تخيلوا .......؟؟؟.

[حسين سعد الربيعي]

تخيلـوا لـو الحريـم بيسـوقـن للشاعر نايف بن عرويل ..


تخيلـوا لـو الحريـم بيسـوقـن
ونلقالهن في كل شـارع طرايـف

تلقا العجايـز فالشـوارع يـدورن
وسيارة الاسعاف ترقـب حتايـف

وليـا تأخرنـا دقايـق يصيـحـن
ثم اركبن فـوق المواتـر ولايـف

وقامت تكبسلـك بالانـوار ياهـن
بين اخوياك وصرت محرج وخايف

وتخيلـوا لـو ذات يومـاً يمـرن
عليك دوريـات والجمـس طايـف

ويوم اطرحوه يصير موقفك محزن
تلقا العجـوز مكلبشـه ياحسايـف

وتلقا البني في كـل جلسـه يتكـن
طقة بلوت ومعهن الكيـف كايـف

هذي تبا تحكم وهـذي تبـا تصـن
والبيت ضايع دون طبخ وغرايـف

ياللي ذنوبك فـوق راسـك يحنـن
اللـي فقلبـك طلعتـه الشفـايـف

انظارنا من فوق فكـرك يشوحـن
ونشوف شـيٍ ماتشوفـه ياهايـف

حق المره ياشيخ تلعب على من !!
خبلان حنا ولا ويش انت شايـف ؟

وين انت عن صوت الارامل ينوحن
وين انت عن حق المره فالوظايف

وين انت عن جملة بناتٍ يضيعـن
وين انت ياراع العلـوم النصايـف

لوهي بيديكـم كـان قلتـوا يغنـن
لكن صدمتـوا فالجبـال النوايـف

من دونهـن حنـا وفقلوبنـا هـن
الطاهـرات الساجـدات العفاايـف

والمسئله لاصـار لحقـة شرفهـن
يروح فيها يـا آل زلفـه طوايـف

هذا كلامي واسمعه زيـن واذعـن
قلته ولانـي مـن تواليـه خايـف

قلته واباقف وارفع الصوت واعلـن
ارادة الامـه علـى لسـان نايـف

ماهـو تخلـف لارفضنـا يسوقـن
راس التخلف لاتركنـا العطايـف

[ماجد الخليفي]

والله يا اخوي حسين انا اعتبر منعهن تخلف

لان فوائد سواقتهن اكثر من مضاره

ونحن لماذا نختلف عن ٢٢٠ دولة في العالم

يعني حريم العالم كله غير وحريم السعودية غير

[حسين سعد الربيعي]

اتق الله يا ماجد تدي إش إللي مانعهم

بسبب النتائج التالية (( كلام واقعي )) :

1- سعودة في محطات البنزين 100% .

2- زيادة نسبة الفزعات على الطريق .

3- كثرة جلسات البلوت وكثرة السهر .

4- وماخفي كان أعظم .

وطبعاً يا ماجد الكلام هذا مستحيل يحصل
مرة واحدة ........... لاكن الشيطان له خطوات

وين راح نهي الله سبحانه وتعالى عن التبرج
وكشف الوجه (( وهاذي مع السواقة مستحيل ))

وين راح نهي الرسول _ صلى الله عليه وسلم _
عن خروج المرة من حصنها وشرفها إلا لحاجة
ماسة فهي كالملكة لا تخرج من قصرها إلا
لحاجة ولا تخرج إلا بحراسة وهو المحرم ........


ترى نحن على هذة الحال محسودين من بلاد
الغرب لذلك ترى الحرب على هذة البلاد ليل
ونهار لفسخ المبادئ والقيم الإسلامية من
المواطن السعودي وكذلك المواطنة المسلمة
وأنا أركز على المواطن السعودي لأن غيرهم
من العرب للأسف قد إنسلخوا عن قيمهم و
مبادئهم الإسلامية ..... وياكم من البروفسرات
والدكاترة من تفاجئوا بقدر المرءة في الإسلام
بعكس الصورة المنقولة عندهم ..............

إستغفر الله ياماجد .........فكلامك يعارض كلام

الله ورسوله .....

عتاب محب .......... أخوك في الله /

حسين سعد الربيعي