صحبة المشبوه للشاعر خليل بن هدلان

[علي بن مسفرالحبابي]

ياللي تبي شوري ترى ما انت مسفوه =جنب عن الخايب ودور بديله

راع الردى دايم مع الناس مكروه =ويقضي حياته بين ذل وفشيلة

ما يلحقه شرهة ولا منه مشروه =ولا فاعلٍ خيرٍ ولابه فضيلة

ولا عدّو رجال المواقف ما عدوه =ماله مع اهل الكار قدر وحصيلة

مشبوه واللي يقربه صار مشبوه =اجرب ويعدي بالجرب من يجي له

والناس قبلك برقوا به وعافوه =وشاموا عن اللي ما يروم الجميلة

واقفوا معا شهب الفيافي وخلوه =يدرّج الضلّع بقاعٍ محيلة

[أبو عساف]

ارحب يابو فيصل

وصح لسان خليل بن هدلان

الله لايهينك على النقل

تقبل ودي وتقديري

[عادل الشبلي]

ابوفيصل عرفت تختار جعلك تبطي حي

قصيده ابن هدلان شاعر جزل ومن بيت شعر وفروسيه وتاريخ

لاهنت يالنشمي ولاشنت

[فلاح آل راكان]

اللــــــــــــــــــــــــــــــه

جعل يمنآك ماتعطب يابو فيصل وصح الله السان بن هدلان مدد بلا عدد ..

[غشام ال مهدي]

لاهنت يابو/مسفر على نشر القصيده وصح لسان الشاعر خليل بن هدلان.
وتقبل مروري مع تمنياتي لك بالتوفيق