

حياك اخوي سيف

وماعليك زود
ولا تنسى سورة الكهف
واذا لم يظهرلك الرد اعمل اقتباس وشكرآ

لي رفيق مايسلم ويش دينه======ويتسمى في سيوف اهل المعالي
دخنت يالربع مابيني وبينه===== وايش يكسب بالسوالف والجدالي

سيف عبيدة

08-04-2011, 07:41 AM

السلام يجيك في وسط المدينه=من سلايل محتمين التوالي

وان بغيت الشر فعضودي متينه=نردع العيال بخشوم السلالي

مشكور على التذكير وانا خوك

وجزاك الله خير

فلاح مذكر المعمري

08-04-2011, 01:43 PM

واصل يا بن جمان جعلك سالم

وانت يا سيف من اسمك سيف يقص العظام

بيض الله وجيهكم يا بني عمي والى الامام

جعلكم سلوم

لكم تحياتي

فهد الهباش

11-04-2011, 12:01 AM

وينك يااااسيف رد
نبي المحاااورة تكتمل شكلهااااا ناااااار
صح لسانكم جميع لكن شكل ابن جمااااااان نااااااااااويهاااا
يالله متااااااااابعين
ومااااسكين الصف
عجل ياااسيف عجل واانااااااا خوووووووك
تحيااااااااتي للجميييييييييييع

سيف عبيدة

11-04-2011, 03:49 PM

أرحب يابن هبّاش

أنا على أهبة

الأستعداد لكن لم يتضح رد أبن جمّان لي

نرجوك المساعدة في التوضيح؟؟

أو أعد الرد أن كانه رد هو..

سيف عبيدة

11-04-2011, 03:51 PM

واصل يا بن جمان جعلك سالم

وانت يا سيف من اسمك سيف يقص العظام

بيض الله وجيهكم يا بني عمي والى الامام

جعلكم سلوم

لكم تحياتي

أرحب يابو مذكر

مرورك شرف

ناصر آل جمان

11-04-2011, 06:30 PM

ناصر آل جمان

11-04-2011, 06:39 PM

لي رفيق مايسلم كيف دينه

ما عرفنا له حرام ولا حلالي

يرخص الرجال سيفه من يمينه

لا عطاه اللي يحدون السلالي

سيف عبيدة

11-04-2011, 07:09 PM

حياك اخوي سيف وابشربي طال عمرك

الرد موضوع من اليوم الجمعه لكن يبدوا انك لم تأخذ بالك منه
هههههههههه:021: :021:
لكن لسؤء الأتصال لم يتنسق كقصيده شعريه لأني كل ما اطقها تطلع عوجاءوانت من حرصك رديت بسرعه ولم اتمكن من تحريره لاكن اعتمد هذاالرد وافضل لوتكون المحاوره مباشر
مع خالص الشكر لأبن هباش و المعمري

أخذت بالي زين ورديت عليه

وأتوقع تعديلك له بسبب كلمة المعالي فأنت كررتها

----------

على العموم...

خذ الملخص وأعتمد هذه الأبيات ورد مباشر يا ناصر

سيف عبيدة

وين ابن جمّان جعل الله يعينه=الملاعب عندنا مثل القتالي

خابـزينه فالـزمان وعاجنينه= يتقرّب ويتعلوا للمعالي

ناصر جمّان

لي رفيق ما يسلّم كيف دينه=ما عرفنا له حلال ولا حرامي

يرخص الرجال سيفه من يمينه=لا عطاه اللي يحدّون السلالي

سيف عبيدة

11-04-2011, 07:13 PM

السلام آمان واحنا عارفينه=ما نسلّم ثم نغدر بالرجالي

ولا بندهم سيفنا تحت الدفينه=شاهر سيفي على روس الجبالي

اللعب مباشر يا بن جمان ومعك أخوك القريشي

ناصر آل جمان

11-04-2011, 08:19 PM

في عجاف سنيكم ولا السمينه

ابن غانم كيف يغدر بالهلالي

كل قبرن فيه عشره خابرينه

كيف تبحث فالمشاكل ياحلالي

سيف عبيدة

11-04-2011, 09:11 PM

الديانه رب مكه عابدينه=كيف تخرجنا من الدين الزلالي

حن هل الدين الأصيل ومحتمينه=أترك التكفير وأصحاب الضلالي

ناصر آل جمان

11-04-2011, 09:40 PM

السؤال اللي ما نتم فاهمينه

مستحيل تجاوبه في كل حالي

كل نفسن في عمايلها رهينه

فرق الخطين من صبح الليالي

سيف عبيدة

11-04-2011, 09:57 PM

كلّ شيٍّ واضحٍ ومبينينه=من بدا بالشر يبشر بالتوالي

من شرد جعل ربّك ما يعينه=صامل الوقفات يثبت للجدالي

ناصر آل جمان

11-04-2011, 10:10 PM

من شمال الدرب ولا انتم يمينه

أمش واضح لا يمين ولا شمالي

دعوتك لا صابتك فأنشد جهينه

منهو اللي راح مرواح الغزالي

سيف عبيدة

11-04-2011, 10:23 PM

كلمتي مثل اللبن ماهي شنينه=او كما ضرب الجرامل فالعيالي

ما نخلّي درب مروين السنينه=والمعاني عندنا مثل الريالي

ناصر آل جمان

11-04-2011, 10:37 PM

النوم سلطان

نكتفي بهذا القدر وشكرآ على هذه الرحله الماتعه

أبو عساف

11-04-2011, 10:58 PM

صح ألسنتكم جميع

الوعد ليلة الخميس علشان ماحدن يرقد

هههههههههههههههههههههه

تحياتي لكم