يا فرحة ما تمت ...

[ماجد الخليفي]

السلام عليكم

واحد من الزملاء يسألني استلمتوا بونص الشهرين يا متقاعدي التأمينات الاجتماعية ...؟؟؟

قلت له .. ما جانا شئ ...

بس امس صرح محافظ المؤسسة العامة للتأمينات الاجتماعية الأستاذ سليمان الحميد أن صرف المؤسسة مرتب شهرين للمستفيدين من خدماتها يبحث مع الجهات المعنية وفي حال إقراره سيتم الإعلان عنه في حينه ...

رد عليّ ضاحكا ..

تستاهل يابو عصام ..

قلنا لك ماورى سيطرة القصمان على مفاصل الدولة الا مثل هالحركات والاسئلة التقليدية :

· وش هو له

· وش يزينون به

· حنا ادرى بالمصلحة

· وراوووه ... وهلم جرى

ولا تقولي هذا مو قصيمي كل نجد والوسطى واطراف حائل والسليل ووادي الدواسر واجزاء من الربع الخالي قصيمية الحضارة والهوى

ودمتم

[حسين آل حمدان الفهري]

يارجال الله يحييكم انتوا والقصيم
أهم شي مايجونا: شحقه يوبه

[ماجد الخليفي]

أهم شي مايجونا: شحقه يوبه


ابو ياسر .. ( شحقه يوبه ) ما عندهم حسد :) :)

[ابن دغيّم]

اي والله صدقت يابو عصام ما عندهم حسد

والحسد انهم من هالقصمان وربوعنا اللي انتم خابرينهم

[عبدالله آل عباد]

الملك أصدر القرار

والى حد الان لم يصل للجهات الحكومية بشكل رسمي

بس الاكيد راح يوصل

بعد ما يغني المتقاعدين

للصبر أخر خلاص خلاص عافك الخاطر

[آل معمر]

يا رجال ربك يسهلها

[الظور]

ابو ياسر .. ( شحقه يوبه ) ما عندهم حسد :) :)


شحق حسد ماعندهم بس حقد

على طاري القصمان

كنت في مخرج 6 ادور لواحد قالوا علمه عند امام المسجد قلت زين

صليت للمغرب معى المطوع وقمت اتسنن حول الباب الا المطوع معرض علي مثل الددسن

فخلصت بسرعه وخرجت الا المطوع يفتح باب سيارته قلت ياشيخ ياشيخ ياالوجه السفر لحظه لحظه

قال

خير وش تبي خلصني عندي شغل الا وهو قصيمي ثم قام وركب سيارته

قلت له ياشيخ هذا كبر وصاحب الكبر لايدخل الجنه

قال ايه والحاسد برضه مايخش عرف لغتي اني جنوبي

قمت وركبت معه قال وين قلت عشني وقهوني وترك العجله

فنزل ومطني بيدي ليني في القاع ورجع يركب فركبت قبله فنزل ثانيه ومطني ليني متربع في الزفلت

ثم قفل ازارير الابواب والسياره شغاله والمفتاح فيها ليحنا كلنا براء

فانفجرنا من الضحك كلنا ثم قمت انا بفتح الباب بمعلاق ملابس ثم حلف علي ان اركب وان لايفكني فركبنا وذهبنا لمشواره ثم عدنا الى المسجد وصلينا للعشاء

ثم ذهبنا لبيته وعشانا تيس حنيذ كامل وجاب الرجال الي ابيه وتعشى معنا وخلصني منه في موضوع شايك

القصيمي اذا انت تعرفه فلااظن ان احد يتعداه بمرجله ابدا جاورت منهم شباب في سلك القضاء لم اجد اعذب من ارواحهم لكن الناس شادين معهم وهم كذلك شادين

واذا انت لاتعرفه فكارثه لن تجد لها حل ابدا

[أبو تركي الحرملي]

الخير والشر موجود في جميع شتي بقاع الارض سوي كان في البشر او الزمان او المكان .
ولكن اري الموضوع اخذ منحا اخر وتركتم ابو عصام الذي يستجدي بكم ياأهل الراتبين ويبغا العطيه .

[مشاري بن نملان الحبابي]

القصمان شحليلهم ما في أطيب منهم يا بو عصام ..