ابات لشاعر الفارس شالح بن هدلان رحمة الله

[مسفر ابن سعد ابن هصام]

ذيب عوى وانا على صوتة اجيب..........ومن ونتي جضت ضواري سباعه
عز الله اني جاهل ماعلم الغيب..........والغيب يعلم به حفيظ الوداعه
يالله يارازق عكف المخاليب...............يا محصي خلقة ببحره وقاعه
تفرج لمن صابه جروح معاطيب..........قلبه من اللوعات غاد ولاعه
ان ضاق صدري لذت فوق المصاليب...مانيب من يشمت فعايل ذراعة
صار السبب مني على منقع الطيب..ونجمي طمن بالقاع عقب ارتفاعة
ياطول ما هجيتهن مع لواهيب.........ولاني بداري كسرها من ضلاعه
وياطول ما نوختها تصرخ النيب.........ووزن البيوت الي كبار رباعه
اضوي عليهم كنهم لي معازيب......لما رمى زين الوسايد قناعه
اضوي عليهم واتخطى الاطانيب.....واخذ مهاوية الجمل باندفاعه
ابنذر الي من ربوعي يبا الطيب.....لاياخذ الا من بيوت الشجاعه
ياتي ولده مهذب كنه الذيب.........عز لبوه وكل ما قال طاعه
وبنت الردي ياتي ولدها كما الهيب..غبن لبوه وفاضحه بالجماعة
ياكبر زوله عند بيت المعازيب.........متحري متى يقدم متاعه
.................................................. ............................